news-inner
clock12:25 calendar-gray 21 Dekabr 2017 view-gray352 dəfə oxunub
view-gray352 dəfə oxunub

Cəlil Cavanşir: “Yazıçı Cəlil Cavanşir öldü” - SÖHBƏT

Kulis.az ədəbiyyatdan getdiyini bəyan etməklə ədəbi cameədə müzakirələrə səbəb olan yazıçı, şair Cəlil Cavanşirlə söhbəti təqdim edir.

- Cəlil, gəl sənin o qəfil qərarından danşaq - ədəbiyyatdan getməyindən. Niyə belə qərara gəldin?

- Mən bundan sonra bədii mətn yazmamağa və kitab çap etdirməməyə qərar vermişəm. Amma redaktor və tərcüməçi kimi fəaliyyətimi davam etdirməyi düşünürəm. Bu ölkədə illərdir həyatını ədəbiyyata qurban verən həqiqi ədəbiyyat adamları var və əksəriyyətinin taleyi ürəkaçan deyil. Mən özümü aldatmaq istəmirəm. Əgər imza günümdə yüzdən az oxucu iştirak edirsə, üstəlik 7 il ərzində yazdığım kitabların maksimum tirajı 1000 nüsxədirsə, kimin üçün yazmalıyam?

- Ədəbiyyata varlanmaq üçün gəlmişdin? Guya bilmirdin ki, ədəbiyyatla varlı olmaq olmur?

- Ədəbiyyata məqsədli gəlmək gülməlidir. Azərbaycan reallığını uşaqlıqdan anladığım üçün ədəbiyyatla varlanmaq istəyim olmayıb. Amma indiyə qədər də yazılarımla, tərcümələrimlə, redaktələrimlə yaşamışam. Mən ümumiyyətlə xoşbəxtlik axtarışında deyiləm. Və yazmamaq qərarını verməklə, bütün mənalarda öz fiziki məhvimi gözə almışam. Məsələ maddi deyil, məsələ pul deyil, məsələ mənim kitabdan pul qazanmağım deyil.

- Sən kitabının nə qədər satılmağını gözləyirsən? Bəlkə təqdimatın piarını yaxşı qurmamısan, ona görə az oxucu gəlib? Axı sənin imzan xeyli populyardır?

- Bu şəkildə 1000 kitab da satılsa məmnun qalmazdım. Çünki, bəziləri 10, bəziləri 15 kitab almışdı. Qaldı, təqdimatın piarına, mən bir qəpik də pul qazanmadığım kitabın təqdimatı üçün niyə piar qurmalıyam? Kitab mağazası, nəşriyyat bu məsələdə həvəsli, maraqlı olmalıdır. Mən eyni məkanda 3 kitabımı təqdim etmişəm və bundan öncəki təqdimatlar normal olub. Mən belə düşünürəm ki, Azərbaycan oxucusu yorulub, heydən düşüb, təqdimatda, imza günündə iştirak etmək onun üçün maraqlı deyil.

- Elə düşünmürsən ki, hər bir yazıçı öz oxucusuna adekvatdır? Onun üçün də kitablarımızın az satılmasından şikayət etməməliyik?

- Az satılmaq məni ümumiyyətlə narahat etmir. Bir daha təkrar edirəm ki, məni narahat edən ümumi biganəlik, laqeydlikdir. O gün dostlarımdan biri dedi ki, sən xoşbəxt yazıçısan, təqdimatına yazıçıdan, jurnalistdən çox oxucu gəlir. Cəlil Cavanşir şair kimi, yazar kimi sevilir, oxunur. Mənim şeirim var ki, 150 müxtəlif insan səsləndirib. Oxucusuz yazar deyildim. Üç-beş oxunan, müzakirə olunan imzadan biriydim. Sadəcə bütün bunlar ömrümü tükətməyə kifayət deyil. Yel dəyirmanı ilə döyüşməkdən yoruldum. Getdikcə bezdiyimi hiss etdim. Mən laqeydliklə, biganəliklə barışa bilmirəm.

Görüntünün olası içeriği: 2 kişi, ayakta duran insanlar, oturan insanlar ve iç mekan

- Bundan sonra ümumiyyətlə yazmayacaqsan, yoxsa yazıb sandıqda saxlayacaqsan?

- Çapa hazır bir romanım, bir hekayələr kitabım vardı. Kompüterin yaddaşındadır. Hələ ki, gərginəm, çox ruhdan düşmüşəm. Yazmaqdan yorulmuşam. Amma bu heç vaxt yazmayacağım anlamına gəlmir. Qəti əminəm ki, yazıçı və ya şair kimi mətnlərimi çap etdirməyəcəm. 14 yaşımdan gündəlik yazıram, bundan heç cür vaz keçə bilmərəm.

Amma heç bir proqramda, heç bir çevrədə yazar kimi görünmək istəmərəm. Ədəbiyyatla bağlı bütün müzakirələr, bütün söhbətlər, bütün problemlər mənim üçün bağlandı. 2018-ci ilin yanvar ayından etibarən yazar kimi heç bir açıqlama, heç bir müsahibə verməyəcəm, televiziya proqramına qatılmayacam. Bunun adı ədəbiyyatdan getməkdirsə, olsun.

- Belə çıxır yazıçı Cəlil Cavanşir bundan sonra olmayacaq.

- Yazıçı, şair Cəlil Cavanşir, üstünüzə sağlıq, öldü. Ən yaxşı halda publisist, tərcüməçi Cəlil Cavanşir var. Ədəbiyyatda heç bir iddiam və hədəfim yoxdur. Dostların uğurlarına baxıb sevinmək, gözəl bir yazıdan, şeirdən zövq almaq ən gözəlidir.

- Özün bilirsən ki, redaktə və tərcüməçilik də sən deyən qazanclı sahə deyil. Bəlkə tamam başqa sahə, ədəbiyyatdan min kilometr uzaq olan bir işlə məşğul olasan? Heç bu barədə düşünmüsən?

- Əgər belə bir iş tapsam, məmnuniyyətlə məşğul olacağam. Hələ ki, bacardığım işin qulpundan yapışıram. Bir gün qarşıma normal bir iş çıxsa, sevə-sevə çıxıb gedəcəm.

- Və son olaraq belə zarafatyana sual: ədəbiyyata gəlmişdin ki, gedirsən?

- Şübhəsiz, ədəbiyyatın ən qaynar nöqtəsindəydim. Həmişə gündəmdə olan 5-6 yazardan, şairdən biri olmuşam. Gedirəmsə, deməli ədəbiyyatda idim. İndi bir nəfərlik yer boşalır, vakansiya elan etmək olar.

- Sənə uğurlar olsun. Ümid edək ki, bu, sənin növbəti "hoqqa"ndı.

- Qayət ciddiyəm, hoqqa vaxtı deyil.

Söhbətləşdi: Mirmehdi

news-inner-user

20022 məqalə

Oxşar xəbərlər

Xəbər lenti

Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021