news-inner
clock12:10 calendar-gray 04 Aprel 2018 view-gray118 dəfə oxunub
view-gray118 dəfə oxunub

Çarli Çaplin, Çe Gevara, Merlin Manro – Onları belə görməmisiniz

Kulis.az Mirmehdi Ağaoğlunun “Gənc rəssamların sərgisi” yazısını təqdim edir.

Dünən İçərişəhərdə yeni açılmış “Caharşah” adlı yaradıcılıq mərkəzində olduq. Mərkəzin açılması münasibəti ilə sərgi də vardı. Yeni açılan yaradıcılıq mərkəzindən xəbər tutmağımızın və oranı ziyarət etməyimizin səbəbi sadədən sadə idi. Dostumuz Ayxan Ayvazın bacısı, gənc rəssam Gülbəs Ayvazın da işləri sərgilənəcəkdi. Elə bu niyyətlə də dedik ki, ora bir baş çəkək.

Əvvəlcə “Caharaşah” yaradıcılıq mərkəzi haqqında: İçərişəhərdə, Müslüm Maqomayev 101/103 ünvanında yerləşən bu məkan Rəssamlıq Akademiyasını yeni bitirmiş rəssamlar tərəfindən açılıb. Gənc rəssamlar qərara alıblar ki, pərakəndə şəkildə çalışmaqdansa bir emalatxana götürsünlər, həm emalatxanası olmayan rəssamlar üçün çalışmağa yer olsun, həm də yaradılan əsərlər elə ordaca təşkil olunan sərgidə nümayiş olunsun.

Aprelin 7-ə qədər davam edəcək sərgidə gənc rəssamlar Kəmalə Məmmədova, Cahid Cavadov, Leyla İbrahimova, Dilbər Zakirli, Vəfa Şükürova və Gülbəs Ayvazın işləri sərgilənirdi. Siz burada güzgü üzərində işlənmiş rəsmlərlə yanaşı, ağac parçası üzərində işləmələr, taxtadan hazırlanmış mücrü və müxtəlif qablar, qobelenlər, fırça və butulkadan hazırlanmış eksperimental eksponatlar da görə bilərsiniz.

Gənc rəssamların ilk addımdaca ənənəvi üslubdan qaçıb eksperimentlərə can atmaları alqışlanası haldır. Xüsusən güzgü üzərində yağlı boya ilə Qustav Klimtin “Öpüş” əsərinin, Van Qoqun avtoportretinin, Çarli Çaplin, Çe Gevara, Merlin Manro, Salvador Dali və başqa populyar simaların əksi, fırçadan (kukla obrazına bürünmüş fırçalardil açıb danışmaq istəyirlər) hazırlanmış müxtəlif kompozisiyalar özlərinin qeyri-adiliyi ilə dərhal diqqəti cəlb edirlər.

Sərgi vaxtı hələ püxtələşməmiş, bir az naşı işlər də qabağınıza çıxa bilər. Xüsusən ağac üzərində işlərdə gənc rəssamın ürkəkliyinin izlərini hiss etmək olar. Ancaq tamaşaçıları bu soyutmasın. Bütövlükdə belə bir sənət mərkəzinin yaradılması və bu cür çətin yükü yenicə məzun olmuş gənc rəssamların öz çiyinlərinə götürmələri alqışlanası haldır. Elə hesab edirəm ki, hər bir sənətsevər gənc rəssamların bu cəsarətinə dəstək olmaq üçün “Caharşah” yaradıcılıq mərkəzinə baş çəkməlidir.

Kim istəyirsə sərgidə nümayiş olunan işlərdən əldə edə bilər. Qiymətlər? Hə, bax bu barədə “Caharşahın”ın təşkilatçılarına iradımı gərək bildirəm.

Sənət adamı öz işini nə qədər ideallaşdırsa da onu istifadəçiyə təqdim edən zaman gərək öz sayıqlığını itirməsin. Dramaturqun pyesi səhnəyə qoyulanda, rəssamın çəkdiyi əsəri sərgidə nümayiş etdiriləndə, yazıçının yazdığı kitab vitrinə düzüləndəartıq sənət əsəri olmaqdan əlavə həm də bir əmtəə statusu qazanır. Bu zaman biletin də, tablonun da, kitabın da qiyməti mövcud iqtisadi şərtlərə cavab verməlidir. Bəli, sən bir sənət adamı kimi öz məhsulunu ortaya çıxarmaq üçün yuxusuz gecələr keçirə bilərsən, müəyyən məhrumiyyətlər yaşaya bilərsən, ancaq bu sənə əsas vermir ki, həmin yuxusuz gecələrin, məhrumiyyətlərin, ağır zəhmətin faturasını da alıcıya kəsəsən.

Sənət məhsullarına qoyulan qiymət münasib olmalıdır ki, aktyorun tamaşasına getsinlər, rəssamın tablosunu alsınlar, yazarın kitabını oxusunlar. Təəssüf ki, bizdə çox vaxt bu prinsiplər pozulur, yəqin sənət marketinqi sahəsində təcrübəmizin olmaması ilə əlaqədardır, zamanla öyrənərik.

Bu baxımdan düşünürəm ki, rəssam dostlarımız qiymət məsələsində reallıqdan bir qədər uzaq davranıblar. Yəqin gələn sərgilərdə bu qüsur da aradan qalxar. Davamlı olsun!

news-inner-user
Mirmehdi Ağaoğlu

537 məqalə

Paylaş

Oxşar xəbərlər

Xəbər lenti

Ölənlərin səsləri həmişə mənimlədir... - Borxesin şeirləri
16:41 24 Avqust 2019
Elyanora
16:36 24 Avqust 2019
“Koroğlu” operası tamaşaçılara təqdim olunacaq
15:51 24 Avqust 2019
“Dejavü” növbəti dəfə nümayiş ediləcək
14:25 24 Avqust 2019
Öldürmək istədiyim hamilə qadın - Əyyub Qiyasdan əfsanə
13:29 24 Avqust 2019
Məşhur italiyalı aktyor vəfat edib
12:41 24 Avqust 2019
Şairə xanım Firudin Qurbansoya səsləndi: "İnsanların haqqına girməkdən qorxun!"
11:38 24 Avqust 2019
"Mama, nolar ölmə"
10:44 24 Avqust 2019
Ceyms Bond haqqında yeni film sonuncu ola bilər
10:04 24 Avqust 2019
İran qadınlarının həyatı: fahişədən general arvadınadək
09:01 24 Avqust 2019
“Doktor Jivaqo” hədsiz zəif əsərdir” – Brodskinin qeyri-adi müsahibəsi
21:01 23 Avqust 2019
Onlar 2019-da hamıdan çox qazandılar - Siyahı
19:00 23 Avqust 2019
Nəsiminin 650 illik yubileyinə həsr olunan xatirə pulu buraxılıb
18:24 23 Avqust 2019
Mirzə Cəlilin son cümlələri... - Mehman Qaraxanoğlu yazır
17:29 23 Avqust 2019
“İt gəzdirən xanım” tamaşası yenidən nümayiş olunacaq
16:37 23 Avqust 2019
Tələbəsinə aşiq olan, 20 Yanvarda adamları ölümdən qurtaran aktyor – Maraqlı faktlar
15:45 23 Avqust 2019
Oğru adlandırılan şair danışdı: “Olur belə şeylər"
15:07 23 Avqust 2019
Yaqub Zurufçu: “Ququşun “Ayrılıq" mahnısı seksual səslənir” – Müsahibə
14:58 23 Avqust 2019
İlqar Əlfioğlu yeni verilişdə - Anons
14:20 23 Avqust 2019
Şəhriyar Del Gerani: “Firudin Qurbansoy falıma baxdı...”
13:30 23 Avqust 2019