writer1

Sevinc Elsevər

Məqalə sayı

107
clock10:14 calendar-gray 24 Yanvar 2018 view-gray470 dəfə oxunub
view-gray470 dəfə oxunub

Rafiq Tağıyla Ayxan Ayvazın səhvi

Mənim kiçik qardaşım Ayxan, M. Ə. Sabir haqqında yazdığın yazını oxudum, gördüm ki, camaat sənə bərk əsəbiləşib. Amma mən sənə əsəbiləşmədim. Çünki son abzaslardan birində yazırsan: “Bəlkə mən haqsızam!” Yəni, öz danışdıqlarına özünün də şübhən var. Şübhə etməkdə də haqlısan, bəli.

M.Ə.Sabir o zamanlarda yaşayırdı ki, gözünü dünyaya açmamış qız uşaqlarını Məşədi İbadlara ərə verirdilər. Yox, ərə vermirdilər, ataları pulla satırdı o qızları. Qız uşaqlarının məktəbə getməyindən danışmaq belə mümkün deyildi. Oğlan uşaqlarını məktəbdən gizləyirdilər.

O uzaq cəhalət dövrünü təsvir etməkdə acizəm. İstedadım çatmır. Sabirin yazdıqlarını biz Mirzə Cəlilin, Haqverdiyevin, Üzeyir Hacıbəyovun, Çəmənzəminlinin də əsərlərində oxumuşuq. Tək Sabir yazsa, deyərdik ki, kişinin millətlə düşmənçiliyi varmış, erməni dəyirmanına su tökürmüş, yazırmış. Tək Sabir yazmayıb axı bu həqiqətləri.

Gələk Rafiq Tağının Sabirə münasibətinə. Hansı ki, sən də saman çöpü kimi bu köhnə söhbətdən yapışmısan. Rafiq Tağı sağ olsaydı, özü qayıdıb sənə cavab verərdi ki, Sabir haqlı imiş.

Rafiq Tağı da son 30 ilin Sabiridir. Götür oxu Rafiq bəyin hekayələrini. Ölümcül ironiya hədəfinə çevirir öz azərbaycanlı qəhrəmanlarını. Rafiq Tağının yumor hissi güclüdür. Həmin yumor hissi Rafiq Tağını aqressiyadan xilas edir. Amma hekayələrində Rafiq Tağı belədir. Publisistikada Sabirin qələmindən də odlu-alovlu, yaxıb-yandırandı, adamın tən ortasından dəlib keçəndi.

Rafiq Tağı tez-tez millət haqqında yaxşı düşünmək istəyirdi. Bəli! Ümidli olmaq istəyirdi. Əjdər Olun Rafiq Tağı haqqında yazdığı portret hekayədə maraqlı dialoq var. Rafiq Tağıya deyirlər ki, ehtiyatlı ol, o cür odlu-alovlu yazılar yazma, səni öldürərlər. Rafiq Tağı bu sözlərə gülür və cavabında deyir: “Sən elə danışırsan, elə bil biz yamyamlar ölkəsində yaşayırıq!”

Rafiq Tağı yamyamlar ölkəsində yaşamadığından arxayın idi. Amma Sabir arxayın ola bilmirdi. O, deyirdi: “Cin görürəm, şeytan görürəm, qorxmuram. Harda müsəlman görürəm qorxuram!”

Təəssüf, zaman sübut elədi ki, Sabir daha haqlı imiş.

Mən də Rafiq Tağı kimi kiminsə bütləşdirilməsi əleyhinəyəm. Rafiq Tağının özünün də bütləşdirilməsi əleyhinəyəm. Sabiri bütləşdirmək fikrim də yoxdur. Sabirin mənim müdafiəmə ehtiyacı da yoxdur. Sənin, mənim, onun, bunun tənqidlərindən də Sabirə heç nə olan deyil. Onun qiymətini zaman, tarix, nəhayət, onu xəstə yatağında acından öldürən xalq özü vermişdir.

Biz bu yüz ildə nə qazandıqsa, Sabirlərin, Mirzə Cəlillərin, Üzeyir Hacıbəyovların sayəsində qazanmadıqmı? Onların tənqidlərindən nəticə çıxarmadıqmı? Bu gün mənim ölkəmin gözəl insanları 9 yaşlı qızın ərə verilməsinə yaxşımı baxmır? Qız uşaqlarını məktəbə göndərmirmi? Falçıya, caduya, pirə gedilirmi ötən əsrin əvvəllərindəki kimi? Şeyx Nəsrullahlara inanırmı bu millət? Məşədi İbadlara qızlarını satırmı? Təəssüf ki, var, bunları eləyən adamlar da var. Amma azdı onlar. Daha da azalacaq! Yox olacaqlar! Bunda Rafiq Tağının da, sənin də əməyin olacaq! Bu işi başladan, bizi bu günlərə gətirən, yolumuzda işıq olub yanan o adamların xatirəsinə hörmət edək amma!

REKLAM

Yazarın digər yazıları

Xəbər lenti

“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021