writer1

Səhər Əhməd

Məqalə sayı

197
clock11:23 calendar-gray 24 İyun 2020 view-gray1933 dəfə oxunub
view-gray1933 dəfə oxunub

Sevmək

Sevinməyə heç nə tapmayanda zamana sevinmək olar, məsələn, bir durğun yay günündə saat üçə beş dəqiqə qalmasına sevinmək, saat üç tamamdan gözləntiləri sevmək, qorxuları əzizləyib, ümidsizlik sindromundan belə zövq almaq.

Aqressiyanı söndürmək, emosiyaların sürətini azaltmaq , şübhələri susdurub, önyarğıları qovmaq, mümkündü axı, hakim çəkicini yerə qoyub müttəhim kürsüsündə oturmaq bir anlığa, keşiş geyimini soyunub, içindəki günahkarı axtarmaq azacıq .

Səliqəsiz bir arxivi təmizləyirmiş kimi təmizləmək olar ürəyi, duyğuları bir daha saf-çürük etmək, əziz qonaq gözləyən ev kimi üzə gülən bir könül gəzdirmək köksündə.

O qəzəbin vaxtı keçib, məsələn, bu qürur xoşbəxtliyə ziyandı, o nəticə düz deyildi, bəlkə də. Batmaq üzrə olan gəmidən artıq əşyaları atırmış kimi atmaq olar yaşamağa mane olan hər şeyi, ikinci şans tələb etmək taledən, məntiqi bircə dəfə də istəyə tabe etdirmək, bəxti bir daha sınamaq.

Bəlkə, bu dəfə iki üstəgəl iki dörd yox, beş edəcək?! Etməyəcəksə, belə bir daha aldanıb, bir daha haqlı çıxmaqdan qorxmamaq olmazmı, lovğa qaliblikdən imtina edib, uduzanlara empati quraraq.

Heç nəyə sevinə bilməyəndə olduğun məkana sevinmək olar, məsələn, parkdakı ağaclara, səmadakı sonsuzluğa, qulaqcıqdakı mahnıya.

Mövcudluğa sevinmək olar, sadəcə, həyatı sevmək çabasına, yaşamaq eşqinə.

Yaşaya bilən adamların yanından keçib yaşaya bilməyən adamların yanına getmək mümkündür, məsələn, məhz yaşaya bilməməsini sevmək o adamların, ayaqları torpağa dəyməyən kəslərin “uclarda” gəzməsini sevmək, eyforiyada necə yüksəkdə, depressiyada necə dərində olduğunu hiss edərək, “yaxşıyam” yalanındakı yorğunluğu, “yorğunam etirafındakı çarəsizliyi anlayaraq.

Özünü sevə bilməyən adamlar var bu dünyada. Özünün əvəzində də sevmək olar onları, özünün əvəzinə də qorumaq, özünün yerinə də bağışlamaq, nə istədiyini bilməyən adamlar üçün gözəlliklər arzulamaq, diləklər diləmək...

Qarşıdakı insanın güzgüsündə baxmaq gərək özünə, onun da əvəzinə haqlı çıxaraq, onun da əvəzinə səmimi olaraq, onun da yerinə gülərək... Təki gülməyi xatırlasınlar, təki gizləndikləri yerdən çıxsınlar, təki yaşamağı bacarsınlar axır ki.

Anlaya bildikcə anlamaq lazım insanları, oxuya bildikcə oxumaq, sözlərin leksik mənasını bir kənara qoyub səsdəki titrəyişi, ruh halının üzdəki inikasını sevmək bütün jestlərini əzbər bildiyin kəslərin...

“Siz” dediyin adamlarla “sən” dediyin adamların fərqini sevmək, məsələn, uzaqlığın cazibəsini, yaxınlığın qüsurlarını, “sən”dən “siz”ə çevrilmiş adamları “siz”dən “sən”ə dönmüş adamlardan çox sevmək hətta.

Heç nə tapmayanda sevməyə əşyaları sevmək, məsələn, əşyalara bağışlamaq adamları; bir dəm çaynikinə, tutaq ki, tanış bir siqaret qutusuna.

Təkcə sevincin yox, əzabın da dadını çıxarmaq mümkündü bu dünyada, təkcə gəlişlərin gözəlliyini yox, gedişlərin möhtəşəmliyinin belə, xəyal qırıqlığının ipdən dağılan təsbeh dənələri kimi ayaq altına səpələnməsini sevmək...

...Zamanı sevmək, məsələn, bir durğun yay günündə saat üçə beş dəqiqə qalmasını...

REKLAM

Yazarın digər yazıları

Xəbər lenti

Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021