Nə mən səni sevdim, nə də sən məni

Nə mən səni sevdim, nə də sən məni
19 fevral 2018
# 15:18

Nilufər Lətif

Nə mən səni sevdim, nə də sən məni

Yalandan aldatdıq bir-birimizi

Danışdıq-gülüşdük dilə nə var ki

Aldada bilmədik ürəyimizi

Yandıq biz ocaqda yaş odun kimi

Tüstümüz qovruldu öz içimizdə

Alovsuz yananlar kömürtək qalar

Yandıq kömürümüz qaldı bizimdə

Ayrıldıq əfsus ki gec oldu fəqət

Biz gərək əvvəldən birləşməyəydik

Ömürlük yaşamaq zarafat deyil

Yoldaş olanda biz tələsməyəydik.

Kömürü yenidən yandırmaq olar

Birdə yansaq dönüb kül olacağıq

Ancaq o da var ki ikinci kərə

Yansaq da alovsuz biz yanacağıq

# 1180 dəfə oxunub

Oxşar xəbərlər

# # #