writer1

Oğuz Ayvaz

Məqalə sayı

178
clock13:25 calendar-gray 15 İyul 2020 view-gray1359 dəfə oxunub
view-gray1359 dəfə oxunub

Facebookda müharibə aparanlar

Sosial şəbəkələr sözün həqiqi mənasında paralel dünyamızdır. Dünyada baş verən hadisələrin əks-sədası burdan eşidilir.

İnsanlar daim panika içində, bir-birinin ardınca dezinformasiyalar yayırlar. Belə olan halda doğru xəbər gözləyənlərin ürəyi sıxılır, hər kəsi həyəcan, narahatçılıq bürüyür.

Bu günlərdə cəbhədən həyəcanlı xəbərlər alırıq.

Hamımız nigaranıq.

Hamımız narahatıq.

Bunun nə ilə nəticələnəcəyini bilmirik.

Gözləyirik.

Və gözləyə-gözləyə öz narahatlığımızı, həyəcanlarımızı sosial şəbəkələrdə bölüşürük.

Əslində, döyüşün bir hissəsi də artıq virtual dünyada gedir.

Artıq düşmənlə təkcə cəbhə xəttində deyil, internetin arxasında da müharibə aparmağa məcburuq.

Biz sosial şəbəkələrlə həm də öz fikrimizi düşmənə göstəririk.

Hər zaman olduğu kimi bu dəfə də müharibə istəyənlər və pasifistlər bir-birinə girir, birinin sözü o birinin boğazından keçmir.

Müharibə istəyən pasifisti yıxıb-sürüyür.

Pasifist müharibə tərəfdarını tənqid edir.

Mənə görə, hər ikisi yanlışdır.

Heç kimi bu mövzuda mütləq “mənim kimi düşünün” fəlsəfəsinə kökləyə bilməzsən.

Müharibə istəyənin də, pasifistin də öz həqiqəti var.

Hərə özünə görə haqlıdır.

Müharibə istəyənə "sən geridəqalmışsan" demək doğru deyil. Çünki biz o insanların hansı psixoloji əhvalda olduğundan xəbərsizik. Ola bilsin, onlar öz gərginliklərini müharibədə çıxarmaq fikrindədirlər.

Pasifistlərə də "sən qorxaqsan" demək haqsızlıq olar. Üstəlik, insanın qorxaq olması onun öz seçimi deyil.

Biz özümüzlə bu savaşdan vaz keçməliyik.

Əsas məsələ həm də düşmənin nəbzini tutmaqdır.

Biz ermənilərlə sosial şəbəkələrdə də müharibə aparırıq. Bu həm virtual, həm də psixoloji savaşdır.

Artıq ermənilərin nə yazdığını Facebookun tərcümə xidməti vasitəsi ilə asanca oxuya bilirik.

Qarşılıqlı söyüşürük, lağ edirik bir-birimizə.

Müharibə haqda hərənin bir fikri olur. Dediyimiz kimi, hər kəsin də öz həqiqəti var.

Amma bir qrup var ki, onlar sosial şəbəkə üzərindən özlərinə xal qazananlardır.

Hamımız onlara belə deyirik: “Klaviatura qəhrəmanları”.

Onlar cəbhədə atəşkəsin pozulmasından belə yararlanırlar. Virtual aləmlərində müharibə aparırlar, Qarabağı alırlar. Vəziyyət dəyişən kimi fikirlərini də dəyişirlər. Onlar publikaya oynayırlar. Öz fikirləri yoxdur. Kütlənin fikiri ilə hesablaşırlar.

Sosial mediada gedən informasiya müharibəsində yaşayırıq. Və biz erməniləri sosial şəbəkələrdə də məğlub eləmək istəyirik. Bunun üçün onların səhifələrini şikayət edir, söyür, təhqir edirik. Bununla da biz onların sahəsini güllə-baran edirik. Ermənilər sosial şəbəkələr vasitəsilə öz işğalçı siyasətlərini təbliğ edirlər. Bütün dünyaya sübut eləmək istəyirlər ki, Qarabağ bizimdi.

Anlaşılan odur ki, ən ağrılı yerimiz müharibədir. Çünki o koronavirus bəlasını da unutdura bildi.

Ağır günlərdi.

Emosiyalarımızı qoruyaq.

Səbr edək.

Gözləyək.

REKLAM

Yazarın digər yazıları

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020