writer1

Hikmət Nazim

Məqalə sayı

16
clock11:55 calendar-gray 15 Dekabr 2017 view-gray348 dəfə oxunub
view-gray348 dəfə oxunub

Dünya o qadına borcludur

Hikmət Orhun

Həvva əcəb eləyib, qadağan olunmuş meyvəni yeyib. Yaxşı ki, Şeytan yolundan çıxarıb, Adəm mane ola bilməyib. Heç ruhu da inciməyib, nə mane olmaq?! Kim nə deyir desin, səmavi kitablar nə uydurur uydursun, vecimə də deyil, mənə görə, əksi olsa daha böyük bəlalar ola bilərdi. Bəla bir yana dursun, eynilikdən canımız sıxılardı.

İnanmırsınız?

Təsəvvür edin, Adəm və Həvva hekayəsi doğrudur. Həvva da həqiqətən Adəmin qabırğasından yaradılıb. Şeytan isə Həvvanın qəlbinə girməyib. Yəni almanı yeyib ölümsüzlüyünü itirməyib. Daha doğrusu, bəşəriyyətin ölümsüzlüyünü...

Habil Qabilin qısqanclığının qurbanı olmayıb.

Dünyanı silkələyən müharibələr baş verməyib, tanklar, toplar ixtira olunmayıb.

Nə insan ölüb, nə ağac kəsilib, nə bir quşun burnu qanayıb.

Bir sözlə, ilk insandan son insana – hamı yaşayır.

Adəm ölməyib, hə, ölməyib.

Elə Həvva da.

Dünyanın hər üzünü görmüş ulu babamız özgə məşğuliyyət tapmayanda uşaqların, yəni bəşəriyyətin gözünün qabağında “sən mənim qabırğamdan yaranmısan” deyib ulu nənəmizi küçümsəyir, yeri gələndə şillə-təpiyin altına salır.

Qabağına keçəni “ağsaqqalam” deyib tənbehləyir, “bizim zamanımızda belə deyildi, uşaqlar böyük-kiçik yeri bilirdi” bəhanəsiylə doqquz yüz yaşındakı bir “kiçiyi”ni tüpürüb-danlayır.

Həvva isə qıza-gəlinə analıq, qaynanalıq eləyir, ərinə sadiqlik öyrədir.

Nə “first lady”lər var, nə “müqəddəs ana”lar. Dünyanın gəlmiş-getmiş ilk xanımı və müqəddəs anası odur.

İstədiyinin qulağını burur, sözünü keçirir.

Bəlkə, onda zaman və məkan anlayışı da mənasız bir məhfuma çevrilərdi, amma hər halda düşünürəm ki, indi əllini aşmamış ağsaqqal moduna keçən ata-analarımıza dünyanın dəyişdiyini, artıq heç nəyin onların zamanındakı kimi olmadığını anlada bilmirik, görün, Həvva qadağan olunmuş meyvəni yeməsə nələr olardı.

Hamımız quzu kimi boyumuzu bükərdik Adəmin qabağında, Həvvanın dizinin dibində, quzu kimi.

Habil və Qabil isə yaradılışın ilk meyvələri olduğu ilə öyünər, insanların üzərində üstünlük qazanmağa çalışardılar. Ya da öncədən qazanmış olduqları üstünlüyü itirməməyə. Əslində, “qazanmış olduqları” da durumu ifadə etmir, çünki onlar “ilk meyvələr” olmaq uğrunda vuruşmamışdılar, bu, onlara hədiyyə olunmuşdu.

Düşünün, ölümsüz-itimsiz dünyada onlar hansı oyunlardan çıxardılar. Özlərini yerin-göyün sahibi gözündə görərdilər, bizi yaradan Allah haqqı! Harada bir təzə obyekt görsələr, dədələrinin adını verib üzərinə çullanar, özgəsinə yaşamağa aman verməzdilər. İşıqlı dünyada bir-biri ilə yola gedə bilməyən qardaşlardan başqa nə gözləmək olar?

Məncə, o danışılan hekayə həqiqət olsa və Həvva qadağan olunmuş meyvəni yeməsə hər şey ən azı bu qədər mənasız olardı, ən azı. Eyni insanları görməkdən gözümüz yağır olardı. Eyni səsləri eşitməkdən, eyni məsləhətlərə qulaq asmaqdan cana-boğaza yığılardıq.

Bu boyda eynilikdən nə musiqi yaranardı, nə rəsm, nə ədəbiyyat, nə teatr, nə kino. Yazıq olardıq, məni yaradan Allah haqqı, yazıq olardıq. Yaxşı ki, qadağan olunmuş meyvəni Həvva yeyib, yaxşı ki! Əcəb eləyib.

REKLAM

Yazarın digər yazıları

Xəbər lenti

Kişi olun, rüşvət almayın daha – Günün şeiri
14:54 22 Aprel 2021
Qatıq satan gəlməyib - Üzeyir Əlizadə yazır
14:23 22 Aprel 2021
Üzülməyin, Hüseynbala müəllim!
13:37 22 Aprel 2021
“Oskar” mərasimində qonaqlar maskasız olacaq
12:57 22 Aprel 2021
Bığına görə töhmət aldı, həbsdən qorxub Gəncədən qaçdı, arvadından sonra evlənmədi – Xalq artistindən maraqlı faktlar
12:30 22 Aprel 2021
Qismətdən yeni kitab sürprizi - Yaxında
11:45 22 Aprel 2021
Hüseynbala Mirələmovla kiçik bir xatirəm və məlum video söhbəti
11:03 22 Aprel 2021
Müharibəyə sevinən qadın
10:30 22 Aprel 2021
Niyə bu gün Azərbaycanda Üzeyir Hacıbəyovlar doğulmur? – Aqşin Yenisey yazır...
09:00 22 Aprel 2021
Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021