writer1

Fərid Mirzəyev

Məqalə sayı

199
clock12:12 calendar-gray 10 Oktyabr 2012 view-gray2443 dəfə oxunub
view-gray2443 dəfə oxunub

“Hicab namusumuzdur” qışqıranlar haqda

Müsəlmanların məsumluğunu şübhə altına alan amerikalı rejissorun ekranlaşdırdığı “Müsəlmanların məsumiyyəti” filmi və Fransa jurnalının Məhəmməd peyğəmbərin karikaturalarını çap etməsi müsəlmanlarda qəzəb doğurub.

Cümə namazlarından sonra müsəlman paytaxtlarında Amerika Birləşmiş Ştatlarının, Fransanın bayraqları yandırılır.

Hətta Birləşmiş Ştatlarının müxtəlif ölkələrdəki səfirliklərinə hücumlar da təşkil olunub.

Məntiqlə, yuxarıda sadaladıqlarım Bakıda da təkrarlanmalı idi. Deyə bilərsiniz ki, ABŞ-ın ölkəmizdəki səfirliyi önündə barmaqla sayılacaq qədər dindar etiraz səsini ucaltmaq istəmişdi. Ancaq səfirliyi və asayişi qoruyan polislərin müdaxiləsindən sonra polis maşınlarına qaçaraq əyləşən dindarların addımı görüntü yaratmaq cəhdindən başqa bir şey deyildi. Fransa səfirliyinin qarşısına toplaşmaq istəyənlərin qarşısı isə qısa müddətə alınmışdı.

Dinlərinin, peyğəmbərlərinin təhqir olunmasını sinirən qəzəbli kütlə keçən həftənin cümə günü Təhsil Nazirliyinə hücuma keçdilər. Təhsil müəssisələrində hicabın qadağan olunmasını namuslarına toxunan addım hesab edənlər əllərində dəyənəklərlə təhsil naziri Misir Mərdanovdan anlayış gözləyirlər. Üstəlik, bu günlərdə hicabla bağlı heç bir problem də yaşanmamışdı, de-yure qadağa mövcud olsa da de-fakto dindarların xeyrinə idi.

“Hicab namusumuzdur” qışqıranlar bu problemdən istifadə edərək dinlə bağlı problemlərini də məhz nazirliyin qarşısında çözmək qərarına gəlir. Burada dünyəvi dövlətin dayaqlarını laxlatmaq istəyi və niyyəti daha güclü duyulur.

İslam fundamentalizminin olmadığı Azərbaycanda israrla bu görüntünü yaratmaq istəyirlər ki, onlar var. Hətta qəzəblənə, lazım gələndə hakimiyyət nümayəndəsinə çiynindəki rütbədən asılı olmayaraq əl də qaldıra bilərlər.

13-14 yaşlı qızların başını qapamaqla nəyə nail olacaqları isə bir başqa məsələ. Bizlər də 11 il parta arxasında başı açıq qızlarla bərabər təhsil aldıq. O qızların namuslarının tapdalandığını heç görmədim. Təlim-tərbiyə verilən müəssisəyə qız uşaqlarının hicabsız gəlməsi onların namusuna toxunmaq deməkdir?

Ölkədə başını örtməyən, hicab geyinməyənlərin sayı hicablı qadınların sayından qat-qat çoxdur. Məgər o xanımların ataları, qardaşları, əmiləri, dayıları yoxdur? Başıaçıq dolaşan qadınların namusu ayaqlar altında qalıb?

Cümə namazlarında dəstəmaz almaq əvəzinə nazirliyin qarşısında qovğa yaratmaq, insanların qanını axıtmaq hansı dini dəyərlərə əsaslanır?! Bu üzüm yemək arzusudur, yoxsa bağbanı döymək sevdası?

Fərid Mirzəyev

REKLAM

Yazarın digər yazıları

Xəbər lenti

Məşhur aktrisa xərçəngdən öldü
18:51 16 İyul 2020
Polşa filmləri Azərbaycanda nümayiş olunacaq
18:15 16 İyul 2020
Vaxtsız ölən xanımının fotosunu cibində gəzdirirdi - Mirzə dayı haqqında bilmədiklərimiz
17:30 16 İyul 2020
Aqşin Yenisey ittihamlara cavab verdi
16:47 16 İyul 2020
Ərini itirən tibb bacısının karantin xoşbəxtliyi – Yeni hekayə
16:02 16 İyul 2020
"Brilliant əl" filminin operatoru öldü
15:14 16 İyul 2020
Tünzalə Ağayeva: “Çox çaşqın vəziyyətdəyəm” – Müsahibə
14:28 16 İyul 2020
Trampın oğlu kitab yazdı - Gülüş hədəfi oldu
13:46 16 İyul 2020
Qarabağ müharibəsi haqqında yeni film - Fotolar
13:08 16 İyul 2020
Müharibənin içimizdə öldürdükləri - Samirə Əşrəf yazır...
12:30 16 İyul 2020
Sonsuzluğa mübtəla olmağın anatomiyası - Mehman Qaraxanoğlu yazır...
11:48 16 İyul 2020
Almaniya ilə ortaq filmimiz Polşada açıq havada nümayiş olunacaq
10:53 16 İyul 2020
Mərhum şairin kitabı işıq üzü görüb
10:20 16 İyul 2020
Koronavirusa tutulmuş Xalq artisti danışdı: “Yaxşıyam”
09:27 16 İyul 2020
Aqşin Yenisey: “Müharibə mədəniyyətin başlanğıcıdır” - Müsahibə
08:58 16 İyul 2020
Ölülər, taun və karantin – Tural İlyas yazır
18:31 15 İyul 2020
Karantində başı xarab olan ər-arvad - Cavid Təvəkkül yazır...
17:52 15 İyul 2020
Şəhid generaldan roman yazılacaq
16:30 15 İyul 2020
Bəhram Bağırzadədən xəbər var
15:44 15 İyul 2020
Həmişə ana söyüşü söyən Çexov: son nəfəsdə dediyi müəmmalı söz nə idi? - Qeyri-adi faktlar
15:02 15 İyul 2020