writer1

Cəlil Cavanşir

Məqalə sayı

293
clock19:30 calendar-gray 12 Dekabr 2012 view-gray1972 dəfə oxunub
view-gray1972 dəfə oxunub

“Gözlənilməz görüş”ün şifrələri

Təxminən bir il bundan əvvəl Qan Turalı ilə “Beş qazan” adlı kafedə oturub siqaret tüstülədə-tüstülədə yaradıcılıqdan, ədəbiyyatdan və yazarlarımızın bu günkü durumundan danışırdıq. Jurnalistlərdən biri Turala zəng elədi və onun “Anarla çay içmək” ideyası ilə bağlı açıqlama aldı. Səhəri gün başqa bir qəzetin əməkdaşı mənə zəng elədi və Turalın bu fikri ilə bağlı münasibətimi soruşdu. Mən o zaman bu ideyanı dəstəklədiyimi, Anarla və Azərbaycan Yazıçılar Birliyi ilə gənc, müstəqil yazarlar arasında qovğanın bitməsində maraqlı olduğumu söylədim. Bu gün də bir il əvvəl söylədiyim fikrin arxasındayam. Necə ki, Tural da fikirlərinin arxasındadır.

Ədəbi mühitə gec qoşulsam da, Anarla, Rəşad Məcidlə, Elçin Hüseyinbəyli ilə, dolayısıyla AYB ilə heç vaxt ulduzum barışmayıb. Əlimə qələm alan gündən AYB-ni və onun üzdə olan emissarlarını tənqid etmişəm.

Amma AYB-də Səlim Babullaoğlu, Eyyub Qiyas, Qismət, Cavid Zeynallı, Əsəd Cahangir, dünyasını dəyişmiş Zərdüşt Şəfi, Elnaz Eyvazlı, Rəbiqə Nazimqızı, Mövlud Mövlud kimi qələm adamları ilə də çox isti münasibətlərim olub. Hətta adını çəkdiyim şəxslərin çoxu ilə müsahibələrim, ədəbi söhbətlərim çap olunub.

AYB ilə qovğaya son qoymaq ideyasını Turalla da dartışmışıq və Turalın bu ideyasını ədəbiyyatımızın gələcəyi naminə dəstəkləmişəm. Turalın Anarla bir masa ətrafında əyləşmək istəyini də bu baxımdan uğurlu ideya hesab edirəm.

Bu günlərdə Qan Turalının Anardan müsahibə almağı ədəbi mühitdə bomba kimi partladı (Əslində mən bu görüşü müsahibə yox, ədəbi polemika, gənc qələm adamı ilə, yaşlı yazarın dartışması adlandırardım).

Əvvəlcə Qan Turalıya iradım : Məncə Tural Anarla görüşünə həsr etdiyi köşənin adını “Anarla necə çay içdim?” yox, “Anarla niyə çay içdim?” qoymalı, bu görüşlə bağlı düşüncələrini tam olaraq yazısında əks etdirməli idi. Təəssüf ki, dostum Tural bu məsələnin mahiyyətini tam olaraq açmayıb. Köşədə toxunduğu mətləblər şəxsən məni qane etmir. Yəni Turalın əsas qayəsi bu yazıda tam əks olunmayıb.

Əgər belə olmasaydı, dəyərli qələm adamları Rasim Qaraca, Aqşin Yenisey, Elnur Astanbəyli, Günel Mövlud qələmə sarılıb Turalı “ne prav” çıxarmağa çalışmazdı. Turalın Anarla söhbəti birmənalı olaraq ilin müsahibəsi, ilin ədəbi söhbəti sayıla bilər.

Ancaq Tural bu böyük addımına görə çox bəsit izahat verib. Bəli, Tural böyük bir missiyanın altına çiyinlərini təkbaşına verib və bunun davamı gəlməlidir. Mən Rasimin də, Elnurun da, Aqşinin də, Günelin də cığallığını başa düşürəm. Adını çəkdiklərim (Rasimdən başqa) müstəqil şəkildə fəaliyyət göstərən qələm adamlarıdır. Onların missiyası yazmaqdır. Amma Turalın (və Rasim Qaracanın) missiyası təkcə yazmaq deyil.

Çünki dərgi redaktoru olaraq onların ədəbi mühitə faydalı addımlarının olması vacibdir. Digərləri isə, bunu edib-etməməkdə sərbəstdir. Tural müsahibədən əvvəl çap olunan köşəsində arzulanan mətləblərə dolayısı yolla toxunub. Amma məncə missiyasını tam olaraq açmayıb. Bəli, Tural o adamdır ki, AYB və AYO arasında körpü yaratmağı bacarıb. O ədəbiyyat aləmində ilk dərgi redaktorudur ki, hər iki qurumun üzvlərini bir ocaq ətrafına yığmağı bacarıb və fərq qoymadan hər iki tərəfin qonorar almasını, yazılarının çap olunmasını təmin edib.

Anarla Turalın söhbəti mükəmməldir. Ən azından ona görə ki, Anar illər sonra Tural faktorunun varlığını və gücünü qəbul edib, onunla bu gərgin, polemik söhbətə razılaşıb. Verilən suallar və polemika olduqca mükəmməl və mübaliğəsiz olaraq əladır. Tural Anara qətiyyən uduzmayıb. Əksinə ona gücünü və savadını sübut edə bilib.

Əziz dostlar, bu müsahibə hər şeydən əvvəl iki yazıçının söhbətidir və tarixə düşəcəyinə qətiyyən şübhəm yoxdur. Etiraf edək ki, son illər heç kəs Anarla bu cür söhbət edə bilməyib.

Tural bacarıb. Anarın qəlyanın tüstüsü onun əhvalını qətiyyən korlamayıb. Anar nə qədər eqoist, nə qədər nataraz görünsə də Turalın bu addımı ədəbi mühitin “Anar mifi”ni dağıtdı.

Mən Turalın missiyasını alqışlayıram və davamını gözləyirəm.

Çünki bizim mübarizəmiz şəxslərlə deyil.

Estetik davalar isə hər zaman olacaq və ümid edirəm ki, kontekstdən çıxmayacaq.

REKLAM

Yazarın digər yazıları

Xəbər lenti

Azərbaycanlı şair vəfat etdi
13:35 02 Avqust 2021
Kino xadimləri təltif edildi - Siyahı
12:58 02 Avqust 2021
İttifaqın katibi: “Ən böyük təhlükə “feyk” Azərbaycan kinosudur” – Müsahibə
12:30 02 Avqust 2021
Amaliya Pənahovanın barelyefinin açılışı olub - Fotolar
12:01 02 Avqust 2021
Kamal Abdullanın yeni romanı çap olunub
11:33 02 Avqust 2021
Kinostudiyanın direktoru: “Müjdə çox yaxındadır” – Müsahibə
10:51 02 Avqust 2021
Mərmi düşməyən pir, şükür edən icra başçısı - Tap Qaraqoyunluda söz bayramı - Fotolar
10:30 02 Avqust 2021
Bu gün Milli Kino Günü qeyd olunacaq
09:56 02 Avqust 2021
Rüstəm Behrudi: “Xalq şairi adını versələr, qəbul eləmərəm” – Müsahibə
09:00 02 Avqust 2021
Səhnəmizin gerçək primadonnası: Amma danışmasın!
13:12 01 Avqust 2021
Rüstəm Behrudi intihar edən qardaşı oğluna şeir ithaf etdi
11:30 01 Avqust 2021
Biz tərəflər – Şərif Ağayardan hekayə
16:30 31 İyul 2021
"Memati" yeni serialda rol alacaq
15:00 31 İyul 2021
Aydın Xırdalanlı ölüm anında hansı videoya baxıb – Maraqlı Faktlar
13:30 31 İyul 2021
ADU-da Pakistan Mədəniyyət Mərkəzinin açılışı olub
12:52 31 İyul 2021
Flora Kərimova "Şərəf" ordeni ilə təltif olundu
11:48 31 İyul 2021
Ayaz Salayev: "O Ittifaqın başında bizə yaraşmayan insan dayanıb" - Müsahibə
11:33 31 İyul 2021
Tünzalə Ağayeva Türkiyəyə yardım göndərdi
10:26 31 İyul 2021
Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021