news-inner
clock14:36 calendar-gray 01 İyul 2020 view-gray31908 dəfə oxunub
view-gray31908 dəfə oxunub

Xəyanətə görə boşanan, həkim səhvindən xərçəngə tutulan, son nəfəsdə keçmiş ərini arzulayan aktrisamız – Maraqlı faktlar

Kulis.az əməkdar artist Gülnar Salmanova haqqında maraqlı faktları təqdim edir.

Gülnar Salmanova 24 iyul 1956-cı ildə Neftçala rayonunun Xıllı qəsəbəsində anadan olub. 1978-ci ildə ailə həyatı qurub. 1979-cu ildə oğlu dünyaya gəlib. Lakin bir müddət sonra aktrisa həyat yoldaşından ayrılıb, oğlunu tək böyütməyə qərar verib.

***

Aktrisa müsahibələrinin birində deyir: “Həyat yoldaşımdan xəyanət üstündə ayrıldım. O vaxt öz puluma özümə yeni ev də aldım. Teatrda çalışanda oğlumu qaynanam saxlayırdı, yoldaşımdan ayrılandan sonra ona anam baxdı. Altı yaşı olanda oğlumu məktəbə özüm aparıb-gətirirdim. Oradan da çıxıb gəlirdim teatra. Bəzən o da dəftər-kitabını götürüb mənimlə birlikdə teatra gəlirdi. Çox sakit uşaq idi, bir küncdə oturub dərsləri ilə məşğul olurdu. Anam rəhmətə gedəndən sonra övladımı tək böyüdüb, tək də yaşadım.”

Gallery

Ailəli ola-ola İncəsənət universitetinin musiqili komediya fakültəsində təhsil alan aktrisa 1981-ci ildə oranı bitirib. Həmin ildən Azərbaycan Musiqili Komediya Teatrında işləyib. Aparıcı səhnə ustası, güclü və məlahətli soprano səsə malik idi. Əsasən "Subretka" ampluasında teatrda və televiziya ekranlarında fəal çıxış edirdi.

***

Aktrisa teatra yenicə gəldiyi illərdə teatrda Vaqif İbrahimoğlunun qurluşunda hazırlanan "Arşın mal alan" əsərində Gülçöhrə rolunu ifa edərkən digər aktrisa Sona Həsənova ilə konflikt yaşayıb. Hətta aktrisa səhnəyə təzimə çıxanda Sona Həsənova onu yumruğu ilə itələyib.

Gallery

Onun "50 yaşında cavan" tamaşasındakı Gülnaz, "Beşmanatlıq gəlin"dəki Naznaz, "Özümüz bilərik"dəki Ceyran, "Subaylarınızdan görəsiniz"dəki Çiçək, "Hicran"dakı Çarleston, "Bankir ədaxlı"dakı Maral, "Məhəbbət oyunu"dakı Ceyran, "Bir günlük siğə"də, "Aldın payını, çağır dayını" tamaşasında At Balaxanım və s. obrazları özlərinin orijinallığı və yüksək ifası ilə sevilib, yadda qalıb.
Aktrisa bir dəfə teatr ilə İmişliyə qastrol səfərinə yola düşür. Dözülməz istilərin yaşandığı bir vaxtda aktyorlar pambıqçılar üçün konsert verməli idilər. Kolxoz sədri qonaqları çardağa aparır. Lütfiyyə Səfərova ilə Gülnar xanım isə getmir.Onlar yaxınlıqdakı çaya əl-üzlərini yumaq üçün yollanırlar. Lakin, iş elə gətirir ki, Gülnar xanımın ayağı sürüşür çaya düşür, əynindəki ağ səhnə paltarı da palçığa bulaşır. Onu yaxınlıqdan keçən kəndlilərdən biri xilas edir. Pambıqçı qızlar aktrisanın paltaraını yuyurlar, ona isə geyinmək üçün xalat verirlər. Aktrisa xalatla da səhnəyə çıxır. Bundan sonra Hacıbaba Bağırov onu nə zaman görürmüşsə, ay camaat, qaçın, "vodolaz qız gəldi" sözlərini deyib.

***

Gülnar Salmanovanın ilk ekran işlərindən biri Aslan Qəhrəmanovun "Səni axtarıram" televiziya tamaşasının “Bağışla” adlı ikinci hissəsindəki epizodik rolu olub. Aktrisa burada Elçinin yəni Yaşar Nurinin katibəsi rolunu ifa edir. Tamaşadakı adı da elə Gülnar olur. Onun bu televiziya tamaşasında "Elçin müəllim, çay içirsiniz?" sözü dillər əzbərinə çevrilir.

Gallery

Aktrisaya ən böyük məşhurluğu isə 80-ci illərdə “Səhər görüşləri” proqramındakı obrazı gətirdi. Bu səhnəcikdə aktrisa aktyor Ağaxan Salmanlının arvadı rolunda çıxış edirdi. Həyatda hər iki aktyorun soyadı bənzər olduğundan tamaşaçılar onları həyatda da ər və arvad hesab ediblər. Ağaxan Salmanlı bu barədə belə deyirdi: Tamaşaçıların böyük əksəriyyəti bizi ər-arvad kimi tanıyıblar. Məni tədbirlərə, toya çağırıblar. Mən də getmişəm. Tökülüşüblər üstümə ki, niyə tək gəlmisən, biz elə bilirdik yoldaşınla gələrsən. Əvvəl başa düşmürdüm, yoldaşımın bura nə dəxili. Sonradan Gülnarın hal-əhvalını soruşanda, bilirdim ki, bunlar səhv salıblar. Açıqlayırdım ki, biz sənət yoldaşıyıq, həyat yoldaşı yox. Soyadlarımızın eyniliyi siz çaşdırmasın".

***

Aktrisa uzun illər şəkər xəstəliyindən əziyyət çəkib. Lakin ömrünün son illərində o, böyrək çatışmazlığından və xərçəngdən müalicə olunurdu. Aktrisanın özünün sözlərinə görə ağır xəstələnməsinə səbəb həkimin ona vurduğu səhv iynələr olub. O, müsahibələrinin birində deyirdi: Neçə il bundan əvvəl yüngül bir xəstəliyim var idi, həkim pula görə mənə səhv iynə vurdu. Xəstəlik də elə oradan başladı. Onu Allaha tapşırmışam. Səhv iynə ucbatından məni pis günə qoydu. O, çox pis insandır”.

Gallery

Sonralar aktrisanın vəziyyəti pisləşəndə həmin həkim onun evinə gələrək sistemin altında olan aktrisanın ayaqlarına düşüb, ona yalvarır ki, qurban olum, məni bağışla, iki yetim saxlayıram”.

***

Aktrisa ona səhv müalicə edən həkim barədə heç vaxt hüquq-mühafizə orqanlarına müraciət etməyib. “Mən elə insan deyiləm. Bu yaşa çatmışam, polis, məhkəmə, prokurorluq yolu bilməmişəm. Elə şeyləri də sevmirəm. Amma gərək o, məni bu günə qoymayaydı”.

***

Aktrisanın ölümündən sonra sosial şəbəkələrdə oğlu Elçin haqqında xoşagəlməz sözlər yayıldı. Bir çoxları onu anasına baxmamaqda günahlandırdı. Oğlunun mətbuata müsahibə verməməsi isə bu şayiələri daha da genişləndirdi. Lakin Elçin bildirib ki, o, işi ilə əlaqədar uzaqda olduğundan anasının yanına gec-gec gəlsə də, maddi cəhətdən onu təmin edib, vaxtı-vaxtında həkimə müayinəyə aparıb, ona baxıcı və sürücü də tutub.

Gallery

Gülnar Salmanova ömrünün son günlərində xəstəliyi ilə bağlı verdiyi açıqlamalar çoxlarının xatirindən çıxmayıb: “Çox pisəm. Böyrəklərim sıradan çıxıb, həftədə iki dəfə dializə qoşuluram. Xəstəxanaya güclə aparırlar məni. Dializə qoşanda da, inanın ki, halım pisləşir, ürəyim gedir. İynə vurub güclə özümə gətirirlər. Ölmək istəmirəm, teatrda fəaliyyətimi davam etdirmək istəyirəm, o qədər tamaşalarım qalıb ki. Hamısı məni gözləyir. Mən iki böyrək istəmirəm, birini tapıb dəyişsinlər. Yoxsa ki, ömrümə çox az qalıb. Xanımdan sonra növbə mənimdir, qoymayın ölməyə”.

***

Aktrisa 2001-ci ildə Azərbaycan Respublikasının Əməkdar Artisti fəxri adına layiq görülüb.

***

Teleaparıcı İradə İsaq Gülnar Salmanovanın son anlarını belə xatırlayır: "Ölənə yaxın Elçin, İradə, "behişt" sözünü təkrarlayırdı. Xəstə insan üçün "behişt" sözünü demək çox çətin idi. Dünyasını dəyişən günü həyat yoldaşını çağırdı. Onu gördü və son dəfə üzünə baxıb canını tapşırdı. Canını çox çətin tapşırdı. Elə bil ki, yoldaşını gözləyirdi. Amma bizə onu gözlədiyini demədi. Axırıncı günlər atasından danışırdı və deyirdi ki, ata, məni bağışla. Daha çox oğlu Elçindən danışırdı. Elçinlə nəfəs alırdı. Oğlu həmişə yanında olurdu və xəstələnən zaman da birlikdə xəstəxanaya apardıq".

Gallery

Novruz Qartal cavanlığından bəri oğlunu tək böyüdən aktrisanın sağlamlığını kimə qurban verdiyini, ömrünün son saatlarını yaşayan aktrisanın yaxın dostuna hansı sözləri pıçıldadığını, ölüm ayağında onu tək qoymayan keçmiş həyat yoldaşının son nəfəsində əlindən tutaraq ona nə dediyini, aktrisanın ən böyük arzusunun nə olduğunu açıqlayıb. “Son nəfəsdə keçmiş həyat yoldaşı onun yanına gəlib. Əlindən tutaraq baxışları ilə ona təsəlli verib. Gülnar da baxışları ilə ona minnətdarlıq etdi”.

***

Uzun xəstəlikdən sonra əməkdar artist, Dövlət Musiqili Teatrının aktrisası Gülnar Salmanova 24 oktyabr 2015-ci ildə yerləşdirildiyi 3 saylı Şəhər Kliniki Xəstəxanasında 58 yaşında vəfat edib.

news-inner-user

16121 məqalə

Oxşar xəbərlər

Xəbər lenti

Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020
Kinematoqrafiya şöbəsinə yeni müdir təyin olundu
13:53 12 Avqust 2020
Manaf Ağayevin döydüyü model sevgili – “Ay canı yanmış” rəzaləti
13:49 12 Avqust 2020
Nazir Afaq Bəşirqızının gəlininə vəzifə verdi
13:12 12 Avqust 2020
Özündən 45 yaş kiçik şagirdini hamilə qoyan müəllim
12:53 12 Avqust 2020
Azərbaycanlı yazarın kitabı Türkiyədə nəşr olundu
12:09 12 Avqust 2020
Mədəniyyət Nazirliyinin mətbuat katibi işindən ayrıldığını açıqladı
11:23 12 Avqust 2020
Əfsanəvi müğənninin gitarası rekord qiymətə satıldı
11:10 12 Avqust 2020
Namazı ana dilimizdə qılsaq, daha səmimi olarıq
10:31 12 Avqust 2020
Azərbaycan Kinematoqrafçılar İttifaqı ssenari müsabiqəsi elan edir
09:57 12 Avqust 2020
Yollar bağışlamır gecikənləri - Könül Arifin şeirləri
09:00 12 Avqust 2020
Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020