writer1

Sevinc Elsevər

Məqalə sayı

114
clock11:01 calendar-gray 10 Mart 2020 view-gray1663 dəfə oxunub
view-gray1663 dəfə oxunub

Öpüşmədən evlənənlər

“Bəxtim olsaydı, qız doğulardım” deyən babamız yəqin ki, bu sözləri müharibəyə aparıldığı vaxt deyib.

Kişi doğulduğuna görə bəxtindən gileylənən insan görməmişəm.

Ancaq dünyaya qız doğulan nə qədər qadının bədbəxt hiss elədiyini, məhz qadın olduğu üçün bir çox məsələlərin qarşısında gücsüz və aciz qaldığını öz gözlərimlə görmüşəm.

“Qızsan”, “zənən xeylağısan”, “arvadsan” deyib nə qədər arzularının qabağına sədd çəkiblər qadınların. Ötən əsrin 70-ci illərində anamı babam oxumağa qoymayıb. Yalnız və yalnız qız doğulduğuna görə.

XXI əsrdə əmim də qızlarını oxumağa qoymadı, 9-cu sinifdən çıxarıb evə qapatdı. Bu gün qız uşaqlarını oxutmayan adamlar çoxdur.

Qız övladlarını erkən nikaha məcbur edənlər, təhsil hüququnu, hətta “namus” bəhanəsi ilə yaşamaq hüququnu əlindən alanlar nə qədər desən.

Doğrudanmı, bütün bunları görməzdən gəlirik?

Kişi cinsindən olan, otuz yaşına qədər subay qalan bir kişinin əlinin hələ də qadın əlinə dəyməməsi ayıb sayıldığı halda, niyə eyni yaşda bir qadının birinə ürək verməsi, görüşməsi, əl-ələ gəzməsi günah sayılır?

Gəzib-tozduğu, “sevirəm, alacam” deyib yaxınlaşdığı qızı tərk edəndən sonra da onun həyatını zülmətə çevirən kişiciklərə nə deyirsiniz?

Nə qədər qız tanıyıram ki, bir zamanlar könül verdiyi, görüşdüyü, hətta nişanlandığı kişidən ayrıla bilmir, onunla evlənmək məcburiyyətində qalır. Yoxsa deyəcəklər, gündə biri ilə gəzdi, tərbiyəsizdi. Bir rəfiqəm vardı, axmaq bir oğlana ərə getdi, sonra da bir uşaqla ayrılmaq məcburiyyətində qaldı. Soruşanda ki, bir il sevgili oldun, bir il də nişanlı qaldın, heçmi o oğlanı tanımadın? Cavab verdi ki, məni onunla bir yerdə görmüşdülər, ona görə ayrıla bilmədim.

Adam var, görə-görə ki, qızını nişanladığı adam axmağın, əyyaşın yekəsidir, yenə qızını o adama getməyə məcbur edir.

Bu harasıdı hələ?

Qızını onu zorlayan kişi ilə evlənməyə məcbur edənlər var. Bu yaxınlarda əyalətlərdən birində qətl hadisəsi baş verdi. Kişi öldürdüyü həyat yoldaşını, sən demə 6 yaşlı balaca qız olanda zorlayıbmış!

Hər hansı qızla ciddi münasibət qurmağa hazırlaşan bir oğlan qızın keçmişini araşdırır. Normal ölkələrdə insanlar bir-birinin haqqında yalnız tibbi bilgiləri bilmək istəyir. Görüm bu qızda xəstəlik varmı? Bəlkə, cinsi infeksiyalara yoluxub? Ancaq çox vaxt bu xəstəliklər belə bir-birini sevən, bir yerdə yaşamaq istəyən cütlüklərin evlənməyinə mane olmur. Çünki insan hər vəziyyətdən çıxış yolu tapa bilən məxluqdur.

Bizdə də neçə ildir evlənməyə hazırlaşan cütlüklər tibbi yoxlanışdan keçirlər. Amma yox, bizim kişilər üçün də, gələcək qaynanalar, qaynatalar üçün də qızın sağlam olub-olmamağı önəmli deyil, bakirə olub olmamağı, hətta bundan əvvəl həyatında başqa birinin olub-olmamağı önəmlidir.

Məhz erkən nikahlar da buna görə yayğındır. Əli kişi əlinə dəyməmiş qız axtaranlar az qalırlar bağçaya gedən qızı alıb özlərinə “arvad” eləsinlər. Bu yaxınlarda kəndlərdən birində yaşayan qohumum deyirdi ki, kənddə 16 yaşından yuxarı subay qız qalmayıb.

Qız on beş yaşına güclə çatır, elçilər tökülür hər yandan. Nəyin təlaşıdır bu? Niyə qoymurlar o qız gözünü açsın? Bir gün görsün bu dünyada? Dərhal o yazıq binəvanı məişətin qəbiristanlığına gömməyə başlayırlar. Amandır, birdən birini sevər, birinə ürək verər, görüşər, öpüşər. Qızın yaşı nə qədər azdırsa, başqasını sevmək, onunla görüşmək ehtimalı o qədər azalır.

Atasının-anasının seçdiyi adamla evlənməyə məcbur edilən, öz seçdiyi insandan zorla ayrılmağa məcbur qalan kişilər də çoxdur ölkəmizdə. Ancaq qızlar daha çox bu cür təzyiqə məruz qalır.

Bizim qadınları anlayan, yanlarında olan, haqlı mübarizələrinə səs verən ziyalı kişilərimiz də, şükürlər olsun ki, çoxdur. Onların sayı günbəgün artmaqdadır.

Başa düşən, səviyyəsi olan hər kəs istəyir ki, qadınlarımız məişətdə zorakılığa məruz qalmasın, döyülməsin, öldürülməsin, yandırılmasın, intihar həddinə çatdırılmasın. Körpə qız uşaqlarımız cinsi zorakılığa məruz qalmasın, erkən nikaha məcbur edilməsin.

Elinalarımız pəncərələrdən itələnməsin!

Nərminlərimizi öldürülüb yandırılmasın!

REKLAM

Yazarın digər yazıları

Xəbər lenti

41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Varisin romanı Türkiyədə çap olundu
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021