writer1

Akif Əli

Məqalə sayı

4
clock11:26 calendar-gray 05 İyun 2018 view-gray513 dəfə oxunub
view-gray513 dəfə oxunub

Söyüşə məhəl qoymayan peyğəmbər

Kulis.az Akif Əlinin yeni yazdığı iki rəvayətitəqdim edir.

İSGƏNDƏRLƏR

Gəlimli-gedimli dünya... Bir yandan boşalan, bir yandan dolan dünya...

Bəli, Süleymana qalmayan bu fani dünya İsgəndərə də qalmadı. Günlərin bir günü çox padşahlar yıxıb ölkələr alan, çox cəngə çıxıb qələbələr qazanan, çox xəzinələr tutub sərvətlər toplayan fatehlər fatehi Makedoniyalı İsgəndər Zülqərneyn də bu dünyadan köçməli olur.

Və bütün analar kimi onun anası da bala itkisinə dözməyib nalə çəkir, ağlayır, sızlayır...

Köç üstündə olan İsgəndər anasının bu qədər ah-zar eləməsinə dözmür, deyir:

“Sən bir belə kədərlənmə, ana. Mən gedər-gəlməzə ha yollanmıram, mən dirilik suyu ardınca gedirəm... Sən məni bir qaranlıq mağarada müvəqqəti itirəcəksən. Ancaq aradan qırx gün qırx gecə keçəndən sonra gələrsən həmən mağaranın ağzına. Üç dəfə ucadan çağırarsan məni, hay verəcəm sənə, ana, görəcəksən… Dirilik suyunu tapıb da qayıdacam işıqlı dünyaya. Sən ki mənim qüdrətimə bələdsən!”

Bundan sonra ana çar-naçar bir qədər toxtayır və İsgəndər Zülqərneyn sağollaşıb qaranlıq mağarada gözdən itir.

Qırx gün, qırx gecə nədi, balası bircə gün belə itən hansı ana vədlərə inanıb təsəlli tapar ki?! İsgəndərin anası da bütün analar kimi... Zülmlə, sitəmlə deyilən vaxtacan birtəhər dözdü, vədə tamam olanda durub gəldi həmən mağaranın ağzına. Başladı çağırmağa:

- Ay İsgəndər!

Lakin mağaradan səs gəlmədi.

Ana bir də çağırdı:

- Ay İsgəndər!!

Yenə mağaradan hay verən olmadı.

Dərd içində üzülən halsız ana üçüncü dəfə özünü toparlayıb var gücü ilə çağırdı:

- Ay İsgəndər!!!

Heyhat! Qaranlıq mağara lal sükutunu pozmur, vahimə saçan zülmət dünyadan səs-səmir gəlmirdi.

Ananın ürəyi əsdi, kövrəldi, ağlamsındı, yaylığının ucu ilə göz yaşlarını silə-silə dərindən köksünü ötürüb həyəcan içində - “Sən axı mənə söz vermişdin, ay oğul?!” – pıçıldadı. Və bir daha oğlunu ucadan səslədi:

- Hardasan, ay İsgəndər Zülqərneyn!!!!

Bu zaman vahiməli mağara lərzəyə gəldi, dağ-daş titrədi, ətrafdakı qos-qoca ağaclar yerindən oynadı, səssizlik yarıldı və zülmət qaranlığın dərinliyindən əzəmətli bir səs eşidildi:

- Sənsən, ana?!

- Mənəm, mənəm, anan qurban!

- Hə... Nə yaxşı məni Zülqərneyn deyib çağırdın, ay ana. – İsgəndərin aram, ahəstə səsi qeybdən əks-səda verə-verə qaranlıq dünyadan işıqlı yer üzünə yayıldı. - Biz burda səni eşidirdik, ana… Ancaq o dünyadan bu dünyaya o qədər İsgəndərlər köçüb gəlib ki, bilmirdik hansımızı çağırırlar.

Bu da belə.

PEYĞƏMBƏRİN CAVABI

Belə rəvayət edirlər ki, Tanrının Elçisi hər gün eyni vaxtda eyni bir məhəllədən keçib ibadətə gedərmiş. Və hər dəfə O, həmin məhlədən keçib gedəndə cahillər Ona söz atıb dininə lağ edərlərmiş, peyğəmbərliyini ələ salıb gülərlərmiş, hətta uşaqları bu müqəddəs insanı daşa basarlarmış…

Peyğəmbər isə heç vaxt onlara məhəl qoymaz, yanındakılara da cavab qaytarmağa izn verməz, sus-pus başını aşağı salıb öz yolu ilə Tanrının evinə ibadətə gedərmiş.

Bir belə, beş belə, axır bir gün Peyğəmbəri sevən möminlərdən biri dözmür, deyir, ya Peyğəmbər, sən bu avam, cahil adamlara niyə dinmirsən? Niyə qayıdıb onların cavabını vermirsən? Niyə o söyüşlərin müqabilində yalnız susursan?

Peyğəmbər həmən mömin bəndəyə üzünü tutub deyir:

“Övladım, mən hər cahil adamla ağız-ağıza versəm və hər yetənə cavab qaytarsam, onda Tanrıma layiq olmaram ki?! Olaram həmən nadanların tayı…”

Mömin yenə qayıdır ki, axı nə qədər dözmək olar? Siz səbr göstərib məhəl qoymursunuz, onlarsa cahillik edib söyüşdən, küfrdən doymurlar. Siz müdriklik edib onlara baş qoşmursunuz, insanlıq edib onların təhqirinə təhqirlə cavab vermirsiniz, ədəb-ərkan göstərib onların söyüşünü özlərinə qaytarmırsınız, onlarsa əl çəkmək bilmirlər...

Peyğəmbər diqqətlə dinləyib yenə dərin düşüncələr içərisində deyir:

“Bax, övladım, əgər o daş atan, o söyüş söyən nadanlar pis əməllərindən əl çəkmirlərsə, mən niyə öz yaxşı əməlimdən əl çəkib cahillərə baş qoşmalıyam, dilimə nalayiq söz gətirib ədəb-ərkanımı pozmalıyam?! Səbr elə, Tanrı böyükdür!”

REKLAM

Yazarın digər yazıları

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021