news-inner
clock12:21 calendar-gray 18 İyul 2019 view-gray1698 dəfə oxunub
view-gray1698 dəfə oxunub

Çadrada dilənib nişan üzüyü alan xallı qız

Kulis.az Vüqar Haqverdiyevin “Dilənçi qız” hekayəsini təqdim edir.

Elman Bakıda “Torqovı” kimi tanınan mərkəzdə arendaya götürdüyü balaca bir dükanda qızıl alveri ilə məşğul olurdu. Satıcı özü idi. Alveri pis getmirdi, qazancı yaxşı olurdu. Lakin yaşının otuzu keçməsinə baxmayaraq hələ də subay idi. Ürəyinə yatan bir qız tapa bilmirdi.

Bir gün Elman işə gedəndə “Tarqovı”nın girəcəyində köhnə ikimərtəbəli binanın tinində dayanıb dilənən dilənçi qadın gördü. O, başdan-ayağa qara çadraya bürünmüşdü, üzü-gözü görünmürdü. Ancaq başqa dilənçilər kimi ətürpəşdirici səslə zarıyıb ah-vay etmirdi, çadranın qolunda gizlətdiyi əlini azacıq qabağa tutub sakitcə dayanmışdı. Elmanın ona yazığı gəldi. Yaxınlaşıb pul verib getmək istəyəndə, birdən pul əlindən yerə düşdü. Hər ikisi, qeyri-ixtiyari pulu götürmək üçün əyildi. Bu zaman dilənçinin əli çarşabın altından dirsəyə kimi açıldı. Elman heyrətə gəldi... Ömründə belə hamar, zərif, gözəl əl görməmişdi. Bu əlin sahibinə uzağı iyirmi beş yaş vermək olardı. Dilənçinin cavan qız olması, onun ağlına da gəlməzdi. Qızın adsız barmağında nəzərəçarpacaq gözəl bir xal da vardı. Elman cəld pulu yerdən götürüb qızın ovcuna basdı. İçindən həlim bir duyğu keçdi, yumyumşaq isti ovucun hərarəti bütün vücudunu titrətdi.

- Bağışlayın, bilmədən oldu, – deyə Elman əlini sürüşdürüb qızın barmağındakı xala toxundurdu.

Qız heç bir söz demədən pulu götürüb əlini çadranın içində gizlətdi. Elman bir daha üzr istəyib yoluna davam etdi. Əlində qızın əlinin istisi qalmışdı. Gedə-gedə dilənçinin acı taleyinə yandı, onu dilənməyə məcbur edən zalım dünyanı qınadı. Yavaş-yavaş ürəyində sevgi hissi oyanırdı. Xəyalında naməlum qızın obrazını yaradırdı. Onun badam gözlü, xurmayı saçlı bir gözəl olduğunu təsəvvür edirdi. Sonra qıza haqq qazandırdı: “Nə olsun dilənçilik edir, bəlkə yetim qızdır, heç kimi yoxdur!?... Oğurluq etmir ki, utandığından üzünü də gizlədir. Bəziləri əksinə üzlərini açıb yazıq görkəmi alırlar, yalandan göz yaşları axıdırlar. Bu isə səsini də çıxarmır”. Birdən dayandı: “Bəlkə gedim onu söhbətə tutum, kimliyini öyrənim. Razı olsa lap yanımda iş də verərəm, mənə kömək edər, halal pul qazanar”. Bu fikirlə geri qayıtdı. Ancaq dilənçini yerində görmədi...

O vaxtdan Elman hər gün işə gələndə də, gedəndə də, hətta nahar vaxtı da dilənçi duran yerə baş çəkirdi. Lap dəli olmuşdu, başını itirmişdi, bilmirdi nə etsin. Bir gün ağlına gəldi ki, bəlkə qız yerini dəyişib. Nahar vaxtı dükanı bağlayıb “Tarqovı”da onu axtarmağa çıxdı. Küncdə-bucaqda bir neçə dilənən qadın gördü, ancaq onlar o axtardığı deyildi. Mərkəzi Univermaq tərəfə getdi. Univermağın tinində qara çadralı dilənçi görəndə ürəyi əsdi. “Odur!” – az qaldı qışqırsın, ona sarı cumdu. Çatanda pərt oldu, dilənçinin açıq qalmış əlləri qırış-qırış idi.

Elman univermağa girdi. Gəlmişkən zinət əşyaları ilə, qiymətlərlə maraqlandı. Bir piştaxtanın üstündə qoyulmuş taxta çərçivəli güzgü diqqətini cəlb etdi. Ona baxa-baxa fikirləşdi: “Gərək mən də dükana beləsini alam, vitrinə yaraşıq verir”. Birdən güzgüdə barmağına nişan üzüyü taxıb yoxlayan bir qız əli göründü. Bütün vücudu titrədi. Bu, həmin əl idi, dilənçi qızın əli, xalından tanıdı. Həyəcanla əlin sahibinə baxdı. Qız da hiss edibmiş kimi ona sarı çevrildi. Elman xəyalında təsəvvür etdiyindən də gözəl bir qız gördü. Baxışları toqquşdu. Ani olaraq ikisi də çaşdı. Qız barmağındakı nişan üzüyünü oynadıb gözü ilə sola işarə etdi. Onun nə demək istədiyini anlayanda Elmanın halı dəyişdi, rəngi kömür kimi qaraldı... Qız tək deyildi, yanında hündürboylu, yaraşıqlı cavan bir oğlan vardı. O da barmağına nişan üzüyü taxıb yoxlayırdı.

Görüntünün olası içeriği: Vugar Hagverdiyev

news-inner-user

17131 məqalə

Oxşar xəbərlər

Xəbər lenti

İsti yatağım soyuq səngər misalı - Sara Selcandan yeni şeirlər...
16:28 28 Noyabr 2020
Azərbaycanda Mixail Qusmanın filminin premyerası oldu
15:01 28 Noyabr 2020
Bu nədir, Allahı danmaqdır? – Elçin yazır...
13:30 28 Noyabr 2020
"Şəngülüm, Məngülüm" tamaşası onlayn nümayiş olunacaq
12:01 28 Noyabr 2020
Türkiyədə "Azərbaycanlı şəhid uşaqların xatirəsinə" adlı konsert keçirildi - Foto
10:27 28 Noyabr 2020
Fuad Poladov: Qızla zirzəmidə görüşdüyümə görə məni məktəbdən qovdular – Müsahibə
09:00 28 Noyabr 2020
Ukrayna Milli Kitabxanasında Azərbaycan guşəsi açılacaq
18:31 27 Noyabr 2020
Qayıtdı gülləri yığıb başına, vətən gülşəninin Xarı bülbülü! – Yeni şeirlər
17:44 27 Noyabr 2020
Tələbənin universitetdən qovulması haqlı qərardırmı?
17:09 27 Noyabr 2020
"Qarabağ Azərbaycandır" adlı kitab nəşr olundu
16:34 27 Noyabr 2020
Rejissorumuzun da iştirak etdiyi festivalın qalibləri elan olundu - Siyahı
15:53 27 Noyabr 2020
Nənəsini yemək üstündə ağlatdı, xəstəliyinə görə yardım istədi, işdən çıxarılan gün həyat yoldaşı öldü – Məşhur diktordan maraqlı faktlar
15:11 27 Noyabr 2020
Məşhur Meksika filmlərinin ssenari müəllifi vəfat etdi
14:31 27 Noyabr 2020
İşğaldan azad olunan Xanabert qalası
13:53 27 Noyabr 2020
"Anamın kitabı" filmi gəlir - Yaxında
13:11 27 Noyabr 2020
Mənə ölümümdən yol verin... - Ötən gün dünyasını dəyişən şairin şeirləri
12:31 27 Noyabr 2020
Onlayn dərsdə gülməli vəziyyətə düşən müəllimlər
11:50 27 Noyabr 2020
Qorxu bilməyən işçimiz - Elçin yazır...
11:10 27 Noyabr 2020
Lalə Məmmədovadan duyğu dolu etiraf yazısı: “Hamınızı aldatdım!”
10:28 27 Noyabr 2020
Mirzə Cəlil haqda yeni kitab çıxdı – Dərs vəsaiti kimi təsdiq edildi
09:54 27 Noyabr 2020