writer1

Oğuz Ayvaz

Məqalə sayı

210
clock10:43 calendar-gray 15 Noyabr 2019 view-gray4788 dəfə oxunub
view-gray4788 dəfə oxunub

Qarabağı qaytaran türk futbolçu

Bu gün mənim üçün ikiqat bayram havası var. Birincisi çalışdığım APA -nın 15 yaşı tamam olur. İkincisi isə hamımızın sevimlisi Türkiyə milli komandası gələn il keçiriləcək futbol üzrə Avropa çempionatına vəsiqəni təmin edib.

Müstəqillikdən sonra mətbuatımızın ən öndə gedən xəbər agentliyi haqqında çox şey yazmaq olar. Ancaq baş redaktorumuz Şərif Ağayar APA -dan geniş yazdığı üçün mən də Türkiyə millisindən yazmaq istədim.

Türkiyə deyəndə, Nazim Hikmət, Əziz Nesin, Orxan Vəli, Atatürk, Əhməd Qaya, Sezen Aksu, Kamal Sunal, bir də Hasan Şaş yadıma düşür.

O Türkiyə ki, həmişə məni gözləmədiyim anlarda sevindirib. Soyuq İslandiya ilə qolsuz bərabərə qaldılar. Ancaq bu həm də qələbə idi. Bir xal da türklərə bəs edirdi.

Böyük insanların ölkəsi... Qırx səkkiz il dünya futbol çempionatının qapısından belə keçmədiyi halda, ilk qatıldığı çempionatda dünya üçüncüsü olmağı bacaran ölkənin adamları.

Yadıma düşür, uşaq yaşlarımda futbola baxmaq üçün necə də böyük həyəcan keçirdirdim. Buna görə də çox vaxt anam oyunları izləməyi mənə qadağan edirdi. Çox vaxt gecələr yata bilmir, matçların nəticəsi haqqında fikirləşirdim.

Bir dəfə Çempionlar Liqasında “Qalatasaray”- “Real” oyununa baxırdıq. İlk hissədə “kral klubu” “Cim Boma” iki qol vurdu. Anam televizoru söndürmək istəyirdi.

- Söndürün, yataq. Onsuz da uduzduq!

Ancaq atamın israrı ilə ikinci hissəyə baxa bildik və türk klubu sözün həqiqi mənasında möhtəşəm çevriliş edərək, hesabı 3-2 etdi, tarixi bir qələbə qazandı. Evdə hər kəsin üzü gülürdü.

***

2002-ci il Dünya Çempionatında Türkiyənin tarix yazması da mənim uşaqlıq illərimin ən gözəl və unudulmayan bir xatirəsidir. Türkiyə - Braziliya oyununda Hasan Şaşın ilk qolu yadınızdadır? Yəqin o qoldan sonra ekran qarşısında çığıra-bağıra sevincinizi bölüşmüşdünüz. Hamımız qələbəyə inanmışdıq. Hətta yazıçılarımızdan biri öz dostlarını daha da ruhlandırmışdı:

“Mənə elə gəlir, Qarabağı alacağıq!”. Bütün avropa türklərdən qorxmuşdu, sanki Osmanlı ordusu yenidən bərpa olunurdu. Bu oyun uşaqlığımın son məğlubiyyəti idi.

Hasan Şaş dedim. O Hasan ki, bizə futbolu dərindən hiss etdirib. Futbolun təkcə 22 nəfərin bir topun arxasınca qaçmadığını, hər oyunçunun bir hekayəsi olduğunu bizə deyən adam idi Hasan Şaş.

Hasan Şaş "Qalatasaray”da ilk matçını belə xatırlayır: "Ali Sami Yen stadionunda olub-olmadığımdan əmin olmaq üçün göy üzünə baxdım. Yaxşı oynamışdım. Mənim hərəkətlərim tribunadakıları lərzəyə gətirirdi. Uğultunu eşitdikcə tüklərim biz-biz olmuşdu.”

2000-ci ildə isə Hasan UEFA Kubokunu qaldırır. "Arsenal”la keçən oyun Tanrının oyunu kimi yaddaşlarda qalır. Necə ki, TRT-nin şərhçisi Levent Özçelikin dediyi kimi, "Tanrı bizim almağımızı istəyir.”

İki il sonra Hasan milli komanda ilə birlikdə Dünya Kuboku üçün samurayların vətəni Yaponiya, oradan isə Koreyaya yollanır. Yenə qayıdıram Braziliya ilə oynanılan ilk qrup matçına...

Həmin gün Bakıda dəhşət isti vardı. Elə bil göydən od ələyirdilər. Ailəlikcə televizorun qarşısına keçib həyəcanlı şəkildə, donuq gözlərimizi ekrana tuşlamışdıq. Hakimin fiti eşidiləndə atam həyəcanından öskürdü. Hasan Şaş topa elə gözəl, elə estetik formada zərbə endirdi ki, hamı, hətta bütün Türk dünyası ayağa qalxdı. Top tora qovuşmuşdu. Həmin gün, həmin dəqiqə hamımız eyni saniyədə qol deyə hayqırmışdıq.

Qardaşım yay aylarında saçını keçəl edəndə anam ona Hasan Şaş deyərdi. Hasan Şaş elə bil evimizdə yaşayırdı. Onun vurduğu hər qol bizim üçün doğma adamın sevinci kimi gəlirdi.

Həmişə zəhləm getdiyi, istidən nəfəs ala bilmədiyim yay fəslini indi dörd gözlə gözləyəcəm. Türkiyə yenə bizi sevindirəcək, üzəcək, mutlu edəcək.

REKLAM

Yazarın digər yazıları

Xəbər lenti

50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021