writer1

İlqar Rəsul

Məqalə sayı

110
clock13:11 calendar-gray 10 Dekabr 2012 view-gray1688 dəfə oxunub
view-gray1688 dəfə oxunub

Küsülü qardaşları barışdırmaq

Xəbər gəldi ki, Beyləqanda filan qardaşlar neçə ildi küsülüdülər. Nə xeyir, nə də şər iş onları barışdıra bilmir. Gəl gör neyləyirsən. Qardaşların ikisini də tanıyırdım. Fikirləşdim ki, hər halda məni unutmuş olmazlar. Amma getməyə ehtiyatlandım. Düşündüm o boyda mahalın seyidi, mollası var. Bunlar məni çağırırlarsa, deməli o kişilər bu işin o öhdəsindən gələ bilməyiblər. Qorxdum ki, gedərəm nəsə düz gəlməz. Getmədim. Aradan bir müddət kedi. Bir gün Ağcabədiyə toya getmişdim. Qayıdanda dedim, bura qədər gəlmişəm, dönüm bir Beyləqana, görüm nə var, nə yox. Həmin qardaşlardan birinin evinə baş çəkdim. Oturdum. Tez hazırlıq görməyə başladılar. Dedim çörək yemişəm, çay içəcəm...

Olandan-keçəndən xatırlayıb çay içirdik. Sən demə divarın o biri üzü də ikinci qardaşın evi imiş. Bir qədər sonra evin uşağı içəri girib xəbər elədi ki, bəs filankəs (ikinci qardaş) gəlib, səninlə görüşmək istəyir. Küçədə gözləyir. Dedim çağırın gəlsin içəri. Uşaq gedib qayıtdı ki, o bura gələ bilmir. Xahiş edir siz beş dəqiqəliyə çıxasınız. Dedim gedin ona deyin ki, evimdə qonaqlarım var, onları qoyub çıxa bilmərəm. Küçədə, qapı ağzında da söhbət olmaz. Gəlsin içəri....

Uşaq gedəndən bir az sonra o biri qardaş içəri girdi. Neçə ilin iki küsülü qardaşı evin ortasında qucaqlaşıb ağlamağa başladılar. Stəkanı nəlbəkiyə qoyub qalxdım:

- Mən gedim–dedim-yolum uzundu. Qardaşları eləcə bir birinə sarılı qoyub evdən çıxdım. Arvad-uşaq saxlamaq istədilər. Hamı qəhərlənmişdi. Qalın, gözümüz, başımız üzərində yeriniz var –dedilər. Dedim mən yol üstəyəm. Ayaqüstü dönmüşdüm. Üstümə düşəni elədim. Burdan o yana hər şey sizin üstünüzdədi....

Bu əhvalatı Müşfiq qəsəbəsindən Bakıya gəlirkən taksidə Süleyman müəllim adlı bir nəfər danışdı. O danışdıqca mən fikirləşirdim ki, bu adam ya Laçından, ya Kəlbəcərdən, ya da Borçalıdandı. Çünki dağ təmkini var idi danışığında. Düzdü, Borçalı çökəklik sayılır. Amma orada da Azərbaycanın bütün adətlərini qoruyub saxlayan köhnə kişilər indi də doğulur məncə... Nə isə, uzatmayaq. Sonda bəlli oldu ki, Süleyman müəlim Borçalıdandı. Uzun illər Bakıda kirayədə yaşayıb, sonra Müşfiqə köçüb...

Demək istəyirəm ki, çalışın küsməyin. Küssəniz də barışa biləcək qədər küsün. Xüsusilə də doğmalarla. Nə vaxtsa qonşudakı toya Süleyman müəllim adlı birisinin gəlib sizi barışdıracağına arxayın olmayın. O sizin tərəflərə qiyamətə qədər gəlməyə də bilər. Razı olmayın ki, yanlışlarınız qiyamətədək davam etsin....

Qoymayın dərinləşsin incikliyiniz. Unutmayın, uçurumlar çıxıb yaşamaq üçün yox, düşüb ölmək üçün yaranır....

REKLAM

Yazarın digər yazıları

Xəbər lenti

Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021