writer1

Səbuhi Məmmədli

Məqalə sayı

45
clock11:11 calendar-gray 20 Noyabr 2012 view-gray1356 dəfə oxunub
view-gray1356 dəfə oxunub

Şuşaya gedən avtobus

“Bakıdan-Şuşaya gedən sərnişin avtobusu, 2-ci platformadan yola düşür. Yaxşı yol hörmətli sərnişinlər!”

Qəribə gəldi eləmi? Amma mümkündür. O yolun Şuşaya qədər olan 404 km-nin hamısını demirəm. Tanklarımız girməyib ora hələ ki, sərnişin avtobusu gedə bilmir. Amma ora yol var. Ən azı Quzanlıya qədər. Bu 404 km-in 380 km-ni tanksız-topsuz da gedə bilirik. Amma bu boyda yolda xüsusən də, Hacıqabulu keçib Kürdəmir rayonu ərazisinə girdin ha, “Şuşa”, “Cıdır düzü”, kölgələnməyə bir ağacın olmadığı yerdə “Topxana” adlı kafe və restoranlara, onların yol nişanlarına rast gəlmək olur, bircə Şuşaya, Ağdama, Xankəndinə neçə kilometr qalıb yazılan nişanlardan başqa.

Dostlardan kimsə danışırdı ki, Yunanıstanın paytaxtı Afinadan çıxan kimi iri bir yol nişanına rast gəlirsən: “Konstantinopol-1205 km”. Və yol uzandıqca, hər dəfə irili-xırdalı şəhərlərin yanından keçəndə yol nişanlarında sadəcə rəqəmlər dəyişir. Üstündən əsrlər keçib, amma yunanlar hələ də Konstantinopol yanğısı ilə yaşayırlar. Bunu hətta adi yol nişanlarında belə büruzə verə bilirlər.

Türkiyənin, elə Yunanıstanın da siyasi xəritəsinin nə vaxtsa dəyişəcəyi normal ağla sığmır. Afina Afinalığında qalacaq, İstanbul da İstanbulluğundan çıxıb Konstantinopola çevrilməyəcək. Amma 20 il qabaq itirdiyimiz torpaqların geri alınacağına kiminsə şübhəsi yoxsa, bəs nədən bəlkə də sizlərə adidən də adi görünə biləcək bu tip yol nişanları yola vurulmur? Axı, bu ölkə qapalı deyil, hər gün nə qədər turist Azərbaycan ərazisində elədən-elə, belədən-beləyə hərəkət edir.

Bir qədər əvvəl millət vəkili Qənirə Paşayeva Milli Məclisdəcə Ermənistanın işğalı altında olan torpaqlarımıza gedən yolların üzərində məlumatverici-göstərici nişanların qoyulmamasından danışdı. O, Bakıdan Qarabağa gedən yolda işğal altındakı ərazilərimizə nə qədər məsafə qaldığı barədə işarələrin olmadığını təəssüflə qeyd etdi:

“Çətindir yollarda işarə qoyulsun ki, bu yol Xankəndinə, Xocalıya, Laçına, Şuşaya gedir? Çətindir yollarda işarə qoyulsun ki, Xankəndinə, Xocalıya, Şuşaya, Kəlbəcərə bu qədər yol qalıb? Bu məsələ məni narahat edir və düşünürəm ki, hamımızı narahat etməlidir”.

Xanım millət vəkili onu da qeyd etdi ki, nə Bakıdan regionlara ayrılan mərkəzi yollarda, nə beynəlxalq yollarımızda, nə də Qarabağ istiqamətinə gedən yollarımızda Xankəndi, Şuşa, Xocalı, Laçın, bir sözlə Ermənistanın işğalı altında olan Dağlıq Qarabağ və ətraf rayonların Bakıdan hansı məsafədə yerləşdiyini göstərən bir dənə məlumatverici-göstərici nişanlar qoyulmayıb.

Bəs onda yol nişanlarında Bakı-Qazax, Bakı-Astara yazılırsa, Bakı-Şuşa, Bakı-Xankəndi, Bakı-Xocalı niyə yazılmasın?

Təbii ki çətin deyil. Bakı-Gəncə, Bakı-Astara yazıldığı kimi, Bakı-Şuşa, Bakı-Xankəndi, Bakı-Xocalı da yazıla bilər. Hətta Bakı-Naxçıvan da. Nə vaxtsa bu yolla gedəcəyik. Buna heç kim şübhə etməsin. Elə Beynəlxalq Avtovağzaldaca, Bakıdan Horadizə gedən 5 avtobusdan birin adını dəyişib Bakı-Fizuli və ya Bakı-Cəbrayıl qoymaq nə qədər vəsait istəyir axı? Gəncəyə, Quzanlıya və ya Bərdəyə işləyən onlarla avtobusun bir-ikisini simvolik Bakı-Kəlbəcər, Bakı-Xankəndi adlandırmaq beləmi çətindir? Qoy, həmin avtobusların reysə çıxan vaxtı adətən mürgüləyən, reyslər barədə kefi nə vaxt istədi məlumat verən avtovağzal diktoru həm Azərbaycan, həm də ingilis dilində elanlar versin. Yol nişanlarını başa düşürük, bir qədər xərc aparacaq. Elan vermək, avtobusda məlumat lövhəsini dəyişmək nə para tələb edir ki?

***
Dünən “Google”da axtarış verəndə Bakıdan işğal altında olan rayonlarımızadək olan məsafə barədə o qədər az məlumat çıxdı ki… Ancaq bu rayonları dəqiqləşdirə bildik.

...Ağdam 378 km, Cəbrayıl 336 km, Kəlbəcər 439 km, Qubadlı 514 km, Laçın 454 km, Şuşa 404, Zəngilan 540 km.

Sonra da gecə-gündüz oxuyuruq ki... yaddan çıxmaz Qarabağ.

REKLAM

Yazarın digər yazıları

Xəbər lenti

“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020
Nərgiz Cəlilovaya yeni vəzifə verildi
16:43 24 Sentyabr 2020
Qəbul imtahanında hönkür-hönkür ağlayan qız - Ayxan Ayvaz yazır
16:01 24 Sentyabr 2020
“Yaş keçəndə yuxular da əzab verir” - Cavanşir Yusifli ilə ad günü söhbəti
15:20 24 Sentyabr 2020
Qarabağ icmasında Şərif Ağayarla görüş keçirilib
14:25 24 Sentyabr 2020
Bu məşhurların övladları ali məktəbə qəbul olundu - Siyahı
14:06 24 Sentyabr 2020
Ebru Gündeşin atası vəfat etdi
13:12 24 Sentyabr 2020
Tələbəsinə evlənmək təklifi etdi, bacısı qızını imtahandan kəsdi, müəllimlər ona salam vermədi – Vurğun Əyyubdan maraqlı faktlar
12:30 24 Sentyabr 2020
Sənə saxladığım duzlu öpüşlər... - Şeir
12:11 24 Sentyabr 2020
Kukla Teatrı "Çəkməli pişik" tamaşasını onlayn nümayiş etdirəcək
11:30 24 Sentyabr 2020
Universitet müəllimimə yazdığım sevgi məktubu
10:52 24 Sentyabr 2020
Məşhur müğənni vəfat etdi
10:27 24 Sentyabr 2020
Gənc şairin ilk kitabı çap olunub
09:42 24 Sentyabr 2020
Səməd Vurğun 50 yaşında ölməyibmiş – Filosof yazır...
08:58 24 Sentyabr 2020
Məmməd Aslana halallıq - Şərif Ağayar yazır...
20:57 23 Sentyabr 2020
"Qəlbimin palitrası"ı təqdim olunacaq
18:51 23 Sentyabr 2020
10 ilə çəkilən film - Video
18:12 23 Sentyabr 2020
Atamın gələ bilmədiyi günlərdən çıx gəl - Fəridədən müharibə şeirləri
17:29 23 Sentyabr 2020