writer1

Şərif Ağayar

Məqalə sayı

550
clock11:11 calendar-gray 14 Fevral 2018 view-gray339 dəfə oxunub
view-gray339 dəfə oxunub

Bu azərbaycanlılar hamımızı bezdirib

Kulis.az Şərif Ağayarın "Üç unikal milli xarakter" yazısını təqdim edir.

1. Dayanacaq işçisi

Maşınımı “İnşaatçılar” metrosunun yanındakı dayanacaqda vurdular. Mağazaya girib-çıxdım ki, qabaq bufer sağ tərəfdən sallanır və üstündəki “pavarotnik” qırılıb.

Dayanacaqda işləyən cavan oğlan üzümə dirəndi ki, maşını bura bu cür gətirmisən. Qaldım mat-məəttəl. Neyləyəsən? Yaxalaşası deyilsən ki?! Maşın belə gəlib, vəssalam! Get, əlindən nə gəlir, elə.

102-ni aradım. Dedilər, müvafiq Yol Polisi Şöbəsinə ərizə ilə müraciət etməlisən. Dedim, xub!

2. Yol polisi

Məni yönəltdikləri otaqda salamlaşıb ərzi-halımı bildirdiyim adam gülümsündü: “Səhərin gözü açılmamış durub gəlmisən. Heç saat 9 deyil.”

Mən: “Saat 10-a iyirmi dəqiqə işləyir.”

O: “Bizdə qızlar saat 10-da gəlirlər. Sən belə elə. Maşının vurulan yerini çək, elə çək ki, nömrə də düşsün, sonra apar, “İnşaatçılar” tərəfdə çap etdir, maşının sənədlərini də kopyala, gətir”.

Duruxub səsini qaldırdı: “Hə, bir də ərazidəki kameraların nömrəsini yaz. Baxsan görəcəksən. “Tş” ilə başlayır, sonra rəqəm yazılır.”

Mən: “Axı bildiyim qədərilə, qəza yerində müayinə siz aparmalısınız.”

O: “Sən mən deyənləri et, qalanı bizlikdir.”

Çıxıram və işə gəlirəm. Düşünürəm, 100-150 manatdan ötrü bu qədər vaxt itirib işdən-gücdən olmayım. Özüm ustaya gedim, maşının qırılan yerlərini düzəltdirim.

3. Maşın ustası

Razılaşırıq. Pulun da bir hissəsini əvvəldən verirəm. Deyir, üç günə hazırdır. Deyirəm, tələsmə, həftənin sonunacan vaxtın var, amma mümkünsə şənbə günü tezdən hazır olsun. Mütləq! Çox inamla söyləyir.

Beşinci gün zəng vururam. Deyir, iş qurtarıb, amma boya sexində işləyənlər bu gün gəlməyib. Sabah axşama hazır olar. Telefonda gileylənirəm. Bir saatdan sonra zəng vurur ki, sizə görə gedib çağırdım adamı, bufer sabaha hazırdır.

Şənbə günü gedirəm. Bufer ala-buladır. Köhnə yerlər eləcə qalıb. Yalnız qırılan yeri rəngləyib. Səhv başa düşübmüş. Problem deyil. Tezliklə işi başa gətirib qurtarar.

Bir həftə keçir. Dünən tezdən gedirəm. İş qurtarmaq üzrədir. Amma hələ tam qurtarmayıb. Bitirən kimi özü mənə zəng vuracaq.

Hələ də gözləyirəm.

Həyat gözəldir.

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021