writer1

Şərif Ağayar

Məqalə sayı

539
clock10:34 calendar-gray 28 Sentyabr 2017 view-gray466 dəfə oxunub
view-gray466 dəfə oxunub

Bakını kitab şəhərinə çevirənlər

Şərif Ağayar

2008-ci ildə Mədəniyyət və Turizm Nazirliyinin Nəşriyyat, reklamın təşkili və informasiya şöbəsində məsləhətçi kimi işə düzələn vaxt şöbənin iclasında ilk verdiyim təklif bu oldu: Kitaba qarşı güzəştlərin tətbiqinə nail olaq!

Düzdür, sonralar bu sadəlövh təklifimə görə, sektor müdirim, Selincerin və Folknerin bənzərsiz tərcüməçisi Tehran Vəliyev məni lağa qoydu, amma bu gün də düşünürəm ki, doğrunu demişəm, lazımlı sözü demişəm və aradan neçə il keçsə də eyni sözü təkrar edərəm.

Zira bu təklif olan yerdə kitab adına bütün olanlar və olacaqlar balaca görünür. Elə Tehran müəllim də işə gəldiyim ilk günlərdə belə yekə təklif verməyimə gülürdü.

Keçmiş şöbə müdirimiz, tanınmış şair Vaqif Bəhmənli Tehran Vəliyevdən fərqli olaraq təklifimi ciddi qarşıladı, lakin əməli iş görməyi, görünür, mümkün deyildi.

O zaman başqa bir tanınmış şairimiz Çingiz Əlioğlu da o şöbədə sektor müdiri idi. Bildiyiniz kimi Çingiz müəllimin taa Mətbuat və İnformasiya Nazirliyindən, müxtəlif nəşriyyatlardakı vəzifələrindən üzü-bəri kitabla bağlı geniş təcrübəsi var. Keçən gündür, təklifimə onun necə reaksiya verdiyini dəqiq xatırlamıram, amma hər halda bu barədə düşünməmiş olmaz.

Nəşriyyat və informasiya şöbəsi (indi deyəsən adı bir az dəyişib – Ş.A.) dövlətlə milli kitab arasında yeganə vəsilədir. Ayrı-ayrı idarə və təşkilatların uğurlu kitab layihələri var, lakin köklü problemlərin həlli, ölkədəki və xaricdəki nəşriyyat-poliqrafiya mərkəzləri ilə hərtərəfli əməkdaşlıq, bütün yuxarı instansiyalara qanunvericiliyə uyğun təklif vermək səlahiyyəti bu şöbədədir.

De-yuri belədir, de-fakto gördüyünüz kimi...

Bəli, biz milli kitabımıza, ayrı ölkələri demirəm, heç olmasa Gürcüstan qədər güzəştlər tətbiq etmək məsələsini nəinki həll edə bilmədik, heçməsələdə qaldırmadıq. Görünür, məndən daha təcrübəli insanlar bunu məsləhət bilmədilər. Ancaq Nəşriyyat şöbəsi mənim orda işlədiyim beş il müddətində bir tarixi işə imza ata bildi - bu, Beynəlxalq Bakı Kitab Sərgi-Yarmarkasının təşkili idi.

Məncə, Vaqif Bəhmənlinin son iyirmi ildə bundan daha yaxşı bir fəaliyyəti olmayıb. Hətta bu yarmarka o qədər uca bir işdir ki, Vaqif müəllimin nazirə yazdığı məşhur mədhiyyəni də buna bağışlamaq olar.

Beynəlxalq Bakı Kitab Sərgi-Yarmarkasının yaradılmasında adı mütləq çəkilməli olan adamlardan biri də Elbəy Əlidir. Azca maaş müqabilində onun çəkdiyi əziyyətləri danmaq üçün adam kor olmalıdır. Elbəy Əli bilirsiniz kimdir? Qeyri-korrekt bir kəlməsinə görə az qala daş-qalaq elədiyimiz dəyərli ziyalı, gözəl tərcüməçi və yazar Akif Əlinin övladı...

Elə şeylər var ki, yazılmır və deyilmir, amma insanların bilməsi mütləq lazımdır.

Bu gün Əl Oyunları Sarayında Beynəlxalq Bakı Kitab Sərgi-Yarmarkasının beşinci tədbiri düzənlənir. Buna görə Mədəniyyət və Turizm Nazirliyinə, Vaqif Bəhmənliyə, Çingiz Əlioğluna, Elbəy Əliyə, Aslan Cəfərova, hətta mənim özümə, bir sözlə zəhməti keçən hər kəsə yağlı bir “Sağ ol” düşür. Tehran Vəliyevə isə tanrıdan rəhmət diləyirəm. Yeri gəlmişkən, onun haqqında heç kimə yox, uca yaradana yaxşı bir esse borcum var. Möhlət versin, yazım.

Bu gün Bakı bütün dünyanı kitab adına ağırlayacaq.

Qürur duymağa dəyər.

Və sonda bir arzumu da deyim: gün gəlsin, vaxtıyla qaldırdığım o təklif gülüş təhnizini öz üzərindən götürsün!

REKLAM

Yazarın digər yazıları

Xəbər lenti

Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021
Üzeyir Hacıbəyli, Natəvan və Bülbülün “güllələnmiş heykəllər”i Şuşaya qaytarıldı
12:01 15 Yanvar 2021
Ermitaj saxtakarlıqda ittiham olunur
11:35 15 Yanvar 2021
Gündüz dayı necə məşhurlaşdı?
11:03 15 Yanvar 2021
Şərif Ağayarın “Kurtlar vadisi”ni xatırladan romanı – Tənqid
10:30 15 Yanvar 2021
“Yeralaş”ın bədii rəhbəri koronavirusdan vəfat edib
09:52 15 Yanvar 2021
Ərinin xəyanətini yuxuda görən Qumru – Sevdanın hekayəsi
09:00 15 Yanvar 2021
Hitlerin kitabının elmi buraxılışı hazırlandı
19:11 14 Yanvar 2021