writer1

Sevinc Elsevər

Məqalə sayı

114
clock11:17 calendar-gray 31 Yanvar 2020 view-gray1284 dəfə oxunub
view-gray1284 dəfə oxunub

Azyaşlı nəvəsinə 9 yaşda ərə getmək dərsi keçən nənə

Bir dəfə avtobusda nənənin qız nəvəsi ilə söhbətinin şahidi oldum. Nənə ilə nəvənin yanında həmin nənə yaşında başqa bir qadın da vardı.

Nənə şıltaqlıq eləyən nəvəyə gülə-gülə acıqlandı, sonra dedi ki, vaxt vardı, doqquz yaşındakı qızları ərə verirdilər, sənsə, özünü uşaq kimi aparırsan. Nənə heç düşünmədi bu sözlərlə uşağın şüuraltısına zərərli bir məlumat ötürür.

Balaca qız təəccüblə içini çəkdi.

- Doqquz yaşlı qızları ərə verirdilər?

Nənə yenə də gülə-gülə dedi:

- Bəs nə? Doqquz yaşına çatan kimi qızı papaqla vururdular, yıxıldısa, heç, yıxılmadısa, verirdilər ərə.

O biri yaşlı qadın da qızın nənəsinə qoşulub güldü.

Qızsa qorxdu. Qəfil səsini kəsdi. Bir də çıxarmadı.

Bu söhbəti uşaq olanda mən də öz nənəmdən eşitmişdim. Bəlkə 8, bəlkə 9, bəlkə 10 yaşım olanda.

Təbii, həmin o balaca qızcığaz kimi qorxmuşdum. Üzümü yana çevirib, uzun-uzun dalmışdım.

Həmişə çalışmışam qızlarım bu papaq söhbətini bilməsinlər. Hətta ən uzaq keçmişimizdə də bu cür biabırçı gerçəyin olduğunu onların bilməsini istəməmişəm. İstəməmişəm, onların uşaq qəlbi qorxuyla dolsun.

Avtobusdakı nənənin balaca qız nəvəsinə dediyi sözləri eşidəndə möhkəm sarsılmışdım. Sarsılmışdım ki, nənələr, analar hələ də nəvələrinə o əhvalatı danışırlar.

Nəinki o əhvalatı danışırlar, azyaşlı qızlarını ərə də verirlər. Hətta “papaq imtahanı”ndan belə keçirmədən.

Masallıda 16 yaşında ərə verilən qızcığaz saçlarını hörüb məktəbə getməli idi. Məktəb yaşındakı bir qızcığaza axı bir kəndin, bir ölkənin ortasında necə toy edə bilirlər? Həm də bütün el-obanın gözü qabağında. Niyə qanunları pozan adamlar cəzasız qalır? Hər dəfə də eyni hadisələr təkrarlanır?

Deyək ki, qanun görmədi, lazımi orqanlar görməzdən, eşitməzdən gəldi. O uşağın ata-anasının ürəyi daşa dönmüşdü, qızlarından bezmişdilər? Bəs o körpənin əmisi, dayısı, xalası, bibisi də yox idi?

O boyda kəndin bir ağıllısı yox idimi o qızın ata-anasına heç olmasa iki kəlmə söz deyəydi?

Bəs o uşağın oxuduğu məktəbin direktoru, direktor müavinləri, müəllimləri harda ölmüşdülər?

REKLAM

Yazarın digər yazıları

Xəbər lenti

Ən başıbəlalı mahnımız: Onu Fatimeyi-Zəhraya, Şah İsmayıla və Cəfər Cabbarlıya nə bağlayır?
09:02 31 İyul 2021
Facebookda tənha insanları necə tanımaq olar?
21:00 30 İyul 2021
Ssenaristlər üçün Yay Məktəbi təşkil olunur
19:00 30 İyul 2021
Şəhidlərə həsr olunmuş kitab işıq üzü görüb
18:05 30 İyul 2021
Ürək dil acır ki, sönməmiş odum - Səməd Vurğundan şeir çələngi
17:30 30 İyul 2021
Qısa hekayə: Yanğın
16:23 30 İyul 2021
Hüquqşünas teatra rəhbər gəldi
15:30 30 İyul 2021
Xalqı efirdən partizan hərəkatına çağıran Xalq artisti - O, İlhamə Quliyeva ilə eşq yaşamışdımı?
14:26 30 İyul 2021
Türkiyə evimizdir - evimiz yanır
13:51 30 İyul 2021
Rejissorumuz beynəlxalq festivalda jüri sədri oldu
13:06 30 İyul 2021
İçimizi yanır! – Türk sənətçilərin yanğın harayı
12:20 30 İyul 2021
Yazıçımız Beynəlxalq ədəbiyyat festivalında qalib gəldi
11:41 30 İyul 2021
Ssenarimiz Ukraynada ən yüksək balı topladı
11:05 30 İyul 2021
Özü torpağın altında, saatı cibimdə... - Orxan Cuvarlı yazır
10:09 30 İyul 2021
Tural Abbaslının hay-küyü, Aysel Əlizadənin kukla eksperimenti - “Elin sözü” düzdürmü?
09:01 30 İyul 2021
Ən gözəl sevgilərlə xərçəng belə sağalar - Bahar Zamanının şeirləri
21:00 29 İyul 2021
Kino Günü açıq havada qeyd olunacaq
18:06 29 İyul 2021
Müəllifi kim öldürüb? - Qismət yazır...
17:20 29 İyul 2021
Azərbaycan almanlarından bəhs edən kitab çıxdı
16:51 29 İyul 2021
Dünya şöhrətli musiqiçi vəfat etdi
16:07 29 İyul 2021