writer1

Günel Natiq

Məqalə sayı

147
clock09:53 calendar-gray 05 Sentyabr 2017 view-gray430 dəfə oxunub
view-gray430 dəfə oxunub

Qızları fırladıb-atmaqdan həzz alanlar

Bəzi gənc oğlanların fəxrlə işlətdikləri və xüsusilə həzz aldıqları ifadələr var.

Bu qeyri-etik ifadələr həmin insanın mahiyyətini də açıqlayır.

Məsələn, “filan qızı fırlatdım, atdım”. Özü də həmin gənc bu sözləri xüsusi şəstlə deyir, elə bil həqiqətən dəyərli bir iş görüb.

Səhv etmirəmsə, “fırlatmaq” gənclərin jarqonunda “vaxt keçirmək”, “istifadə etmək” mənasındadır. Yəni bir qızı aldatdım, evlənəcəyimizə söz verib atdım. Bir qızla vaxt keçirdim, sonra isə bir kənara atdım.

Amma düşünmürlər ki, bu qız da sabah kiminsə həyat yoldaşı, uşaqlarının anası olacaq.

Və “filan qızı fırladıb atdım” deyən oğlan bəlkə də sabah özü bilmədən kiminsə “fırladıb atdığı” qızla ailə quracaq. Axı eyni mühitdə yaşayırıq. İstər-istəməz maraqlarımız, baxışlarımız toqquşur və nəinki maraqlarımız, baxışlarımız, elə biz özümüz də hansısa körpülərdə üz-üzə gəlirik.

Əgər özümüzə hörmət tələb ediriksə, bu hörməti başqalarına da göstərməliyik. Özümüz üçün təmiz ailə arzulayırıqsa, onda özgəsinin ailəsinə də ləkə vurmayaq, çünki o ailədən çıxan qız gələcəkdə kiminsə, bəlkə elə sizin doğmanızın, bəlkə də elə öz ailənizin bir üzvü ola bilər.

Belə bir ifadə “müəllifinə” xüsusilə həzz verir: “Mən ata-anamın seçdiyi qızla evlənəcəyəm”.

Ata-ananın seçdiyi qız da aydan gəlməyib, o da bizim cəmiyyətin bir fərdidir. Təbii ki, onun da kiməsə qarşı duyğuları olub, çünki “ata-ananın seçdiyi qız” hissiyyatsız robot olmur ki. O da insandır, qadındır, yaşıdlarının yaşantıları onun üçün də keçərlidir.

Yəni “ata-ananın seçdiyi” qız da “kiminsə fırladıb atdığı” sevgilisi ola bilər.

Bir də görürsən, sosial şəbəkələrdə cavan oğlanlar tanış qızları təsvir edirlər: “Makiyajı belə idi, ayaqları əyri idi, gözləri çəp idi”.

Yad adamların içində bir qadını müzakirə etmək nə dərəcədə etikdir? Axı o qadındır! Belə fikirlər yürüdən gəncin sabah öz həyat yoldaşına qarşı tələbləri nə olacaq? Necə davranacaq? Öz qadınının mənfi cəhətlərini də müzakirəyə çıxaracaqmı? Yəni qadınlar haqqında mənfi rəyə malik gəncin sabah quracağı ailəyə münasibəti mənim üçün maraqlıdır. Bu münasibətdən o gəncin gələcəyi asılıdır.

Çünki uzaq və qeyri-müəyyən gələcəyimizdə bizə ən yaxın və ən konkret görünən nəsnə - ailəmizdir.

Bəzən belə olur; hər hansı bir gənc “ata-ananın seçdiyi” qız ilə evlənir, onu evin bir küncünə həbs edir, özü isə nikahdan əvvəlki münasibətlərini davam etdirir. Söz düşəndə də deyir ki, hər birinin öz yeri var: arvadın da, məşuqənin də.

Amma “sandıqda saxlanan qadının” nələrə qadir ola biləcəyini nəzərə almırlar. Belə bir nağıl vardı; bir kişi hər gün arvadını sandığa kilidləyib gedir, qadın isə nə hünər edirmişsə sandıqdan çıxıb öz bildiyini edirmiş.

Belə nağıla oxşar gerçək olaylar real həyatımızda kifayət qədərdir.

Yaxud cavan oğlanların keçmiş sevgililəri barədə işlətməkdən həzz aldıqları başqa qeyri-etik ifadələr var. Elə ifadələr ki, olayları çılpaqlığı ilə sərgiləyir. Əslində ifadə müəllifinin məqsədi də elə budur.

Görəsən o, bu ifadələrdən nə həzz alır?

REKLAM

Yazarın digər yazıları

Xəbər lenti

Oğlunun ölümünü ondan 40 gün gizlədilər – Xalq artisti haqqında maraqlı faktlar
21:13 21 Yanvar 2021
Xalq şairinin oğlu: “Atamın xəstəliyini hamıdan gizlətdim” - Müsahibə
20:00 21 Yanvar 2021
Tarix Muzeyinə direktor təyin edildi
18:59 21 Yanvar 2021
"Netflix"in abunəçilərinin sayı rekord həddə çatdı
18:15 21 Yanvar 2021
Filipp Kirkorov bu ölkəni məhkəməyə verir
17:39 21 Yanvar 2021
Bizdən istifadə edən qəddar sənətkarlar – Mehman Qaraxanoğlu yazır...
17:19 21 Yanvar 2021
"Bu nə deməkdir?" - Qismət nazirliyin keçirdiyi müsabiqəni tənqid etdi
16:38 21 Yanvar 2021
Makgregor Porye qarşıdurmasına 1xBet-dən "Risk etmədən mərc"
16:23 21 Yanvar 2021
Tanınmış müğənni şəhid baş leytenanta mahnı həsr etdi - Video
15:40 21 Yanvar 2021
Sən istə, sənin üçün batım hər günaha mən – Orxan Bahadırsoydan yeni şeirlər
15:01 21 Yanvar 2021
"Min bir gecə" Mariinski Teatrında anşlaqla nümayiş olundu - Foto
14:20 21 Yanvar 2021
Ədəbiyyat müsabiqəsinin qalibləri bəlli oldu
13:41 21 Yanvar 2021
Əsgər payına göz dikənlər
13:17 21 Yanvar 2021
Moskvada teatr və kinoteatrlar açılır
12:43 21 Yanvar 2021
O doğulmamış atası Sibirə sürgün edildi, ömrünü mənfi rollara həsr etdi, “baş yaramaz” adını qazandı – Kinomuzun “Göygöz kosa”sı
12:07 21 Yanvar 2021
Qar yağır - Günün şeiri
11:34 21 Yanvar 2021
21-ci əsrin 21-ci ilinin 21-ci günü – Bu gün nə baş verəcək?
11:03 21 Yanvar 2021
Tünzalə Ağayeva Şuşa haqqında klip çəkdirdi - Foto
10:34 21 Yanvar 2021
Azərbaycanlı rəssamın ABŞ-dakı sərgisi beynəlxalq mətbuatda
10:14 21 Yanvar 2021
Vətəni söyməyə nə var? - Aqşin Yenisey qürbətdə aşağılanmaqdan yazır...
08:58 21 Yanvar 2021