news-inner
clock13:31 calendar-gray 10 Avqust 2017 view-gray475 dəfə oxunub
view-gray475 dəfə oxunub

Bir Lolita da yoxdu– ELVİN BAKİROĞLUNUN YENİ ŞEİRLƏRİ

Kulis.az Elvin Bakiroğlunun yeni şeirlərini təqdim edir.

Havalanmış adamın şeiri

hanı sevdiyim o qız?
hanı sevdiyim hər kəs?
yüz ilin tənhasıyam,
görməyib məni Markes.

məni kimsə görmədi,
nə bir düşmən, nə bir dost.
ömrüm itmiş zamandı,
axtarsın Marsel Prust.

boyları bircə qarış,
di gəl tavandı eqo.
bu adamlar kordular,
hardasan, Saramaqo?

bir Lolita da yoxdu,
başımı qatan bir ov.
yox, məndən olan deyil
Vladimir Nabokov.

mən sevginin acıyam,
göz yaşı əldə viski.
bu da mənim cəzamdı
senyor Dostoyevski.

necə qoyum kənara
bu aclığın hamısın.
cavab yoxdu yenə də
eşitmir Knut Hamsun.

mən bu evin küncünə
qısılmış bir tarakan.
böcəyə çevrilmişəm
hardan biləydi Kafka.

məndə qırmızı yoxdu,
rənglərim solğun, qopuq.
mənim adım qaradı,
incimə, Orxan Pamuk.

mənim qara rənglərim
qırmızıya tutur toy.
hərb ve sülh eyni qabda,
düz buyurmuş Tolstoy.

heç kimdə yoxam daha,
heç yerdi daha hər yer.
xəsisdi hər nə varsa,
anlayar məni Molyer.

daha Martin İdenəm,
hər şey bitir, bu da son.
dəniz uzaq olsa da,
içim dənizdi, London.

içimdəki dənizdə
boğuluram elə hey.
bu qoca cavan oğlan
ölür e, Heminquey…

***

məni sənə, səni də
mənimçün cox görənlər.
aramıza girənlər -
ayrılıq massonları...

günü-gündən azalır
çöldə ayaqqabılar.
pəncərələr, qapılar -
gözləmə salonları...

uşaqların yeməyi,
üst-başı, əyinləri.
anamın çiyinləri -
agır yük vaqonları...

torpağın üzərində
Süleymandan iz qalar.
zəhmətkeş qarışqalar -
yeraltı qarsonları...

yad bir ölkə, yad şəhər,
adamlı boş küçələr.
eyni fərqli gecələr -
hüznün qara tonları...

şairlər bu kədəri
milyon ildi əritmir.
niyə işıqlı bitmir
şeirlərin sonları...

***

Bir də mənim qarşıma çıx,
Bir də mənim xoşuma gəl.
Bir də mənim başıma çıx,
Bir də mənim başıma gəl.

Bir də mənə həyatım de,
Bir də olum sənə ömür.
Bir də mənim ömrümü ye,
Bir də mənim ömrümü sür.

Bir də məni tələyə sal,
Bir də keçir qarmağına.
Bir də məni əlinə al,
Bir də dola barmağına.

Bir də…
Bir də…
Bir də…
Bir də…

Oxşar xəbərlər

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020