writer1

Şəhriyar del Gerani

Məqalə sayı

67
clock19:38 calendar-gray 09 Yanvar 2018 view-gray576 dəfə oxunub
view-gray576 dəfə oxunub

Mən niyə elə status yazdım?

Deməli belə. Dün gecə rastlaşdığım bir olayı şəxsi feysbuk hesabımdan nəql etdim. Məqsəd – diqqəti cəmiyyətin ağrıyan tərəfinə cəlb etmək idi. Şair demiş, cəmiyyət bir orqanizmdirsə, aydının işi cəmiyyətin ağrıyan yerinə basmaqdır, ağrını müalicə etmək isə həkimin, belə demək mümkünsə, güc strukturlarının işidir. Ol səbəbdən ilanvari təhkiyəmi işə saldım. Şükür, bədii fəndlər anbarım zəngindir.


Statusu olduğu kimi təqdim edirəm:


“Təxminən 15 dəqiqə öncə "Favorit" marketin ət və süd məhsulları bölməsindəki satıcıdan kolbasa istədim. Dedim, "Zəhmət olmasa mənə Rusiya istehsalı kolbasa verin". Dedi, "Məsləhətli Minbərəkət və Hacıturqay kolbasaları da varımızdı". Dedim, "Oğlum, mənə haram kolbasa lazımdır, cılxa haram - tərkibində donuz piyi olan kolbasa". Dedi, "Müəllim, mən sadəcə məsləhət elədim". Düzü, bir xeyli acığıma gəldi nadan satıcının bu hərəkəti. Yəni adicə alış-veriş edərkən də belə bambılı mövzulara vaxt itirmək nəyə lazım axı? Buna ömür yetər mi? Hər nadanla 5 dəqiqə mübahisə etsən, gör hara vurur? Niyə bu məmləkətdə hərə bir molla olub keçib təpəmizə axı? Dedim, "Ay oğul, sən kimsən mənə məsləhət edəsən? Bu nə qeyri-mədəni davranışdır? Sizə etika öyrətmirlər mi işə götürəndə?" Qayıtdı ki, "Mədəniyyətsiz özünsən, mən səni halala dəvət edirəm!" Cahil vətəndaşla qəti şəkildə dioloqa getmədən dərhal müdirini çağırdım. Dərhal. Son dərəcə dərhal. Özümü təqdim etdim, kameranın yaddaşından video yazısını izlətdirdim və mədəniyyətsiz halalxor isatıcını işdən rədd etdirdim. Mübarək bir rədd oldu düzü. Həddən ziyadə məmnun halda 200 qram donuz piyli kolbasa və xiyar turşusu götürüb evə döndüm. Həri, əzize-mənlər, aydın cəmiyyətlər belə qurulur. Gec-tez hər kəs başa düşməlidir. Ki, ibadət, namaz, ümumiyyətlə bütün dini ayinlər Allahla-bəndə arasındakı intim-ruhani davranışlardır. Bunların heç birinin digər nəfərə əl-qətiyyən vəl-əşədənbillah dəxli yox. Hələ-hələ marketdə kolbasa alan müştəriyə heç dəxli yox. Necə deyərlər, "Sözün sağlığına!" (gülüş smayliki)


Sual: Statusda yazılanlar hara qədər realdır, hardan sonra ictimai-sosial-bədii priyom?

Cavab: “…Cahil vətəndaşla qəti şəkildə dioloqa getmədən dərhal müdirini çağırdım”. Bu cümlənin yarısına qədər real hadisədir, necə deyərlər, söhbətimizi copy-past etmişəm. Di gəl, müdiri çağırmamışam. Sadəcə cahil satıcıyla dioloqa getmədən marketi tərk etmişəm. Yəni “…dərhal müdirini çağırdım. Dərhal. Son dərəcə dərhal. Özümü təqdim etdim, kameranın yaddaşından video yazısını izlətdirdim və mədəniyyətsiz halalxor satıcını işdən rədd etdirdim” məsələsi olmamışdır.

Növbəti sual:

- Niyə?

Cavab:

- Nədən ki, yaşadığım cəmiyyəti həddindən artıq yaxşı tanıyıram.

Amma normal cəmiyyətlərdə belə olur. Daha doğrusu, normal cəmiyyətlərdə belə satıcı-müştəri dioloqu olmur, “normala meylli cəmiyyətlərdə belə olmalıdır!” deyək. Müştəri neqativ halla rastlaşanda şikayətçi olmalı, müdiriyyət müştərinin şikayətinə adekvat davranmalı və tədbir görməli. Bu ki 1+1 qədər sadədir. Yox? Belə çıxır ki, Yox!

1+1 də normal cəmiyyətlərdə sadə imiş sən demə. Bizdə gərək izah edəsən. Ki, 1+1 niyə, nə üçün, harda, hansı səbəblərdən və məqsədlərdən dolayı 2 edir.

Status sosial şəbəkələrdə ildırımsürətli müzakirələrə çıxdı. Müzakirə də nə müzakirə? Təhqirin biri bir qəpikdən. Söyüşün iki tərəfli olduğunu nəzərə alsaq, yəni söyən tərəfin də avtomatik söyüldüyünü hesablasaq sosial şəbəkələr qurşaqdanaşağı “o məsələ…” Yəni bir xeyli vətəndaş nəsil-nəcabətinə verdiyi dəyəri yüksək həyasızlıq və sırtıqlıqla nümayiş etdirdi. Sözüm onda yox.

Arqument də nə olsa yaxşıdır? - “Bəlkə o satıcının evində xəstə var, balası var, onu niyə çörəyindən eləyirsən?” Bu qafayla hansı aydın cəmiyyət qurmaqdan söhbət gedə bilər? Bu adamlar hələ də anlamırlar, cəmiyyət saxta, amörf əxlaq qaydalarıyla deyil, qanunlarla idarə olunmalı. İşini görə bilməyən, müştəriylə davranış qaydasını qanmayan satıcı niyə o yerdə işləməlidir? Niyə maaş almalıdır? Tərbiyəsizliyə görə adama maaş da verərlər mi? Evində xəstənin olması kimə bu lüksu verir ki, cəmiyyətdə özünü normal adam balası kimi aparmasın? Bu nə şəngülüm düşüncə tərzidir? Bəs mənim ömrümdən çürük mübahisəyə gedən dəqiqələri kim qaytaracaq?

Ümumiyyətlə, mən niyə taksi sürücüsüylə, marketdəki satıcıyla, nə bilim, moyka işçisiylə mübahisə etməliyəm? Niyə bu qədər qəlizdir anlaşmaq?

İndi oğul deyirəm gəl bu kütləyə həqiqət anlat, görüm necə anladırsan. Eynşteyn demiş, “Ay-hay!”

Xülasə. Və gələlim məsələnin məbədinə. Kütlənin şairə, yazıçıya, ümumiyyətlə kitab adamlarına, elm əhlinə nifrəti hardandır? Diksinməyin, dəhşətli bir sirrin üstünü açacağam. Kütlənin nifrəti ordan ki, onlar İsanı çarmıxa çəkdilər və İsa yenə də onlardan yuxarıda dayandı…


P.S. Köşəni belə bəsit dildə və bayağı arqumentlərlə yazmağımın səbəbi hamı tərəfindən başa düşülmək istəyimdir. Amma inanıram ki, yenə də izaha ehtiyac duyulacaq. İşimizə-gücümüzə bax da. Sonra da deyirlər “niyə dünyaya çıxası əsərlər yazmırsınız?” Ey sevimli vətəndaş, sən nə vaxt sivil dünyanın bir parçası oldun, sənin yazıçın, şairin, alimin də dünyaya çıxası əsərlər yazmadı? Yadımdan çıxmamış bunu da deyim, ürəyim soyusun: Elə Füzuli yaxşı eləyib sizin salamınızı almayıb!

REKLAM

Yazarın digər yazıları

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021