Kulis.az futbol tarixində baş verən 10 qeyri-adi hadisəni təqdim edir.
1) Futbol topu dedikdə hamımızın ağlına gələn qara beşbucaqlı və ağ altıbucaqlılardan tərtib edilmiş dizayn 1962-ci ildə NASA-nın orbitə yerləşdirdiyi Telstar rabitə peykinin oxşarı olaraq hazırlanıb.
2) Futbol hakimləri illərcə oyunu dəsmal sallayaraq idarə edib. Fit ilk dəfə 1878-ci ildə istifadə edilməyə başlandı.
3) 1882-ci ilə qədər qapının üst dirəyi yox idi. Top, iki tir arasından keçdikcə və nə qədər yüksəkdən keçərsə-keçsin qol sayılırdı.
4) Qırmızı və sarı kartın tarixi isə yenidir. 1970-ci illərə qədər hakimlər oyunda futbolçuya qırmızı vərəqə göstərmək əvəzinə qərarlarını futbolçuya sözlü şəkildə deyirdilər.
5) Modern futbol İngiltərədə yaransa da futbol oyununun ilkin versiyaları ilk dəfə 2200 il əvvəl Çində oynanılmağa başlanıb. Orta əsrlər dövrünün futbolunda rəqibə təpik vurmaq, yumruqlamaq, dişləmək sərbəst idi.
6) 1950-ci il Dünya Çempionatının finalı Uruqvay və Brazilya arasında keçirildi. “Marakana” Stadiyonunda baş tutan oyunda 199 min 854 azarkeşlə bütün zamanların azarkeş rekordu qırılıb.
7) Hindistan futbolçularının ayaqyalın oynamasına icazə verilmədiyinə görə 1950-cı il Dünya Çempionatına qatılmaqdan vaz keçib.
8) Liberiya milli komandasının futbolçuları formalarını və səyahət xərclərini qarşılaya bilmədikləri üçün 1996 Afrika Kubokuna az qala qatıla bilməyəcəkdilər. Liberiyalı məşhur futbolçu George Veah bütün forma və səyahət xərclərini cibindən ödəyərək komandasını turnirə yollayıb.
9) Bir vaxtlar İtaliya futbolunun nəhəng oyunçularından olmuş Alessandro Nesta saatlarla playstation oynadığı üçün sol əlinin baş barmağını şikəst etdi. Nesta əməliyyat keçirdi və dörd həftə futboldan uzaq qaldı.
10) 1998-ci ildə Ruminya liqasında çıxış edən “Jiul Petrosani” klubunun oyunçusu İon Radu, “Valsea” klubuna 500 kq ət qarşılığında transfer edildi.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
