news-inner
clock12:45 calendar-gray 06 İyun 2018 view-gray301 dəfə oxunub
view-gray301 dəfə oxunub

Yoxluğum qar kimi yağar üstünə - Yeni Şeirlər

Kulis.az Əmir Mustafazadənin şeirlərini təqdim edir.

Ölümdən qorxmuram

Ölümdən qorxmuram, qorxuram birdən

Ölərəm anamı ağlar qoyaram.

Ölümdən qorxmuram, qorxuram birdən,

Atamın qəlbinə dağlar qoyaram.

Ölümdən qorxmuram, qorxuram birdən,

Anam dözə bilməz canına qıyar

Ölümdən qorxmuram, qorxuram birdən,

Qardaşım qardaşa ehtiyac duyar.

Ölümdən qorxmuram, qorxuram birdən,

Bütün xəyallarım məhv olub gedər,

Qorxuram, məzarda, sorğu-sualda

Bütün cavablarım səhv olub gedər.

Ölümdən qorxmuram, qorxuram birdən,

Özümdən sonra bir izim qalmaya,

Qorxuram ölərəm, qırxımdan sonra,

Bir kimsə axtarıb, yada salmaya.

Ölərsən bir az

Bir gün çiyinlərdə bir tabut gedər

Bir cəsəd sevdası yandırar səni

Yoxluğum qar kimi yağar üstünə

Təpədən-dırnağa dondurar səni,

Qalarsan əllərin yanaqlarında,

Axan göz yaşını silib gedərsən,

Ürəyin istəsə açıqdır qapım

Hərdən məzarıma gəlib-gedərsən.

Gəlib baş ucumda durarsan səssiz

Ruhum səni görüb sevinər bəlkə,

Onda nə çəkmişəm bilərsən sənsiz,

Buz kəsmiş ürəyin, isinər bəlkə.

Sonra baş daşımda rəsmimə baxıb,

Xəyala dalarsan, gülərsən bir az.

Məni öldürdüyün azdır əzizim,

Bacarsan özün də ölərsən bir az.

Bəsdir, ilahi

Onsuz da dünya çox soyuqdur Allah,

Bilmirəm bu qışın mənası nədir,

Gör neçə insan var əlləri yalın

Yay axı onlara bir bəhanədir.

Gör neçə insan var evsiz-eşiksiz,

Gör neçə insanın mədəsi bomboş

Gör neçə insanın ümidləri puç,

Gör neçə insanın dərdləri sərxoş.

Gör neçə atanın boynu bükülüb,

Gör neçə anada taqət qalmayıb,

Gəl bu il bu qışı yox et nə olar,

Ata körpəsinə paltar almayıb.

Mən qəbul etmirəm bu haqsızlığı,

Bilmirəm bildiyin nədir, ilahi,

Bu qədər dərd vermə bəndələrinə,

Daha kifayətdir, bəsdir, ilahi...

news-inner-user

18100 məqalə

Oxşar xəbərlər

Xəbər lenti

Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021
Ona qarşı “vnimatelni” olmadılar - Yaşar Nurinin fəxri ada həsrət qalan atası - Maraqlı faktlar
12:30 05 Mart 2021
Nənəsi şal örtən, qızı şort geyinən dostum – Şərif Ağayar yazır...
11:44 05 Mart 2021
Lal deyil, amma ömrü boyu danışmır...
11:01 05 Mart 2021
Berlin Film Festivalında Azərbaycan düzəlişi
10:14 05 Mart 2021
Erməni generalını boğan şəhid haqqında roman - İlk hissə
09:00 05 Mart 2021
Acından kirpikləri tökülən, evlənməkdən qorxan, mənzilində yiyəsiz ölən Əməkdar artist
21:00 04 Mart 2021
O, ölümə qaçdığının fərqində deyildi – Cavanşir Yusifli yazır…
18:11 04 Mart 2021
İsa peyğəmbər öldürülməyib: Bunu Quran da təsdiq edir
17:34 04 Mart 2021
Xalça Muzeyi fəaliyyətini dayandırır
16:47 04 Mart 2021
Milli Dram Teatrının mart repertuarı
16:08 04 Mart 2021
Tağıyevin gənc arvadının soyadını götürdü, Nağıyev evini əlindən aldı, bığını qırxdığı üçün nəsli ilə düşmən oldu - Ərəblinskini kim güllələyib?
15:02 04 Mart 2021
Cavanşir Məmmədovun çırtması, pampersli quzu
13:10 04 Mart 2021
"Neftlix"dən yenilik - Smartfonlar üçün əlavə
12:17 04 Mart 2021
Məşhur verilişin dəhşətli yalanı: Müxbirimiz aparıcı qıza necə vuruldu? – Studiyadan Reportaj
11:33 04 Mart 2021
"Şair ağacın altında durub..." - İmtahan mərkəzinə bizdən sual
10:49 04 Mart 2021
Şəhid Cəbrayıl Dövlətzadədən roman yazıldı – Sabahdan Kulisdə
10:18 04 Mart 2021
Ssenari müsabiqəsinin siyahısı açıqlandı
09:45 04 Mart 2021