writer1

Hikmət Nazim

Məqalə sayı

16
clock11:30 calendar-gray 20 Noyabr 2017 view-gray463 dəfə oxunub
view-gray463 dəfə oxunub

Nüsrət Kəsəmənlini Nazpəri gözdən saldı

Hikmət Orhun

Qazax deyəndə nəinki qazaxlının, hətta, bir kürdəmirlinin belə gözünün qabağına şair gəlir.

"Qazax şairlər yurdudur, söz diyarıdır". Bizi belə pafosu çıxışlarla aldadıblar, mən ölüm, aldadıblar.

Demirəm, Qazaxdan istedadlı şair, aşıq çıxmayıb. Dilim quruyar. Nə Səməd Vurğunu, nə Aşıq Ədaləti danmaq olar. O qədər nadan ola bilmərəm.

Dərdim odur ki, Qazax ədəbi mühiti, aşıqlıq məktəbi bu iki sənətkardan o yana getmir. Nə bir addım qabağa, nə bir addım dala... Elə yerindəcə sayır.

Təzə hansısa bir imzanın adını çəkəndə o dəqiqə kimsə yuyulmamış qaşşıq kimi ortaya düşür ki, Səməddən artıq yazası deyil ha, Ədalətdən artıq çalası deyil ha!

Hələ getsin, Mirvarid Dilbazi qədər olsun, sonra danışar.

Mirvari Dilbazi ha!

Şəxsən bu "xalq şairi"ni dəfələrlə mənə misal gətiriblər ki, bax, bu təhər yazmaq lazımdır, şeirdən soyumuşam. Ona görə ki, mən şeiri Mirvarid Dilbazinin yazdıqları kimi təsəvvür etmirəm.

Zövqlər fərqlidir.

Üstəlik, hər kəs öz qabındakını yazır, öz istedadına görə qırıldanır.

İndi hansısa ağzına gücü yetməyən qalxıb deyəcək ki, paxıllıq edir. Mən niyə Mirvarid Dilbaziyə paxıllıq etməliyəm axı?

Yazıb, lap yaxşı eləyib. Mənim yerimə ha yazmayıb. Allah rəhmət eləsin!

Sadəcə, mən Sovet dövründə ulduzu parlayan şairlərin əksəriyyətini şanslı hesab edirəm, böyütdüyünüz qədər də istedadlı yox. Mirvarid Dilbazini də o cümlədən. Hakimiyyət əlini bu adamların çiyinlərinə qoyub ki, siz məni təbliğ edin, mən də sizi.

Yetmiş il hökmranlıq etmiş Sovet rejimi çoxdan tarix olub, amma siz isə hələ də onun eyforiyasından çıxa bilməmisiniz.

Sözümün məmmədqulusunu bir başqa cür deyim, o ulduzu parlayan şairlərin həməsri olsam, Allah bilir, bu gün məni də kiməsə misal göstərirdiniz.

İndi maraqlıdır, öz şeirimi yazmaq əvəzinə niyə onları yamsılamalıyam, niyə?

Yamsılamaq dedim, Nüsrət Kəsəmənli yadıma düşdü. Təzə yazanlara ən çox da onu misal göstərirlər. Nə var, nə var, səmimi olub.

Səmimiyyəti də bir şey biliblər.

Kimisə tərifləmək istəyib söz tapmayanda deyirlər, səmimi şairdir. Ən yalançı adamlar haqqında belə bu sözü işlətməkdən çəkinmirlər.

Və təzə-təzə qələm tutan gənc şairlər də Nüsrətin ən səmimi şeirlərini qoyub, Nazpərinin oxuduğu musiqilərə yazdığı mahnı mətinlərində səmimiyyət axtarırlar.

REKLAM

Yazarın digər yazıları

Xəbər lenti

Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır?
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021