writer1

Şərif Ağayar

Məqalə sayı

540
clock11:01 calendar-gray 30 Avqust 2019 view-gray2433 dəfə oxunub
view-gray2433 dəfə oxunub

Məsciddən xalça oğurlayan qadın və Murad Köhnəqala

Məsciddən xalça oğurlayan qadınla bağlı reportaja baxanda ilk yadıma düşən xalq şairi Murad Köhnəqalanın bu misraları oldu:

Zahid, məscidə getdim

Başmaq oğurlamaq keçdi könlümdən...

Amma deyəsən vəziyyət Viktor Hüqonun az qala özündən məşhur olan Jan Valjan obrazına daha çox paraleldir.

Qadın deyir:

“Qabaqdan qış gəlir, evə sərməyə heç nə yox idi, xalçaları apardım, bir səhvdi eləmişəm, bağışlayın”.

Səbəb nə olur-olsun ortada oğurluq faktı var. Adam icazəsiz məscidə daxil olub və bir yox, bir neçə xalçanı götürüb gedib. Bizim çevik polislərimiz də hadisəyə anındaca müdaxilə edib və hüquqi qiymət verib.

Olsun.

Lakin oğurluq edilən yer Allahın evi, onu edən isə Allahın bəndəsi olduğu üçün bu hadisə başqalarına oxşamır.

Jan Valjan da kilsədən gümüş qaşıqlar və şamdanlar oğurlamışdı. Polislər tutanda yepiskop Miriel əşyaları ona hədiyyə etdiyini söyləmişdi. Bu sevginin qarşısında Jan Valjan aydınlanaraq İsa Məsih mərtəbəsinə yüksəlmişdi.

Amma əlbəttə, bu bir romantikadır!

Ona görə bizdə baş verən hadisə elə ilk mərhələdəcə reallığın buz sifətinə dəyərək çiliklənib. Qadını anındaca yaxalayıblar və ortada humanist qəlbli bir nəfər din xadimi də görünmür.

Fikir vermişəm, bu məscid, din mövzuları da eynən Azərbaycan Yazıçılar İttifaqı kimdir. Dilə-ağıza tez düşür. Misal üçün, oğruluq hansısa məktəbdən, dövlət idarəsindən, yaxud şəxsi evdən olsaydı, bu qədər diqqət çəkməzdi.

Bakı şəhərində balansında olan binaları icarəyə verən yüzlərlə qurum var. Orda oynayırlar da, striptiz də göstərirlər, içib savaşırlar da. Niyə heç biri ilə işimiz olmadı, AYB-nin “26” kafesi qafamıza bu qədər taxıldı?

Cavab var.

Özü də çox sanballı cavabdır.

Məscidlər də, AYB də öz inzibati funksiyasından əlavə həm də mənəviyyat ocaqlarıdır. Ordakı eybəcərliklər daha tünd görünür.

Məscidlər də, AYB də bu mənəvi məsuliyyəti lazımınca daşıya bilmədiyi üçün cəmiyyət onlara qıcıqdır. Balaca bir “çp” olan kimi üstlərinə düşməyə, tənqid etməyə hazırdırlar.

Məsciddən xalça oğurlayan qadına ictimai rəğbət bu qəbildəndir.

Onun əzablarının, çətinliklərinin, Allahın evinə mömin kimi yox, oğru kimi girməsini şərtləndirən səbəblərin ictimai məsuliyyəti hamımızın üzərindədir.

Və daha çox mənəviyyata dəxli olan qurumların, idarələrin...

Əminəm, istənilən yerdə sorğu eləsək ki, o məscidin rəhbərləri haqqa daha yaxındır, yoxsa xalça oğurlayan qadın, hamı qadının adını çəkəcək.

Çünki bu, nəzərə çarpmayacaq istisnalarla doğrudan da belədir!

Xalq şairi Murad Köhnəqala da yuxarıda sitat gətirdiyim misralarında bunu deyir. Sufiyanə bir gedişlə səmimi ibadətdən çox riyaya meyl edən zöhd əhlinə cavab olaraq məsciddən başmaq oğurlamaq istəyir.

Siz buna layiqsiniz deyir.

Hətta sizin ibadətdən mənim oğurluğum yeydir!

Gördünüz, yazımızın axırında xalça oğurlayan qadının Viktor Hüqodan çox, Murad Köhnəqalaya yaxın olduğunu gördük.

Allahın evi təkcə məscid deyil, bütün kainatdır.

Özümüz heç vaxt heç yerdən heç nə oğurlamayaq ki, bir gün məsciddən xalça oğurlayıb düşüncəmizdə, məntiqimizdə qısaqapanma yaradan belə qarayanız qadınlarla rastlaşanda gözlərindəki təmizliyə çəkinmədən baxa bilək və onu danlamağa, ittiham etməyə, hətta bağışlamağa sözümüz, üzümüz, gücümüz olsun.

REKLAM

Yazarın digər yazıları

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021