Tanınmış dünya yazıçıları Prezident İlham Əliyevə məktub göndərib

Tanınmış dünya yazıçıları Prezident İlham Əliyevə məktub göndərib
14 oktyabr 2020
# 13:24

Dünyanın bir sıra tanınmış şair və yazıçıları Azərbaycan Prezidenti İlham Əliyevə məktub ünvanlayıblar.

APA xəbər verir ki, məktubda deyilir:

"Hörmətli cənab Prezident,

Ölkənizin üzləşdiyi çətin vəziyyət və ərazi münaqişəsi bütün dünya ictimaiyyəti ilə yanaşı, biz yazıçı və şairləri də narahat edir. Lakin Sizin dərin zəkanız, mükəmməl diplomatik fəaliyyətiniz və xalqınıza olan sevginiz bizim hər birimizi qarşıdakı parlaq günlərə və xoşbəxt gələcəyə ümidləndirir.

Biz – yazıçı və şairlər, əslində, bütün müharibələrin əleyhinəyik, ancaq Sizin vəziyyətiniz bizim hər birimizi düşünməyə vadar edir. Siz başqa ölkənin torpaqları üçün döyüşmürsünüz. Siz ölkənizdə öz torpaqlarınız uğrunda vuruşursunuz.

Dünya siyasətçilərinin bildirdiyinə görə, artıq başqa çıxış yolu qalmayıbmış. Bu vəziyyət bizi inandırır ki, Azərbaycanın və onun xalqının gələcəyi üçün hərəkətə keçmək vaxtıdır.

Azərbaycan dünyaya bir çox uzaqgörən və müdrik insanlar bəxş edib. Ölkəniz xalqınızın mehribanlığı və qonaqpərvərliyi ilə məşhurdur. Biz əminik ki, həmin insanlar öz səbir və şəfqəti ilə nümunə olacaqlar.

Sizi və mehriban xalqınızı ürəkdən dəstəkləyirik".

Məktubu Hindistandan şair, ədəbi tənqidçi Biplab Majee, ABŞ-dan Alban-Amerikan Yazarlar Cəmiyyətinin ilk prezidenti Gjeke Marinaj, Özbəkistandan şair, tərcüməçi Xosiyat Rustam, İtaliyadan teatr tamaşalarının səhnələşdirməsi üzrə beynəlxalq mütəxəssis Rosailba Fantastiko Di Kastron, Rusiyadan Rusiya Yazıçılar Birliyinin həmsədri Vadim Teryoxin, Vyetnamdan Vyetnam Yazarlar Birliyinin üzvü Mai Van Phan, Hindistandan şair, yazıçı, beynəlxalq müsabiqələr laureatı Sovan Bhattaçarya, Makedoniyadan “St. Kliment Ohridski” Universitetinin dosenti Daniela Andonovska-Trajkovska, Türkiyədən Elmi-Ədəbi Əsər Müəllifləri Birliyinin baş direktoru Mehmet Nuri Parmaksız, Koreya Respublikasından şair, tərcüməçi, dosent Sungrye Han, Türkiyədən şair, yazıçı Coskun Karabulut, Böyük Britaniyadan şair Rudolf Marku, İspaniyadan şair, yazıçı və jurnalist Karlos Ernesto Qarsiya, Böyük Britaniyadan Avrasiya Yaradıcılıq Gildiyasının sədri, şair Con Farndon imzalayıblar.

# 2659 dəfə oxunub

Oxşar xəbərlər

"APA Jurnalist Məktəbi"nin məzunlarına sertifikatlar təqdim edildi

"APA Jurnalist Məktəbi"nin məzunlarına sertifikatlar təqdim edildi

22:30 18 iyul 2025
"Nə oldu, Paşinyan?"ı oxuyan müğənni həbs olundu - Səbəb

"Nə oldu, Paşinyan?"ı oxuyan müğənni həbs olundu - Səbəb

18:52 18 iyul 2025
"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

18:20 18 iyul 2025
Sarayevo Film Festivalının münsiflər heyətinin sədri açıqlandı

Sarayevo Film Festivalının münsiflər heyətinin sədri açıqlandı

17:26 18 iyul 2025
"Bir qızın şəklini gizlincə çəkib feysbukda paylaşmaq..." - Metroda baş verən hadisə

"Bir qızın şəklini gizlincə çəkib feysbukda paylaşmaq..." - Metroda baş verən hadisə

14:45 18 iyul 2025
Rayan Qoslinq və Uil Ferrel  tərəf müqabili olacaqlar

Rayan Qoslinq və Uil Ferrel tərəf müqabili olacaqlar

14:43 18 iyul 2025
# # #