news-inner
clock13:52 calendar-gray 27 Fevral 2019 view-gray1178 dəfə oxunub
view-gray1178 dəfə oxunub

Evlənməkdən qorxan məşhur müğənni - Həyat Hekayəti

Kulis.az Ağasəlim Pünhanoğlunun “Et Si Tu N'existais Pas”, “Salut” və… 41 yaşında ölüm...” yazısını tədim edir.

Fransız jurnalistləri şəxsi həyatını daim mediadan gizli saxladığına, bu barədə hər hansı bir açıqlama vermədiyinə görə, Co Dasseni ən məşhur və ən naməlum ifaçı adlandırırdı.

Dassin iki dəfə evli olub. İlk həyat yoldaşı bu sahəyə maraq yaratmaqla yanaşı, Conun ifaçı kimi üzə çıxmasına çox yardımçı olmuşdu. İkinci həyat yoldaşı Kristin Delvyu isə müğənniyə iki gözəl oğul övladı bəxş etmişdi…

“Atamın iş otağını bərpa etmişəm, bu onun iş masasıdır. O, saatlarla əyləşib, hansısa mahnının bir sətrini düşünməyə vaxt sərf edə bilərdi. O, işinin dəlisi idi...” – Co Dassenin oğlu Jülyen atası barədə söyləyir.

Məşhur fransızın ən böyük arzusu isə həyata keçmədi – o, oğulları ilə duet oxumağı arzulayırdı, lakin bu arzu təəssüf ki, arzu olaraq qalır, ifaçı həyatdan tez gedir, lazım olduğundan da tez… Oğullarının ikisi də böyüyüb və hal-hazırda musiqiçidirlər.

Co Dassen dəhşətli dərəcədə təvazökar və hətta özündən narazı insan idi. “Məşhurluğumdan qorxuram” – deyə ifaçı etiraf edirdi.

O, özünə söz vermişdi: “Qırx yaşımdan sonra sənəti atacam və yaşamağa başlayacam...”

Ancaq necə deyərlər, sən saydığını say, gör fələk nə sayır… 41 yaşında ikən Kanndakı konsert zamanı Dassenin ürəktutması olur, bir aydan sonra Taitidə olarkən ürəyi dayanır...

Sağ ikən günlərin bir günü Co Dassenin “dost”larından biri ona ifaçılıq sənətini atmağı məsləhət görür. Ancaq nə yaxşı ki, Dassen bu məsləhətə qulaq asmır...

Aşpaz, jurnalist, həkim və etnologiya üzrə mütəxəssis olan Jozef Dasseni bütün dünya Co Dassen kimi tanıdı...

Məşhur ifaçı söyləyirdi: “Bir çox gənclər kimi mən də həyatda öz rolumu axtarırdım. İnsanların həyatını xilas etmək üçün həkim oldum, professor olmaq da əla idi, insanlara elm öyrədirdim! Ancaq günlərin bir günü anladım ki, səhnədə olmağımla daha çox işə yaraya bilərəm… Elə də oldu.

Mən insanlara yardım etmək üçün mahnı yazıram...”

Bu gün Co Dassen Fransanın vizit kartlarından biri hesab olunur. O, Nyu-Yorkda anadan olub, məşhurluğu Fransada qazanmışdı. Lakin bu məşhurluq onun bədbəxt olmasına heç də mane olmurdu. Bəli, o xoşbəxt deyildi. Xoşbəxtlikdən dadmamış da həyatdan getdi...

Dassen xasiyyətcə yumşaq insan idi. Qərarlarında möhkəm deyildi — etnoqraf, aktyor, yoxsa ifaçı olmasını tam qərarlaşdıra bilmirdi.

Co oxumağa Detroytdakı gecə kabaresində başlamışdı. Əvvəl-əvvəl Dassen öz şəxsi ifa tərzini, istiqamətini tapmaqda çətinlik çəkirdi. O, amerikan xalq mahnılarını və fransız şansonunu sevirdi və bu iki istiqaməti sintez etməyə çalışırdı.

Diplomunu aldıqdan sonra Dassen Fransaya qayıdır, burada iki filmə çəkilir, lakin bu filmlər ona populyarlıq qazandırmır. Onu da qeyd edək ki, Co hansı dildə — ingilis yoxsa fransız dilində oxuyacağını da uzun müddət qərarlaşdıra bilmirdi.

Lakin uzun tərəddüdlərdən sonra o seçimini fransız dilində saxlayır. Publika bu ifanı böyük coşqu ilə qarşılayır...

İfaçı hesab edirdi ki, mahnılar insanlara problemlərini həll etməkdə yardımçı olmalıdır. Mahnılar sevgi ilə zəngin olmalıdır, məhz bu zaman insanlar pis şeylər barədə bir anlıq olsa da düşünməyəcək...

Conun ilk məhəbbəti olan Mariz daim onun yanında idi, bacardığı qədər ifaçıya yardım edirdi. 1966-cı ildə onlar evlənməyi qərara alırlar.

Baxmayaraq ki, Dassen evlənmək məsələsində tərəddüd edirdi, o atasının anasını başqa qadına görə atmasını yaxşı xatırlayırdı…

Mariza ilə nikah 10 il davam edir. Zaman keçdikcə münasibətlərdə soyuqluq yaranır, yenicə doğulmuş körpələrinin ölümündən sonra bu münasibətlər sona çatır. Mariza ərinin məşuqəsi olduğunu bilirdi. Bu səbəbdən o, nikahı xilas etmək barədə düşünmür.

Müxtəlif otellərdə müxtəlif qadınlarla keçən ömür...

İkinci həyat yoldaşı Kristinlə Co təyyarədə tanış olmuşdu. Kristin sevgilisi ilə yenicə ayrılmışdı deyə kefi yox idi. Co onu sakitləşdirməyə cəhd göstərmişdi, Kristin isə kobudcasına yardıma ehtiyacı olmadığını söyləmişdi. Dassen xeyli təəccüblənmişdi, axı o, ulduz idi, ulduzu necə saymamaq olar?

Bir müddət sonra onlar yenidən otelin barında rastlaşırlar, bu dəfə söhbət sakit keçir. Onların ilk görüşündən bir neçə ay keçsə də, Co bu sarışın xanımı hələ də unuda bilməmişdi və bu dəfə onu əldən vermək artıq ağılsızlıq olardı...

Onların gizli eşq macərası beş il ərzində müxtəlif ölkələrdə, müxtəlif otellərdə davam edir. Hər şey yaxşı gedirdi, lakin getdikcə Kristin gizli məşuqə rolundan bezir.

1978-ci ildə onlar evlənirlər. Cütlüyün bal ayı möhtəşəm keçir və tezliklə Kristina Dassen hamilə qalır, yarım ildən sonra Conatan adlı oğul övladı dünyaya gətirir. Az keçmir ki, Co ikinci dəfə ata olur, Jülyen anadan olur.

İlk övladının anadan olmasından sonra 40 yaşı münasibətilə düzənlənmiş ziyafət zamanı Co Dassen tezliklə səhnədən gedəcəyi barədə elan verir. Artıq bütün arzuları həyata keçib — məşhurluq, insanların sevgisi, pullar və ən əsası – ailə.

Kristin uşağa baxdığından daha ərini konsertlərində müşayiət edə bilmirdi. Ancaq uşaq onu bir o qədər maraqlandırmırdı, ərini qısqanırdı. O, isterik halda vay-şüvən salır və Conu qastrol səfərlərini yarımçıq qoyub geri qayıtmağa məcbur edirdi. Qadın isterikaları Dasseni dərin depressiya yaşamağa sövq edir və nəticədə, o, içməyə başlayır. Kristin isə sakitliyi narkotikdə tapır və ərini də onlara alışdırır.

İkinci uşaq dünyaya gələndən sonra Kristin Conu tərk edir. Səbəb kimi isə ərinin onlara qayğı göstərməməsini göstərir. Artıq hər iki tərəf evliliyin sona çatdığını anlayırdı.

Böyük çıxış öncəsi Kristin uşaqları da götürüb valideynlərinin yanına Ruana gedir. Dassen bu ərəfədə infarkt keçirir, lakin ölmür, Kristini məhkəməyə verir və uşaqları müvəqqəti olsa da, geri alır.

Co qastrol səfərlərini təxirə salır və uşaqları ilə birgə Taitiyə yollanır. Adaya gəldiyi günün sabahısı o, ürəktutmasından vəfat edir...

news-inner-user

20044 məqalə

Oxşar xəbərlər

Xəbər lenti

Tərəf müqabili ilə üçaylıq sevgi yaşayan, evi olmadığı üçün qarajda qalan, iki dəfə intihara cəhd edən Xalq artisti
21:00 28 Sentyabr 2021
Vətən Müharibəsi qəhrəmanı haqqında film çəkilir
18:50 28 Sentyabr 2021
Bakı Beynəlxalq Kitab Sərgisində nələr olacaq?
18:15 28 Sentyabr 2021
Sahilənin Sənanı və "Şeyx"i
17:28 28 Sentyabr 2021
Onun geridəqalmışlığı mükafata layiqdir – Aqşin Yenisey yazır
16:44 28 Sentyabr 2021
Filmimiz beynəlxalq festivalın ən yaxşısı oldu
15:59 28 Sentyabr 2021
Üzeyir bəyə tələ quran erməni musiqiçilər - Tarixin gizlinləri
15:10 28 Sentyabr 2021
Baydarovun filmi nufuzlu festivalda - Foto
14:22 28 Sentyabr 2021
Osmanlı sultanlarının portretləri satışa çıxarılacaq
13:35 28 Sentyabr 2021
Qarabağ mövzusunun dələduzları – Şərif Ağayar yazır...
12:54 28 Sentyabr 2021
Əri ola-ola Telman Adıgözəlov ona evlilik təklif etdi, kişi aktyorlarımızın arasına qısqanclıq davası saldı – “Bəyin oğurlanması”nın məşhur siması kim idi?
12:09 28 Sentyabr 2021
Ölməyə vətən yaxşı... - Onlar niyə qürbətdə öldülər?
11:32 28 Sentyabr 2021
Nazirlikdən bəstəkara cavab: “Beş min verdik, götürmədi” - Özəl
11:01 28 Sentyabr 2021
Məşhur şair Fərid Hüseynin tərcüməsində - Yeni kitab
10:25 28 Sentyabr 2021
Universitetin dördüncü mərtəbəsindəki it – Yeni hekayə
09:01 28 Sentyabr 2021
"Anam deyir ki, o, ayaqqabılarını çıxarmaq istəyəndə, birinci katib qoymadı" - Səməd Vurğunu belə görməmisiniz - Foto
21:02 27 Sentyabr 2021
Tağıyevin heykəli yaxın günlərdə açılacaq - Rəsmi
18:55 27 Sentyabr 2021
Məşhur ingilis tədqiqatçının Nizami yanlışı – Vilayət Quliyev yazır...
18:20 27 Sentyabr 2021
Yazıçıların qaranlıq həyatı kitab oldu – Yeni nəşr
17:40 27 Sentyabr 2021
Müharibə xəbərinə özünü itirən taksi sürücüsü
16:53 27 Sentyabr 2021