news-inner
clock15:05 calendar-gray 18 İyun 2019 view-gray685 dəfə oxunub
view-gray685 dəfə oxunub

Gənclər AYB-dən qovulan həmkarlarına dəstək olmadılar - Sorğu

Bu yaxınlarda gənc yazar Elşad Barat AYB-dən xaric edilib. Kulis.az bu məsələ ilə bağlı AYB-nin gənc üzvlərinə belə bir sualla müraciət edib: "Öz həmkarınıza dəstək məqsədi ilə AYB-dən istefa verərdinizmi?"Cavabları təqdim edirik.

Alpay Azər

Image result for alpay azər

“AYB-nin üzvi deyiləm. Elşad Barat xaraktercə provokator adam təsiri bağışlayır. Bu cür şeylərlə ədəbi gündəmdə qalmaq məsələsi çatmır. Amma hər provakativ atmacaya görə də şairi, ya yazıçını AYB-dən çıxarmaq düzgün deyil. Lap düzünü deyim, bu məsələdə qurumun nizamnaməsi nə deyir, onu da bilmirəm.”

Cavid Zeynallı:

Image result for cavid zeynallı

“Mənim kiməsə görə Yazıçılar Birliyinin üzvlüyündən çıxmaq fikrim yoxdur, olmayacaq. Ümumiyyətlə, bu cür “etiraz” üsulunu da təbəssümlə qarşılayıram. Kimsə nə vaxtsa mənə görə “etiraz” edib çıxarsa, buna da istehzalı təbəssüm göstərərəm. Hər kəs öz ayağından asılmağa layiqdir. Bu belə. İkincisi, üzvləri hər tənqidə, atmacaya, tikanlı tövrə görə xaric etmək çıxış yolu deyil, 2-3 dəfə xəbərdarlıq etməklə, daha yumşaq qərar qəbul oluna bilər. Məncə, sağlam, ağlı başında olan, işləməyi bacaran, özünü işə verməyi müsibət kimi qəbul etməyən adamlar Yazıçılar Birliyindən təmənna güdmürlər. Adamlar var ki, bu birliyə ancaq 300-500 manat pul qoparmaq yeri kimi baxırlar. Ələbaxanlıq, yetim-məzlum psixologiyası dəhşətli şeydir. Ya da hesab edirlər ki, Yazıçılar Birliyi bunların kitabını çıxarmağa əlahiddə borcludur. Niyə? Bir kitabı ki çıxara bilməyəcəksən, yazma. Nə məcburdu? Ölüm-itim deyil ki? Guya sənin gülməşəkər şeirlərin olmasa, təbii fəlakət olacaq? Nə isə. Bir həqiqətə inanıram ki, istedadın, zəhmətin hesabına bir şeyi haqq edirsənsə, gec-tez onu alacaqsan. Gözlənti, təmənna yoxdursa, üzvlükdən xaric olmaq niyə problemə çevrilsin? Hamı unudulur, hər şey yaddan çıxır. Bir az keçsin, təzədən üzv qəbul olub təsəlli taparlar. Ümumiyyətlə, ağrılı mövzudur. Bir yaxşı yazının ağrılı mövzusu...”

Şəhriyar del Gerani:

Image result for şəhriyar del gerani

“Söhbətdən xəbərim yoxdur. Heç nə deyə bilmərəm” .

İkinci Mahmud:

Image result for ikinci mahmud

“Vaxtilə AYB-dən istefa vermək bir etiraz əlaməti olaraq bilinirdi. Problem AYB-nin özündən qaynaqlanmır. Bu qurum ədəbiyyatı kontrolda saxlamaq funkisyasını itirib. Çingiz Abdullayev Azərbaycan dilini bilmir, heç bunu da gizlətmir. Kimisə AYB-dən çıxması, qalması artıq heç kimə maraqlıdır deyil. Məni narahat edən AYB-nin mövcudluğudur. Quruma ayrılan pul nəşriyyat sistemi üçün istifadə olunsa daha yaxşı olar.”

Sahilə İbrahimova:

Related image

“Xeyr, mən istefa verməzdim”.

Ulucay Akif:

Image result for ulucay akif

“AYB heç kimin şəxsi mülkü deyil. Yazıçılar Birliyi ölkənin yazıçılar üçün nəzərdə tutulmuş qurumudur və bura hər bir yazıçının üzv olmaq haqqı var. Qaldı ki son qovulma hadisəsinə. Elşad Baratın etdiyi hər mənada qeyri-etik bir davranış idi. Onun etdiyi jurnalistika baxımından da qeyri-etik və qeyri-peşəkar idi. "Filan səhifədə paylaşmışdılar, mən də paylaşdım" demək çox gülməlidir. Etiraza gəldikdə isə, mən etiraz etməyə layiq olan adamların etirazını canla başla qəbul edərəm. AYB üzvü olsam da, mənim də orada bəyənmədiyim çox şey var. Buna görə oradan çıxmaqdansa, oranı düzəltməyə çalışmaq lazımdır.

Etiraz etməyə layiq olan yox, "haqqı çatan" və etiraz etməyi bacaran.”

news-inner-user

16484 məqalə

Oxşar xəbərlər

Xəbər lenti

Məşhur meyxanaçı: "O işlə təkcə meyxanaçılar məşğul deyil ki" - Video
17:01 19 Sentyabr 2020
Rejissormuzun filmi Beynəlxalq Turizm Filmlər Festivalının qalibi oldu
15:51 19 Sentyabr 2020
Bitlz qrupu haqqında kitab çap olundu
14:41 19 Sentyabr 2020
Mənə möcüzə kimi görünən ədəbi hadisə - Elçin yazır...
13:30 19 Sentyabr 2020
Dörd min ildi dustağam - Adil Şirinin şeirləri
12:20 19 Sentyabr 2020
Dovlatovun heç yerdə çap olunmamış şeiri sərgiləndi
11:05 19 Sentyabr 2020
Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir?
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020