writer1

Sevda Sultanova

Məqalə sayı

860
clock11:43 calendar-gray 10 İyul 2018 view-gray465 dəfə oxunub
view-gray465 dəfə oxunub

Belə adamların ölümü məni sarsıtmır

“Sonuncu ailə” dramı indiyədək gördüyüm ən qaranlıq filmdir. Film real hadisə əsasında çəkilib. Beksinski ailəsinin həyat ritmi yeganə oğulları Tomekin psixoloji sabitliyinə bağlıdır.

Tomek radioda işləyir, musiqi verilişi aparır, tərcüməçi kimi çalışır. Amma ən xırda nəsnə, yaşamaq üçün məna tapa bilməmək onun emosional sabitliyini tez-tez pozur, o, intihara cəhd edir. Anası sağalmaz xəstəliyə tutulanda ata oğlundan xahiş edir: “Anan ölənədək intihar etmə...”

İntihar aktı dünyanın hər yerində baş verir. Bizim toplumda isə bu, az qala kütləviləşib. Hətta vəziyyət o həddədir ki, xəbər lentlərində intihar haqda məlumata rastlaşmayanda yaxşı mənada təəccüblənirsən.

Bir neçə gün öncə dostumuz Cəlil Cavanşirin intihara cəhdini, üstəlik, intihar-tamaşanı ictimai baxışa açıq etməsini qınaya bilmirəm. Cəlili davranışına görə qınayan, onu söyüb təhqir edən adamları da həmçinin. Çünki bizə təklif olunmuş və yaşamalı olduğumuz absurd-psixoz vəziyyətdə hər kəsin əsəbi tətikdədir, xırda bir şeydən qəzəb püskürür. Bunun üçün də hər birinin individual səbəbi var, qapalı sistemdə yaşadığımızdan, praktik tədbirlər görülmədiyindən, mövcud situasiyanı, toplumu araşdıran əsərlər olmadığından, görünməyən həqiqətlər, dərin ünsiyyət böhranı içində yaşayırıq...

Sosial şəbəkələrdə intihara cəhd edən və ya intihar etmiş adamların dost-tanışları vaxtında onlarla maraqlanmadığı üçün qınanılır. Ancaq bir şey də var ki, dünyanın hər yerində intihara meylli olan, intihar etmək üçün doğulmuş Tomek klmi insan tipi yaşayır. Bu tip insanlar intihar üçün ciddi səbəbləri olmasa da, onu hardansa qazıb çıxarmağa çalışırlar, motiv axtarırlar. Təcrübəmdə bir neçə belə adamla rastlaşmışam. Kömək əlimi də uzatmışam, dinləmişəm də, danışmışam da.

Ancaq emosional dayanıqlığı olmayan, hər əhəmiyyətsiz şeyi faciəyə çevirən bu tip insanlar dərin quyudan çıxmaq istəmirlər, sanki qaramatdan qidalanırlar, vampir kimi adamın qanını sorurlar, qarşısındakını mənfi enerjiylə yükləyirlər, nəticədə ona yardım etmək istəyən adamı da depressiyaya salırlar, intihar həddinə çatdırırlar. Onlara hər gün “sevirəm”, “dəyərlisən” desən də özlərinin duyğu sümürücülüyü, sentimental davranışlarıyla zəhlə tökürlər. Ümumiyyətlə, emosiyaları ilə hərəkət edən adamlar təhlükəli olurlar. Ona görə belə adamlardan uzaq gəzirəm. Onların intihar xəbərini eşidəndə də dərin sarsıntı keçirmirəm.

Elə çətin, böhranlı cəmiyyətdə yaşayırıq ki, ümumi depressiyadan, psixozluqdan qurtulmaq üçün hər birimizin sığına, çəkilə biləcəyimiz toxunulmaz ərazisi olmalıdır. Bu peşə də, hobbi də, intellektual və ya fiziki fəaliyyət də, seks də, sevgi də ola bilər. Milsalçün, rəfiqələrimdən biri anasını itirəndən sonra sarsıntıdan xilas üçün çevrəsini az da olsa dəyişdirdi, işindən əlavə toxuculuqla məşğul olmağa başladı.

Tomekin atası, XX əsrin məşhur rəssamlarından biri Zdzislav Beksinski postapokaliptik -ölümü, dəhşəti, ümidsizliyi, bəşəri fəlakətləri təsvir edən bədbin tablolar çəkməkdən həzz alırdı.

Ailənin faciəsi o qənaəti yaradır ki, hər bir insanın fəaliyyəti, enerjisi son nəticədə bumeranq kimi özünə qayıdır.

Ona görə, burada həyat nə qədər çətin olsa da pozitivliyi itirməyin, alternativlər axtarmaqdan ümidinizi üzməyin - ən son imkana qədər, mümkün olanadək...

REKLAM

Yazarın digər yazıları

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021