news-inner
clock11:42 calendar-gray 14 Yanvar 2021 view-gray683 dəfə oxunub
view-gray683 dəfə oxunub

Adam adamı sevər də... - Fərid Həsənzadənin yeni şeirləri

Kulis.az Fərid Həsənzadənin yeni şeirlərini təqdim edir.

Əllərin ayrılıq qoxur,
Əlimə toxunmur əlin,
Bir gün üzüləcək deyə.

Uzağı sevmək də doğma gəlir hərdən,
Zaman bircə uzağı kəsmir.

Əllərimdəki ağrıların səbəkarı olmaq necə hissdi?
Vurursanmı əllərinə?
Sonra sığal çəkirsənmi
Sol əlinlə sağ əlinə?

Əvvəllər üstümə gəlirdi divarlar,
İndi yanımda dayanırlar
Kürəyimi yox,
Çiynimi söykəyim deyə.

Mən səni səkkiz yaşımdan sevirəm.
Nədi, adam adamı sevər də,
Gəl, barışaq.

***

Yenə əvvəlkitək çıxıb gedirsən,
Üz-üzə qalıram ağrılarımla.
Sən çıxıb gedirsən, sənə nə var ki,
Mən üz-göz oluram doğrularımla.

Düz sancır ürəyə sevda nizəni,
Xoşbəxtlik gözləyir buna dözəni.
Çoxdan saxlamışam mübarizəni,
Artıq barışmışam qayğılarımla.

Yaz bitir, yay gəlir, eh, isti düşmür,
Bu sevda kül olur, heç tüstü düşmür.
Ən pisi odur ki, üst-üstə düşmür,
Mənim yaralarım sarğılarımla.

***

Bir sevgi şeiri yazıram sənə,
Amma gözlərini yum, sonra oxu.
Dəniz kənarında, küləkli gündə
Düşsün gözlərinə qum, sonra oxu.

Mənim lüğətimdə var olan adın,
Sevgi məktubumu cıran tək qadın.

Sən özün bilirsən niyə qorxuram,
Şeiri də cırarsan deyə qorxuram.

Gecələr yuxunu yarımçıq qoyan,
Ürəkdən ürəyə gedən səs idi.
Sevgi məktubumu cırmışdın mənim,
Oxuyub cırmağın daha pis idi.

***

Səsindəki günahı hiss edirəm,
Eşidirəm tənhalığın bağırtısını.
Gözümün önündə yaşayır
Vicdanın qulaq ağrısını.

Gözün rəngdədir göy üzü,
əllərini öpür hava.
Adın dilimə gələn kimi,
Dodağıma qonur dua.

Bir yandan da yağış yağır,
Torpaq içinə daşıyır.
Yarpaq ağacdan düşür,
Ağac üşüyür,
Yarpaq yaşayır.

news-inner-user

19962 məqalə

Oxşar xəbərlər

Xəbər lenti

Los Ancelesdə Üzeyir Hacıbəyliyə həsr olunmuş qısa film hazırlanıb - Video
17:00 18 Sentyabr 2021
Üzeyir Hacıbəyovun vida mərasimindən reportaj - Fotolar
16:30 18 Sentyabr 2021
Milli Musiqi Günü ilə bağlı Bakı Musiqi Akademiyasında tədbir keçirilib - Fotolar
15:31 18 Sentyabr 2021
Şuşada ilk dəfə Milli Musiqi Günü keçirilir - Fotolar
14:36 18 Sentyabr 2021
Yaqub Zurufçu xanımından niyə boşanmışdı? - Video
13:30 18 Sentyabr 2021
Mədəniyyət naziri: “Şuşaya onun ruhunu qaytaracağıq”
12:40 18 Sentyabr 2021
Fərhad Bədəlbəyli: "Artıq bu, həqiqətdir”
12:29 18 Sentyabr 2021
Üzeyir Hacıbəylinin məzarı ziyarət olunub - Fotolar
11:30 18 Sentyabr 2021
Nazirliyin bəstəkarlara vurduğu zərbə - Firudin Allahverdi yazır...
10:34 18 Sentyabr 2021
Cümhuriyyət ərəfəsində Üzeyir Hacıbəyovu İranda qalmağa vadar edən nə idi? – Vilayət Quliyev yazır
09:01 18 Sentyabr 2021
1937-ci ildə həbs edildi, sevdiyi qadını güllələdi, oğlunun boş tabutunu basdırdı... - Bağırov haqqında qeyri-adi faktlar
21:00 17 Sentyabr 2021
Azərbaycanlı skripkaçı birinci yerə çıxdı
19:16 17 Sentyabr 2021
"Arşın mal alan” Çində təqdim olunub - Fotolar
18:45 17 Sentyabr 2021
Məşhur İspan yazıçısı vəfat etdi
18:15 17 Sentyabr 2021
Azadlıq qılıncların oxuduğu nəğmədi – Rüstəm Behrudinin şeirləri
17:30 17 Sentyabr 2021
Təşəkkür edirəm ayaqlarımın səsinə - Yeni şeirlər
17:07 17 Sentyabr 2021
Sezen Aksudan yeni mahnı - Video
16:55 17 Sentyabr 2021
Məşhur tarzənə ev verildi
16:17 17 Sentyabr 2021
Bir sıra mədəniyyət işçilərinə fəxri adlar verildi - Siyahı
15:50 17 Sentyabr 2021
Deşikli daş pirinin möcüzəsi: İnanaq, yoxsa gülüb keçək?
15:30 17 Sentyabr 2021