news-inner
clock14:39 calendar-gray 06 Fevral 2021 view-gray1260 dəfə oxunub
view-gray1260 dəfə oxunub

Keçmişə açılan pəncərə - Hekayə

Dərslərin başlamasına günlər qalmışdı. Sevincim göylərdə pərvaz edirdi, tələbə adı qazanmışdım. İllərlə çəkdiyim zəhmətin bəhrəsi idi bu. Dərslərin başlanmasına günlər qalmasına baxmayaraq, paltarlarımı, kitablarımı yığıb dəqiqələr sonra yola çıxacaqmış kimi hazır qalmışdım. Gecələr yata bilmirdim. Məni gözləyən şəhər həyatı, tələbəlik illəri yuxumu gözümdən almışdı.

Yüksək balla universitetə daxil olmağımın sevincini ailəmdə də hiss edirdim. Kənddə nəyimiz varsa, satıb şəhərə köçmək barədə düşünürdük. Bacımın üzündən gülüş əksik olmurdu. Anamın fəxarət hissiylə süzməsi bir ayrı xoşbəxt edirdi məni. Bircə dədəmin simasındakı peşmanlığın sirrini öyrənə bilmirdim. Daha çox dədəm sevinər, mənimlə qürur duyar düşünmüşdüm. Onun uşaqlıqdan çəkdiyi əzab əziyyəti oğlu çəkməyəcəkdi. Gələcəkdə hansısa şirkətdə menecer işləməsi, hansısa məktəbdə müəllim işləməsi belə atamın başının ucalığı idi.

Atam kiçik yaşlarından yetimçiliklə böyüyüb. Ona-buna qoyun otarmaqla, ot çalmaqla, odun yarımaqla ailəsini dolandıran yetim olub. Zaman keçdikcə özünə balaca da olsa, bir ferma qurub cəmi 30 baş qoyunla və balaca daxmamızın yanındakı o qədər də böyük olmayan sahədə zəhmətlə yetişdirdiyi məhsullardan sataraq ailəsini dolandırırdı. Nə vaxt baxsam, onu əlində siqaret fikir içində oturmuş görürdüm. Atamın belə olmasına səbəbkar bəlkə mənəm! İçindən əzab çəkdiyi kişinin simasından açıq-aşkar hiss olunurdu.

Günlərin birində dədəm əl eləyib məni yanına çağırdı. Təbiəti ağır adam idi. Heç vaxtı bizə xoş sifət göstərib açıq danışıb gülməzdi. Zalım oğlu, elə bil, dilindən çıxartdığı sözlərə də qənaət edirdi.

- Əkbər! Bala, gəl, otur burda. Palıd kötüyünü göstərərək çətinlik çəkirmiş kimi sözə başladı. Mənə yaxşı-yaxşı qulaq as. Otuz ildir bu daxmada yaşamışam. Nə xoş günüm olsa da, bəd günüm olsa da burda keçirtmişəm. Ən ağır günlərim belə olub, amma heç vaxtı ac qalmamışam. Nə mən, nə mənim ailəm. Mədəmi tox tutacaq bir tikə çörəyi bax bu 2 sotluq torpaq, o 30 baş qoyun verib mənə. Məni də, səni də bu günə çıxardan onlar olub. İndi də gəlib övladlarımın ağ günə çıxdığı vaxtında onları kiməsə necə verim? Hər kim nə desə də, vicdanım qəbul etmir, bala. Düzdür, biz şəhərə köçməyi planlaşdırmışdıq, ha düşünürəm, çox əziyyət çəkirəm. On beş yaşımdan əllərim ayaqlarım bu torpağın palçığında, bu qoyunların yununda böyüyüb, bundan sonra da belə olacaq. Keçmişə açılan pəncərəmi bağlaya bilmərəm, oğlum. Allah yolunu açıq eləsin. Sən get, təhsil al, işini qur, arada məndən də xəbər tutarsan. Mən həyatımı bura bağlamışam. Üzümdəki qırışların sayı qədər bu torpağı şumlamışam, qoyun otarmışam. Nə qədərki nəfəsim gedib gələcək, bu torpaq da, bu ev də mənlə bir canlanacaq.

Xavər Şəfiyeva

news-inner-user

18722 məqalə

Oxşar xəbərlər

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021