writer1

Elmin Həsənli

Məqalə sayı

24
clock14:35 calendar-gray 13 Avqust 2012 view-gray1688 dəfə oxunub
view-gray1688 dəfə oxunub

Kitab oxuyan yoxdur, yoxsa yazan?

İndi kimi görürsən camaatın kitab oxumamağından şikayətlənir.

Yaşlı adamlar deyir: “Bizim vaxtımızda belə deyildi. Kitablar yüz min tirajla çıxırdı. Əldən - ələ gəzirdi. İndiki cavanlar kitab oxumurlar. İndiki cavanların zayı çıxıb”. Falan-filan.

Boş söhbətdir. “İndiki cavanlar”dan şikayət edənlərin özləri kitab oxuyanlara həm də lağ edirlər. Özləri də kitab oxumurlar. Kitab oxuyanda qayıdıb ironiya ilə deyirlər: “Alim çıxmısan?”

Sovet vaxtı çox kitab oxunması heç də o zamanlar insanların daha savadlı, kitaba daha çox meylli olması ilə bağlı deyildi. Sadəcə başqa məşğuliyyət yox idi. Cəmi bir kanal vardı, orda da ancaq boz proqramlar gedirdi. Kompüter, internet yox. Ən əsası Facebook yox. Mobil telefon yox. Adamlar əyləncəni ancaq kitablarda tapırdılar. Özü də böyük çoxluq dünya ədəbiyyatının, eləcə də Azərbaycan ədəbiyyatının şedevrlərini deyil, ucuz, yüngül kitabları oxuyurdular. Əgər 30-40 il qabaq çoxlu kanallar üstəgəl çoxlu seriallar olsaydı, bir nəfər kitab üzün açmazdı.

Bir də kitab yazanların özləri şikayət edirlər: “Kitab yazırıq, oxuyan yoxdur. Kitablarımız satılmır. Boş yerə yazırıq. Bu millətə xeyri yoxdur”.

Adama deyərlər ki, sənə deyən olmuşdu kitab yaz. Bəlkə bu millət səndən kitab yazmağın üçün yazılı xahiş etmişdi? Camaat gecə-gündüz qapında növbəyə dayanmışdı:

“Qurban olarıq sənə. Oxumağa kitab yoxdur. Səndən xahiş edirik, yalvarırıq, bir kitab yaz”

Sən də bir az naz eləmişdin. Demişdin vaxtım yoxdur. Sonra ürəyin dözməmişdi. Götürüb bir kitab yazmışdın.

Bir dəqiqə ayaq saxla. Özün də bilirsən ki, son dövrlərdə Azərbaycanda kitaba olan maraq bir xeyli artıb.

Necə olur ki, hamı, məsələn, “Çərpələng uçuran”ın yaxşı roman olmağından danışır, amma sənin kitabının adını çəkən yoxdur.

Cavabını bilmirsənsə, mən deyim: “Çərpələng uçuran” yaxşı romandır, sənin əsərin isə bir qəpiklik deyil”.

Bunu etiraf etmədikcə balaca adamsan.

Sən həyatın başqa sahələrində uğur qazana bilmədiyin üçün özünü vermisən ədəbiyyata. Arada dahiyanə pozalar da verirsən. Facebookda 5-6 oxucun var. Yazdıqlarını like edirlər. Sonra da şikayət edirsən ki, kitab oxuyan yoxdur.

“Kitab oxuyan yoxdur” deyən yazarlar çoxdur.

Amma biri çıxıb etiraf edə bilmir: “Deyəsən kitab yazmağı bacaranlar yoxdur. Elə mən də onlardan biri. Yazdığım bir qəpiklik deyil”.
REKLAM

Yazarın digər yazıları

Xəbər lenti

Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020