writer1

Fəridə Zero

Məqalə sayı

5
clock11:40 calendar-gray 16 Fevral 2018 view-gray315 dəfə oxunub
view-gray315 dəfə oxunub

Bağışla məni, ata

Kulis.az Fəridə Uğurun “Biləcəridən dünyaya boylanmaq əzabı...” essesini təqdim edir.

Zaman ötüb keçmir – ötüb keçən insanlardır.

Zaman tunelinin içiylə, ya da zaman çevrəsinin halqası boyu sırayla, ar-arda, bir-birimizin iziylə addımlayırıq sadəcə. O itmir, o getmir, o keçmir, dayanıb ağuşuna alır bizi, gəzdirir, göstərir, yaşadır, öldürür...

Bizdən min il öncə burdan keçmişlərin ilk ləpirlərinə düşür bəlkə də elə məzarımız. Bəlkə elə buna görə tanışdır hər şey bu qədər? Buna görə köhnədir, yaşanmışdır, geyilmişdir, deyilmişdir... nə sevgimiz ilk deyil, nə əsəbimiz, nə sevincimiz, nə də ağrılarımız necə olsa.

Məni ən çox ilk dəfə suyu içən, ilk dəfə ağlayan, ilk dəfə ağrıyan, ilk dəfə “sevirəm” deyən insan haqda düşünmək yorur.

***

Mal damımızın, köhnə talvarımızın dirəklərində qaranquş yuvaları olurdu həmişə. Yaz gələn kimi gəlib doluşurdular yuvalara. Elə bir-iki həftəyə də yuvadan yavru səsləri eşidilirdi. Hərdənbir görürdün ki, bir bala düşüb yuvadan yerə. Elə cikkildəyir, elə fəryad qoparırdı ki. Kim görsə o saat götürüb yuvaya qaytarırdı. Mən onları görəndə əziyyət çəkirdim həmişə. Bilmirdim neyləyim. Bəlkə də yuvadan uzaqlaşmaq istədiyi üçün atıb özünü yerə, bəlkə də təsadüfən, səhvən düşməyib, istəyib deyə burdadır deyə...

Bildiyin, ya da bilmədiyin yox, anlamağa çalışdığın şeylər incidir ən çox.

***

Bağışla məni, ata.

Özümü yuvadan başı üstə aşağı atdığım üçün bağışla. Ağrımağa, inciməyə, əzab çəkməyə razı olduğum, hazır olduğum üçün bağışla. İstəmədiyim şeylər üçün yox, istədiyim şeylər üçün bağışla. Qorxmadığım üçün... (Bilirsən, əslində mən də qorxuram hərdən. Qorxuram ki, o filmdə dedikləri kimi “Xəyallarımdakı qədər mavi olmaya da bilər Pasifik”)

***

Şərq qadının ən yaxşı bacardığı şey (bəlkə də yeganə bacarığı) fədakarlıqdır. Ən pisi budur ki, bəzən bunu məcbur olmadan, sırf istədiyi üçün də edir. İlahi, necə də təkrardır hər şey – nənəmin yarıda qoyduqlarını anam... anamdan qalan ömrü mən... məndən sonra da...

Bu yaşlı və paslı zəncirin bir halqası olmaq?

Bağışla, öz yerimi boş qoyduğum üçün bağışla.

Görmək, tanımaq, eşitmək, oxumaq, yazmaq, bilmək, anlamaq, tanımaq istədiklərim üçün bağışla.

Biləcəridən dünyaya boylanmaq ağrılı işdir, ata !

Paylaş

REKLAM

Yazarın digər yazıları

Xəbər lenti

Bomj - Xalid Kazımlının hekayəsi
21:00 12 Noyabr 2019
"Ustad" dərgisinin 31-ci sayı nəşr olundu
20:11 12 Noyabr 2019
Bakıda müasir incəsənət biennalesi keçiriləcək
19:28 12 Noyabr 2019
Jerar Depardye Özbəkistanın səfiri təyin edilib
19:21 12 Noyabr 2019
Bakı Dövlət Sirki köçürüləcək
18:45 12 Noyabr 2019
Azərbaycanlılardan bəhs edən film Türkiyədə qətliam yaratdı
18:12 12 Noyabr 2019
Seymur Baycanın hekayəsi fransız dilində - Foto
17:40 12 Noyabr 2019
Kəramət Böyükçöl: "Deputat olmaq üçün küçədə kitab satıram" - Fotolar
17:03 12 Noyabr 2019
Ankarada azərbaycanlı yazarın kitabı təqdim edildi
16:15 12 Noyabr 2019
Müğənni Vəfa Şərifovanı aşağılamaq cəhdi – Sevda Sultanova “Günün yarısı” verilişindən yazır
15:41 12 Noyabr 2019
Azərbaycanlı kinotənqidçi "Leyla ile Mecnun"un rejissorunu danışdırdı - Video
15:20 12 Noyabr 2019
"Oskar"a namizədlər açıqlandı
15:00 12 Noyabr 2019
Zahid Sarıtorpaqdan yeni roman
14:30 12 Noyabr 2019
Mahsun Kırmızıgülün bu hərəkəti alqışlandı
14:02 12 Noyabr 2019
Təcavüzdə suçlanan müğənni istefa verdi
13:21 12 Noyabr 2019
Məşhur rejissorun yeni filmi təqdim edildi
12:50 12 Noyabr 2019
13 yaşlı məşhur aktrisa qəflətən öldü
12:20 12 Noyabr 2019
Azərbaycanlı yazarlar bu maraqlı aksiyaya qoşuldular - Fotolar
11:41 12 Noyabr 2019
Müslüm Maqomayevin həyat yoldaşı xəstəxanaya yerləşdirildi
11:14 12 Noyabr 2019
Elzanın yeni şeiri aləmə səs saldı - Mətn
11:01 12 Noyabr 2019