writer1

Səhər Əhməd

Məqalə sayı

197
clock10:51 calendar-gray 30 Yanvar 2020 view-gray3196 dəfə oxunub
view-gray3196 dəfə oxunub

Qızlarını öldürən analar

Mən böyüdüyüm kənddə qızlar erkən yaşda nişanlanardılar. Mən kitaba sarılardım. Sinif yoldaşlarım nişanlılarından danışardılar, mən kitaba sarılardım. Qız yaşıdlarıma, öz rəfiqələrimə romanlar verərdim, “Yad qızı”nı, məsələn, “Səfillər”i. Oxuyardılar, xoşlarına gələrdi. Hərdən hiss edərdim ki, onlar mənim verdiyim kitablarla nişanlılarının aldığı hədiyyələr arasında girinc qalıblar. İkincini seçəcəklərini bilirdim, başqa yolları yox idi çünki.

Mən onların əksəriyyətinin ürəyində qalmış oxumaq arzusunu götürüb Bakıya - ali məktəbə gələndə rəfiqələrim hərəsi bir evdə gəlin idi.

Sonralar öz qızlarım yeniyetməlik yaşına çatanda onların kəndimizdə oynadığı yaşıdlarıyla əlaqələrini yavaş-yavaş kəsdim. Bilirdim ki, kənddəki dostlarının toyu olacağını eşidəndə sarsılacaqlar və bunu onlara izah etmək sadəcə mümkünsüzdü.

Bəli, biz öz qızlarımızı göz bəbəyimiz kimi qorumalıyıq, bütün neqativ hallardan. Qatillərdən, manyaklardan heç bir cəmiyyət sığortalanmayıb. O üzdən Nərminin qətlində də, Elinanın intiharında da valideynlərin laqeydliyi dolayısıyla səbəbdi. Bu günlərdə Masallıda toyundan iki həftə sonra ərinin boğub öldürdüyü on altı yaşlı Fatimənin qətlində isə valideynlər birbaşa günahkardı.

Qətlə yetirilməsə belə, yetkinlik yaşına çatmayan bir qızın ərə verilməsi cinayətdi, bir uşağın uşaqlığının, gəncliyinin əlindən alınmasıdı, həyatıyla oynamaqdı. Bu bir günün işi deyil, illərin hazırlığıdı. On altı yaşlı qızın evlənməsi onun on üç-on dörd yaşında nişanlanması deməkdi, onu on yaşından buna hazırlamaqdı, lap “Ölülər” əsərindəki kimi. Budu qatillik, təkcə cismani ölüm deyil, görün mənən məhv olmuş nə qədər körpələrimiz var belə, nə qədər qızın həyatı məhv olur bu çürümüş qaydalarla.

Axı o qızın indi imtahana hazırlaşan vaxtıydı, buraxılış gecəsinə geyim seçən, qəbul imtahanını düşünüb həyacanlanan, məzun şəkilləri üçün poz verən, gələcək təhsili üçün xəyallar quran çağı idi. Bunları onun əlindən almağa valideynin hansı haqqı var?

Axı toylar bizim həyatımızı əbədi gözəllişdirmir. Nikahlar çıxış yolu deyil, əksinə, problemi ikiyə vurmaqdı çox zaman.

On altı yaşlı qıza gəlinlik paltarı geyindirən ana öz qızını hansı həyata yola saldığını bilmirmi, erkən doğuşun, uşaqkən qadın olmanın fəsadlarını, psixoloji travmaları, ailədaxili münaqişələri gözə almırmı?

Bu ki Nərminin qətli kimi müəmmalı, Elinanın intiharı kimi sirli deyil, hər şey gün kimi aydındı. Bu toylar kəndlərdə, hamının gözü qabağında olmurmu? Yerli icra nümayəndələri, məktəb direktorları, bələdiyyələr hara baxır?

Bu suallar qətiyyən ritorik deyil, konkret ünvanı olan, cavab gözləyən suallardı.

Bu boyda cinayətə hamımız göz yumuruq, gedib həmin toylarda oynayırıq. Sonra o ailələr dağılanda, o qadınlar uşaqlarını qoyub başqasıyla qaçanda, bir-birini qətlə yetirəndə zəmanəni günahlandırırıq.

Kefli İskəndərin monoloqu yadınızdadı?

“ Bu araq şüşəsidir və Şeyx Nəsrullah gecələr bu balaca qızları boğanda mən bu şüşədən araq içərdim...”

REKLAM

Yazarın digər yazıları

Xəbər lenti

Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır?
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021