writer1

Samirə Əşrəf

Məqalə sayı

197
clock13:58 calendar-gray 02 Aprel 2020 view-gray875 dəfə oxunub
view-gray875 dəfə oxunub

Karantin qaydalarını pozan avaralar

Hər zaman tıxac olan küçələrin bu başından o biri başı aydın görünür. Az qala şəhəri tanımırsan. İnsanların sağlamlığı naminə görülən tədbirlər vacibdir. Bizdəki yoluxma və ölüm faizinin nəzərəçarpacaq dərəcədə aşağı olması görülən qabaqlayıcı tədbirlərin nəticəsidir.

Lakin təəssüf ki, insanların sağlamlığı üçün tətbiq olunan bu qaydaları nəzərə almayan, onları kobudcasına pozan, “əşi, boş söhbətdir, heç nə olmaz” deyib əlini yelləyən vətəndaşlarımız da az deyil.

Hələ karantinin ilk günlərindən yaşı 65-dən yuxarı olan insanların küçələrə çıxması qadağan olunsa da, bəzi adamlar bu qadağaları nəzərə almırlar. Polislər bu insanları ya evlərinə göndərməyə, ya da cərimə etməyə məcbur olur. Bununla da polisin görməli olduğu başqa işlərə xərclənən enerji insanların məsuliyyətsizliklərinə, onlarla çək-çevirə yönəlir.

Bəzi adamlar xəstəliyin ciddiliyini, yarada biləcəyi fəsadı nəzərə almaqda çətinlik çəkirlər. Bu adamlara hansı vasitə ilə olur-olsun özlərini, ətraflarında, hətta evlərindəki adamları risk altına almalarını izah etmək, başa salmaq çətindir.

Bir çox gözdən kənar yerlərdə insanlar təyin olunan sosial ara məsafəsinə məhəl qoymurlar, maskasız, əlcəksiz veyil-veyil küçələrdə dolaşırlar.

Xüsusilə mərkəzdən kənar qəsəbələrə işləyən avtobus sürücüləri köhnə dədə-baba qaydası ilə insanların marşrutlara dolmasını gözləməkdən ötrü yarım saat, qırx dəqiqə, hətta bir saat dayanacaqlarda dayanırlar. Bunun nəticəsində işdən çıxıb evinə 7-də, 8-də çatmalı olan sərnişinlər saatlarla yollarda, avtobus oturacaqlarında gözləməli olurlar. Olmazmı Dövlət Nəqliyyat Agentliyi xətlərə buraxılan marşrutların sayını artıra, heç olmasa, belə günlərdə insanlara xidmət istiqamətində bir az məsrəfə və zəhmətə qatlaşa?

Sərnişinlə dolu marşrutlar şəksiz ki, xəstəlik mənbəyidir. İnsanların həyatı təhlükəyə atılır. Bizim gözlə görmədiyimiz, öldürücü virus adamdan adama, evdən evə yayılır.

Almaniyada, Fransada və bir çox ölkələrdə insanlar “Evdə qal” qaydalarına bir nəfər kimi riayət edirlər, qanunlara riayət olunur.

Polis küçədən keçən adamların və maşınların hamısını yoxlasa, şəhər iflic olar. İnsanlar həm evdə oturan insanları, həm də işləmək məcburiyyətində qalanları nəzərə almalıdır.

Evdən boş-boşuna, heç bir işimiz, yaxud ertələnməsi mümkün olan, çox da vacib olmayan işimiz olduğu halda çıxmamalıyıq. Bu işə getməli olan insanların işə gecikməsini yollarda qalmasına səbəb olur.

Məsuliyyətsiz və vecsiz insanların ucbatından digər məsuliyyətli insanlar əziyyət çəkir. Qanuna hörmət öz yerində, belə məqamlarda insanlar vicdan hissini maksimum işə salmalı, özlərinin və başqalarının həyatını düşünməlidir. Hər birimizin sağlamlığı naminə.

REKLAM

Yazarın digər yazıları

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021