news-inner
clock10:28 calendar-gray 31 May 2020 view-gray7364 dəfə oxunub
view-gray7364 dəfə oxunub

Mənə sevgi məktubu yazan geylər

“Mənim gey dostum” adlı yazım xeyli reaksiya doğurdu. Deyəsən, cəmiyyətimizin ən yaralı yerinə toxunmuşdum.

Kimi məni yağlı söyüşlərə qonaq elədi, kimi də dedi, guya mən onları təbliğ etməklə məşğulam.

Elə bir dövrdə yaşayırıq ki, gərək yazdığımız yazı üçün ayrıca izah yazısı da yazaq. Olsun.

Mən sadəcə bir insanın həyatından yazdım. Cəmiyyətin qəbul etmədiyi, aşağıladığı birindən. Hər kəs öz fikrində qala bilər. Kimisə fikrindən döndərmək cəhdim yoxdur. Homofob da ola bilərsiniz, onlardan xoşunuz gəlməyə də bilər. Amma qəzəb niyə? Niyə biz fərqlənənləri öldürmək, məhv etmək istəyirik? Axı insan dinindən, irqindən, cinsindən, rəngindən asılı olmayaraq, insandır. Tamam, qəbul etmə, uzaq gəz, ancaq qəzəb püskürmə, hamıdan da o cür qəzəb gözləmə. Mən mərhəmətə də çağırmıram. Mərhəmət əslində, ən böyük cəzadır. Biz homoları istəsək də, istəməsək də onlar yenə aramızda olacaq. Çoxusu bunu gizlətsə də. Heyvanlarda belə homoseksuallıq var. Əliniz üzünüzdə qalmasın. Zooloq Konrad Lorenz 1500 heyvan növü üzərində tədqiqat aparmışdı. Bu heyvanların 450 növündə homoseksual davranışlar müşahidə etmişdi.

Dahi hesab etdiyim şəxslərdən Ziqmund Freyd hesab edirdi ki, insanlara doğuluşdan biseksuallıq verilib, homoseksuallıq isə erkən uşaq inkişafının bir variantıdır. Homoseksuallıq, əlbəttə ki, bir üstünlük deyil, lakin utanılası bir şey də deyil. O, qüsur və deqradasiya deyil, xəstəlik kimi də təsnif edilə bilməz. O, inkişafda ləngimə nəticəsində yaranan seksual funksiya variasiyasıdır.

Təbiətin bu cür ağır imtahanları olur. Əslində, imtahan deyirəm, bir az düz olmadı bu. Yəni homolar da öz istəkləri ilə bu vəziyyətə düşmürlər. Mən sadəcə o yazımla oreantasiyanı bir kənara qoyub insana fokuslanmağı təklif etmişəm.

İnsanın əzabları, ağrıları, sevgiləri, həzləri, sevincləri, xoşbəxtlik anlayışı eyni deyil, fərqlidir. Hamımız kimi onların da öz dünyası var. Siz o dünyadan uzaq ola bilərsiniz, onları qəbul etməyə bilərsiniz, ancaq bu həqiqəti dəyişə bilməzsiniz. Neyləyək? Nə təklif edirsiniz? Hərə əlinə bir balta götürüb homoseksual öldürsün? Bu, necə qeyri-insani hərəkətdir? Hər insan hekayəsi ilə gözəldir. Onu öz hekayəsi ilə tanıyırıq. Bizim kimisə ittiham etməyə, onu yarğılamağa haqqımız yoxdur. Hamımız əslində eyniyik. İttiham etmə, ittiham olunarsan. Bu qədər sadədir məsələ.

Mən nə özümü müasir göstərmək, nə də ağıllı söhbət etmək fikrindəyəm. Sadəcə hiss etdiklərimi yazıram. Yaşadığım ölkənin də reallıqlarını bilirəm. Və bu reallığın ağır əlləri mənim çiyinlərimdən bir yük kimi asılıb. Yazaraq o yükdən xilas olmağa çalışıram.

Bu yazımı yazmaqda məqsədim cəmiyyəti tənqid etmək deyil, bu söhbət uzandıqca uzanan söhbətdir, ilin-günün korona vaxtında başınızı ağrıtmaq istəmirəm.

Məsələ tamam başqadır. Başqa deyəndə ki, o səs-küylü yazımdan sonra geylər mənə eşq təklifləri etməyə başlayıblar. Yanlış oxumadınız. Yuxarıda bəhs etdiyim yazıdan sonra homoların sevgi hücumlarına məruz qaldım. Hücum dedim, ağlınız ayrı yerə getməsin. Mesaj bölməmə, türkün məsəli, döşəyirdilər. Özü də gecə radələrində. Təəssüf ki, onlar da yazımı başa düşməyiblər. Elə biliblər, mən də geyəm, öz hüququmuzu müdafiə edirəm. Bu necə təfəkkürdür, necə beyindir? Çətin baş açasan bunlardan. Yazdıqları mesajdan hiss etdim ki, geylərin də seks problemi var. Onlar da özlərinə partnyor tapa bilmirlər. Düzü, bir yandan da anlayıram onları. Belə qapalı mühitdə, hamının onları daşladığı və dışladığı vaxtda tənha qalmaları gözləniləndir. O yazıdan sonra da özlərinə yaxın biri kimi məni görüblər və yazıblar. Yəqin bayaqdan nə cavab verdiyimi oxumaq istəyirsiniz. Bu da cavabım: mən heteroseksualam. Bilməyənlər üçün deyim ki, bu əks cinsdən xoşlananlara deyilir.

XX əsrin əvvəllərinə qədər homoseksualların hüquq və öhdəlikləri cəmiyyətə məlum deyildi. Qədim zamanlardan, xüsusən Şərq ölkələrində homoseksuallıq günah və cinayət hesab olunurdu. Bütün səmavi dinlər, bu cür cinsi münasibəti qadağan edirdi. Bu səbəbdən homoseksualların məskunlaşdığı ərazilərdə, xüsusi nəzarət təşkil olunur və onların cəmiyyətə qarışmasının qarşısı alınırdı. Avropada homoseksuallara qarşı nisbətən mülayim münasibət göstərilsə də, Afrika və Asiya ərazilərində qeyri-təbii davranışların cəzası çox zaman ölüm hökmü olurdu. İndi də öldürülmürmü? Toplumlar onların qatili olmaqda davam etmirmi?

Düzü, onlar üçün çətindir. Elə cəmiyyətin onları qəbul etməyi də. Yaşadığın coğrafiyanın həqiqətlərini bilmək və buna görə davranmaq məcburiyyətindəsən.

Bu, yəqin ki, yazıçılarımız üçün maraqlı mövzu olar. Amma ədəbiyyat nəyisə həll etmək üsulu deyil, o, sadəcə dərdlərin rəngini göstərir.

Bağışlayın, başınızı ağrıtdım. Açığı, heç özüm də bilmirəm, yazını necə bitirim?

news-inner-user
Oğuz Ayvaz

191 məqalə

Oxşar xəbərlər

Xəbər lenti

Məmməd Aslana halallıq - Şərif Ağayar yazır...
20:57 23 Sentyabr 2020
"Qəlbimin palitrası"ı təqdim olunacaq
18:51 23 Sentyabr 2020
10 ilə çəkilən film - Video
18:12 23 Sentyabr 2020
Atamın gələ bilmədiyi günlərdən çıx gəl - Fəridədən müharibə şeirləri
17:29 23 Sentyabr 2020
Qəni Camalzadənin sosial-bədii nəsri - Aydın Xan yazır
16:47 23 Sentyabr 2020
“Uliss”in tərcüməçisi dünyasını dəyişdi
16:08 23 Sentyabr 2020
Aqil Abbas: "Dağlıq Qarabağda vətəndaşlığımızı qəbul edən ermənilərlə işimiz yoxdur"
15:30 23 Sentyabr 2020
Şəbnəm Tovuzlunun erotik dərdi
14:49 23 Sentyabr 2020
Lalə Məmmədova həmkarlarını qınadı: "İcra başçılarından qorxurdunuz?"
14:06 23 Sentyabr 2020
Elçin Əfəndiyev: "Çox yaramaz iddiadır" -Məktub
13:29 23 Sentyabr 2020
“Mədəniyyət/Culture” jurnalının növbəti sayı nəşr edildi
12:51 23 Sentyabr 2020
Mirzə Cəlili aldatmışdı, Müşfiq onun evinə pəncərədən girirdi – Komediyamızın banisi haqqında maraqlı faktlar
12:06 23 Sentyabr 2020
“Azərbaycan tarixində atılmış 5 ən yanlış addım” kitabının imza günü olacaq
11:17 23 Sentyabr 2020
İnternet yoxdursa, necə olacaq? – Əyalətin təhsil dərdi
10:45 23 Sentyabr 2020
Nobel mükafatının təqdimat mərasimi təxirə salındı
10:16 23 Sentyabr 2020
Tom Kruzun kosmosa gedəcəyi tarix bəlli oldu
09:44 23 Sentyabr 2020
Ömər Faiqin İngiltərədə yaşayan nəticəsi: "Mirzə Cəlil babamın qollarında can verib" - Müsahibə
09:00 23 Sentyabr 2020
Tanınmış bəstəkara ağır itki üz verdi
18:41 22 Sentyabr 2020
Tarkovski ilə bağlı kadrarxası çəkilişlər hərraca çıxarılacaq
18:04 22 Sentyabr 2020
Sən ağlama, bulaq səslim – Qismət Məsimin yeni şeirləri
17:15 22 Sentyabr 2020