writer1

Samirə Əşrəf

Məqalə sayı

197
clock12:41 calendar-gray 18 Dekabr 2019 view-gray2830 dəfə oxunub
view-gray2830 dəfə oxunub

Gedən Zeynəb, qayıdan Röya...

İnsan həyatını musiqisiz təsəvvür etmək çətindir. Janrından və növündən asılı olmayaraq qəlbə yatan hər bir səsin dinləyəni və sevəni mütləq olur. Bir də dövr məsələsi var. Dövr ötdükcə klassikləşən səslər gənc ruhuna o qədər də yaxın düşmür, onların dinləyiciləri də yavaş-yavaş keçmişə qovuşur. Gəncliyin coşqun, ehtiraslı qəlbini dinləndirmək üçün dövrün özünün yetişdirdiyi, çağdaş, müasir ifaçıların olması çox vacibdir.

Keçmiş dövrün xanəndələri, lap bu günümüzə qədər yaşayan Flora Kərimovanın əfsanəvi ifası bugünkü gənc nəslə ağır gəlir. İyirmi yaşlı yeniyetmə Flora Kərimovanın “Baxma, o qatarın dalınca baxma” ifasını dinləyib sevgilisini xatırlamaqda çətinlik çəkər. Bu baxımdan 90-cı illərdən sonra meydana çıxan müasir estrada müğənnilərimiz bu boşluğu doldurmağı bacardılar. Hərçənd, hazırkı musiqi məkanında boşluq yox, tıxanma var. İndi Azərbaycan musiqi sənətində ara itib, məzhəb qarışıb. Amma bu qədər xaosun içərisində uzun illərdir ki, sevilənlər və sevilməyə davam edənlər var. Onlardan biri, həm də birincisi Röyadır.

İllərdir, arda-arda hitə çevirdiyi mahnıları, gündəm yaradan kreativ gedişləri, spontan hərəkətləri ilə diqqət çəkib Röya.

Onu sevənlər şübhəsiz ki, çoxdur. Hətta yaşlı sənətkarlar da Röyaya inanılmaz hörmət bəsləyiblər. Xalq artisti Habil Əliyev Röyanı çox sevirdi. Xalq yazıçısı Sabir Əhmədli Röyanın səsinin və səmimiyyətinin vurğunu idi.

Röyanın sevilməsində səbəb təbii ki, onun istedadı və ifasındakı yanğıdır. Yanğı dediyimiz məsələ isə kənardan dümsükləməklə yaranmır. Mütləq içdən, candan, hətta gendən gəlməlidir.

Əslən qarabağlıdır Röya. Üstəlik kasıb ailədə doğulub. İnsanı insan kimi formalaşdıran ən vacib həyat gerçəklərindən ikisi onun mənəvi dünyasına təsirsiz ötüşməyib. Torpağını itirib, həm də kasıblığın gətirdiyi ağır-acıları yaşayıb.

Bir sənət adamının təqdim etdiyi sənətin sevilməsində onun içinin səsi, nəğməsi, yanğısı mütləq rol oynayır. Falş, imitasiya, yalan heç zaman uzunömürlü olmur.

Röyanın falş olmamasına sübut onun səmimiyyətidir. Ucqar kənddə yaşayan, Qarabağ döyüşləri üçün övlad, nəvə yetişdirən qarı nənənin dadına çatan, harayına yetişən bax o səmimi, ağrı-acısı olan Röyadır.

Çoxumuzun biganə qaldığı bu videoya Röya biganə qalmadı. İçindəki nəğmə bu dəfə onu başqa cür dindirdi. Baş alıb həmin qarının yaşadığı yerə getdi. Onun evinin təmir olunmasını boynuna götürdü.

Əlbəttə, bir çoxları dərhal Röyanın var-dövlətindən, imkanlarından bəhs edə bilər. Hətta əminəm ki, imkanlı olduğu üçün bu işin onun borcu olduğunu deyənlər də tapılar. Amma inanın, bu, qətiyyən belə deyil.

Torpağına ana deyən, yetmiş yeddi ildir köklü ağac kimi yaşadığı yerə bağlanan, öləndə ölüb öz şəhid nəvəsinə qovuşmaq istəyən qarını içində böyük məhəbbəti, həsrəti olan Röya anlaya bilərdi.

Zeynəb Xanlarova vətənin ən uzağına – başqa materikə getdiyi vaxt, Röya vətənin ən yaxınına – sərhədinə, şəhid nənəsinin yanına qayıdır.

Nəğmə də pul çeki kimi bir tədavül vasitəsidir.

Səmimiyyət və sevgi bu tədavül vasitəsinin altındakı qızıla bənzəyir.

Dəyərimizi itirməyək və ona sahib çıxaq!

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021