writer1

Mirmehdi Ağaoğlu

Məqalə sayı

543
clock14:26 calendar-gray 13 Sentyabr 2017 view-gray162 dəfə oxunub
view-gray162 dəfə oxunub

Yazıçılar Birliyi niyə əxlaqsızdır?

Mirmehdi Ağaoğlu

Düşmənçilik edəndə də gərək mərdliyi əldən verməyəsən. Nağıllarımızda, dastanlarımızda buna nümunələr çoxdur. Ancaq nə yalan deyim, bu dəqiqə heç biri yadıma düşmür, nə qədər banal səslənsə də bir serialdan nümunə gətirəcəm.

İki aşirət bir-biri ilə düşmən olur. Aşirətlərdən birinin oğlu digər aşirətin qızını “sevirəm” adıyla qaçırıb evlərinə gətirir. Və qızın namusunu ləkələmək istəyəndə qardaşının o qızı qaçırmağına əvvəldən razı olmayan böyük bacısı buna imkan vermir, deyir, qaçırmısansa gərək evlənəsən, namusunu ləkələyib ata bilməzsən, onların bizə namus borcu yoxdu, qan borcu var.

Bax belə. İncəsənətin bir funksiyası da bəlkə budur. Bizə hazır formalar verir ki, bu formalara, qəliblərə baxıb o cür davrana bilək, çətinlik çəkməyək.

Bəs niyə AYB ilə bağlı qalmaqalda tamam ayrı metoddan istifadə olunur? Bəlkə ona görə ki, AYB özü neçə illərdir ədəbiyyata xəyanət etməklə məşğuldur və indi karma özünü göstərir. Ola bilər.

Ancaq...

Düşmənlə də mərd-mərdanə mübarizə aparmaq mümkündür. Daha “Xanımlara qəlyan çəkmək pulsuzdur” reklamını əldə dəstəvuz etməklə yox.

İttihama baxın:

Kafenin qabağında “Xanımlara qəlyan çəkmək pulsuzdur” reklamı varmış. Guya bu boyda Bakıda bircə “26” kafesinin qabağında belə lövhə var. Bağlayırsınızsa, o biri kafeləri də bağlayın.

İkincisi, qəlyan çəkməyin, üstəlik qadının qəlyan çəkməsinin nəyi əxlaqsızlıqdır? Bu ifadəni işlətməklə qadınları təhqir etdiyinizin fərqindəsinizmi?

Üçüncüsü, adətən bütün əyləncə mərkəzlərində qadınlara giriş və ya hər hansısa bir xidmət pulsuz olur. Qadınların çox gəldikləri obyektlərə kişilər də çox gəlir. Əyləncə obyektləri bununla daha çox müştəri cəlb etməyə çalışır. Bu da elementar marketinq texnikasıdır.

“Əxlaqsız gecə klubu” – ifadəyə baxın. Guya Bakının bütün gecə klubları əxlaqlıdır, camaat ora ibadət etməyə gedir, bircə AYB-nin binasındakı gecə klubu əxlaqsız olub. Gecə klubunun mahiyyəti budur; orda içirlər, oynayırlar, əylənirlər və sair və ilaxır. Və dünyanın heç bir yerində gecə klubları əxlaqsız məkan kimi dəyərləndirilmir.

Məsələn, ötən il Türkiyədə yeni il gecəsi partladılan gecə klubunu həmin o terroristdən başqa heç kəs əxlaqsızlıq yuvası adlandırmamışdı. “26”nı qapadanların meyarı ilə “əxlaqsızlıq” axtarışına çıxılsa onda gərək Bakının bütün gecə klubları bağlanaydı.

Qarşındakına beldən aşağı zərbələr endirməklə, ictimaiyyətin həssas nöqtələrinə toxunub xal qazanmaqla “düşmən”ə qalib gəlmək özü uduzmaqdır... Mənəvi baxımdan uduzmaq...

Necə olsa da bir mədəniyyət ocağına qarşı bu cür davranmaq yaraşmaz.

Axı bu məlum AYB-dir. İllərlə biz tənqid edəndə sizlərin müdafiə etdiyiniz AYB...

Bəs birdən-birə nə oldu?

Nə tez əxlaqsızlaşdılar?

Paylaş

REKLAM

Yazarın digər yazıları

Xəbər lenti

Cavanşir Yusiflinin kitabı təqdim olunacaq
14:12 19 Noyabr 2019
"Qiyamət gün gəlir" - Rafiq Tağıya həsr olunan şeir
13:30 19 Noyabr 2019
Salam Sarvan məşhur meyxanaçı ilə görüşəcək
12:49 19 Noyabr 2019
Cəfər Cabbarlı həftəsi keçiriləcək
12:40 19 Noyabr 2019
“dOM” teatrının direktoru: “Elə oynamalısan ki, tamaşaçı oyuna qatılmaq istəsin” –Müsahibə
11:59 19 Noyabr 2019
Qadınların məğlub olduğu yer - Kişilər
11:41 19 Noyabr 2019
Bu əlyazma 780 min avroya satıldı
11:20 19 Noyabr 2019
Çox narahatam - Qorxmaz Quliyev Nəsimidən yazır...
10:50 19 Noyabr 2019
Xalq artisti xəstəxanaya yerləşdirildi
10:12 19 Noyabr 2019
Vyanada Vaqif Mustafazadənin xatirəsinə konsert
09:50 19 Noyabr 2019
Yaxşılığın peşman elədiyi adam - İsi Məlikzadədən hekayə
09:00 19 Noyabr 2019
Yazıçımızın kitabı erməniləri qəzəbləndirib - Foto
20:08 18 Noyabr 2019
Alim Qasımovun qızından Nəsimi sürprizi - Video
18:42 18 Noyabr 2019
O viranə yuxu - Xəyyam Rəfilinin şeirləri
18:20 18 Noyabr 2019
Aydın Talıbzadə yazır: Onun adı Gülşad...
17:41 18 Noyabr 2019
Mirzə Cəlilin nəticəsi danışdı: "Onunla fəxr edirəm"
17:00 18 Noyabr 2019
Mirzə Cəlilin 150 illik yubileyinə həsr olunmuş konfrans keçirilib
16:15 18 Noyabr 2019
50 yaşda eşqə düşən, işə içkili gələn, jurnalistləri aldadan Xalq artisti
15:33 18 Noyabr 2019
Şövkət Ələkbərovanın xatirə gecəsi keçirilib
14:40 18 Noyabr 2019
Ahmet Kayanı bu aktyor canlandıracaq - Foto
14:01 18 Noyabr 2019