news-inner
clock13:19 calendar-gray 24 Dekabr 2019 view-gray724 dəfə oxunub
view-gray724 dəfə oxunub

Mədəniyyət xadimlərinə fəxri adlar təqdim edilib

Dekabrın 24-də Azərbaycan Milli İncəsənət Muzeyində Prezident İlham Əliyevin müvafiq sərəncamları ilə Azərbaycan mədəniyyətinin inkişafındakı xidmətlərinə görə orden, medal və fəxri adlara layiq görülmüş mədəniyyət və incəsənət xadimlərinə mükafatların təqdimat mərasimi keçirilib.

APA -nın məlumatına görə tədbirdə çıxış edən mədəniyyət naziri Əbülfəs Qarayev dekabrın 24-nün Azərbaycanın tarixində əhəmiyyətli gün olduğunu bildirib: "Bu gün cənab Prezident İlham Əliyevin doğum günüdür. Uzun illərdir, cənab Prezidentin apardığı siyasətin avanqardında mədəniyyət xadimləri dayanır. Hər il cənab Prezidentin sərəncamı ilə müxtəlif mədəni tədbirlər keçirilir, xalqımızın mədəniyyətində önəmli yer tutan şəxslər mükafatlandırılır. Bu gün mükafatlandırılan şəxslərin arasında isə böyük nüfuza malik olan Azərbaycan Dövlət Akademik Milli Dram Teatrının xadimləri də yer alır. Teatra dövlət statusunun verilməsinin 100 illiyi münasibətilə cənab Prezident teatr xadimlərinə adlar verib. Digər tərəfdən müasir musiqimizin ayrılmaz hissəsi olan musiqiçilər də bu sırada yer alır".

Nazir hər il Prezidentin ad günü ərəfəsində milli oyunlardan ibarət festival keçirildiyini qeyd edib: "Çövkən da bizim milli oyunlarımızdan biridir. Artıq çövkən oyunu dünyada qəbul edilib. Bu yarış həmişə ənənəyə sadiq qalaraq, Şəkidə keçirilib. Şəki də artıq Dünya İrs Siyahısına daxil edilib. O gün olsun, Qarabağ atlarının üzərində biz Qarabağa gedək".

Ə. Qarayev ölkə başçısının cəmiyyətdə yeni ab-hava formalaşdırılması baxımından dəyərli siyasət həyata keçirdiyini də diqqətə çatdırıb: "Hər bir dövlətin qarşısında duran vəzifələr müəyyən dövrə aid olur. Hər dəfə yeni dövrə uyğunlaşmaq, buna uyğun siyasət aparmaq çox vacibdir. Prezident İlham Əliyevin zamanında ölkəmiz 20 il əvvəlkindən fərqlənir. Bu cür siyasət aparmaq yalnız böyük şəxsiyyətlərə məxsusdur. Mehriban xanım Əliyevanın fəaliyyəti, dünya miqyasında tanınması da imkan verir ki, bu ölkənin düz yolda olduğunu düşünək. Bunlar o deməkdir ki, biz mütləq və mütləq Qarabağa qayıdacaq, Şuşa, İrəvan kimi Teatrlarımızın yubileylərini öz doğma məkanlarında keçirəcəyik".

Sonra mükafatlar təqdim edilib. Xalq artistləri Nurəddin Mehdixanlı, Ramiz Məlik və Yalçın Adıgözəlova “Şöhrət” ordeni, müğənnilər Tünzalə Ağayeva, Miri Yusif, Röya və aktyor Kazım Abdullayevə “Xalq artisti”, Mətləb Abdullayev, Əminə Babayeva, Rəşad Bəxtiyarov, Elnar Qarayevə isə “Əməkdar artist” fəxri adları təqdim olunub.

Daha sonra Məsmə Aslanqızı, Mətanət Atakişiyeva, Münəvvər Əliyeva, Rafael Həsənov, Elxan Quliyev, Elnur Məmmədov, Hacıbaba Məmmədova “Tərəqqi” medalı, Bəsti Cəfərova, Məleykə Əsədova, Laləzar Mustafayeva və Ramiz Novruza isə “Azərbaycan Respublikası Prezidentinin fəxri diplomu” təqdim edilib.

news-inner-user

18702 məqalə

Oxşar xəbərlər

Xəbər lenti

Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021