news-inner
clock16:51 calendar-gray 14 Mart 2019 view-gray397 dəfə oxunub
view-gray397 dəfə oxunub

Tofiq Tağızadənin yaradıcılıq otağının açılışı olub

Martın 14-də Cəfər Cabbarlı adına "Azərbaycanfilm" kinostudiyasında Azərbaycan kino sənətinin görkəmli nümayəndəsi, kinorejissor, ssenari müəllifi və aktyor, xalq artisti Tofiq Tağızadənin 100 illiyi münasibətilə sənətkarın vaxtilə çalışdığı yaradıcılıq otağının açılışı olub.

ONA -nın xəbərinə görə, tədbiri açıq elan edən “Azərbaycanfilm” kinostudiyasının rəhbəri Müşfiq Hətəmov bildirib ki, kinostudiyanın hər qarışı tarixdir: "Bizə bəzən irad tuturlar ki, köhnə binadır, orda niyə yaradıcılıq otaqları yaradırsınız? Xeyr. Bu binada Azərbaycan mədəniyyətinin böyük nümayəndələri fəaliyyət göstəriblər. Biz də bu gün görkəmli rejissorumuz Tofiq Tağızadənin xatirəsini yaddaşlarda yaşatmaq üçün onun adını daşıyan yaradıcılıq otağını təşkil etdik. Biz gələcəkdə də bu ənənəmizi davam etdirəcəyik".

Kinematoqrafçılar İttifaqının sədri, xalq artisti Şəfiqə Məmmədova korifey sənətkarların otaqlarının bərpasının gələcək nəsillər üçün böyük miras olduğunu səsləndirib: "Qoy, həmişə bu otaqlarda görüşlər, tədbirlər keçirilsin və ustadın əziz xatirəsi kimi həmişə yaşasın".

Kinorejissor, xalq artisti Oqtay Mirqasımov isə Tofiq Tağızadə ilə çox yaxın olduqlarını, hələ gənc yaşlarımdan onunla ünsiyyət qurduğunu söyləyib: "Tofiq Tağızadənin elə insani keyfiyyətlərini görmüşəm ki, o keyfiyyətlər mənim bir insan kimi formalaşmağıma təsirsiz ötüşməyib. Tofiq müəllim anadan rejissor doğulmuşdu. Onun sirləri də var idi. O, çox ağır həyat sürdü və heç vaxt kimsə onun dilindən giley-güzar eşitmədi".

Xalq artisti Əbdül Mahmudov isə "Yeddi oğul istərəm" filmində oynadığına görə həmişə Tofiq Tağızadəyə minnətdar olacağını bildirib: "Azərbaycanda məndən də istedadlı aktyorlar ola-ola məni o rola təsdiq etdi. Həmin film dünyanın 128 ölkəsini gəzib, buna görə də mən bu haqqı dana bilmərəm. Bu gün kimlərsə kinostudiyamıza göz dikiblər və buranı ələ keçirmək istəyirlər. Sağ olsun cənab prezidentimiz, kino barədə verdiyi son sərəncamları və dahi sənətkarlarımızın yubileylərinin keçirilməsi ilə bağlı verdiyi tapşırıqlara bu işlərin qabağını alır. Mən onu təşəkkürümü bildirirəm".

Xalq artisti Rafiq Əzimov isə bildirib ki, kinostudiyanın gözəl günləri hələ qabaqdadır: "Ötən əsrin 60-80-ci illəri mədəniyyətimizin intibah dövrü olub. Prezidentin mədəniyyət işçiləri ilə görüşü və ondan sonra görülən işlər də onu göstərir ki, biz yeni bir mədəni intibaha doğru gedirik. Mədəniyyətimizdə yeni inkişaf yollarıaçılır.Bu böyük nailiyyətdir".

Rejissorun kürəkəni, əməkdar artist Firdovsi Atakişiyev ailəsi adından kinostudiyanın rəhbərliyinə öz təşəkkürünü bildirib: "Xatirə otağının açılması məni və onun qızını çox sevindirdi. O, mənə ata kimi əziz idi. Mən bu gün sizə bir hədiyyə gətirmişəm. "Uzaq sahillərdə" filmi üçün Qara Qarayev Bakı haqqında mahnı yazıb Tofiq müəllimə veribmiş. O mahnı nədənsə sonradan filmə salınmayıb. Mən bu gün həmin not yazısını xatirə olaraq bu yaradıcılıq otağına təqdim edirəm. Qoy, iki dahinin xatirəsi burda daim yaşasın".

news-inner-user

16057 məqalə

Oxşar xəbərlər

Xəbər lenti

Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Xalça şərqisi – Rafiq Tağının hekayəsi
15:41 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020
"Kobra"nın silahdaşı vəfat etdi
10:09 05 Avqust 2020
Mahnıları dillərdə dastan olan 5 Azərbaycan filmi - Video
09:01 05 Avqust 2020
Feysbuk məşhur yumor ustasının hesabını bağladı - Yəhudi düşmənçiliyinə görə
18:57 04 Avqust 2020
Məşhur romana çəkilən serialın ilk görüntüləri yayıldı - Foto
18:02 04 Avqust 2020
III Beynəlxalq Animasiya Festivalına daxil olan filmlərin siyahısı açıqlandı
16:21 04 Avqust 2020
Gözyaşardıcı qazlar elektron ağlamaqdır vətən üçün - Güneyli şairin şeirləri
15:18 04 Avqust 2020
Rənglərə aldanan uşaqlar – Cavanşir Yusifli müharibə hekayələrindən yazır...
15:14 04 Avqust 2020