writer1

Səhər Əhməd

Məqalə sayı

176
clock10:24 calendar-gray 26 İyul 2017 view-gray156 dəfə oxunub
view-gray156 dəfə oxunub

Markın qabağında dayanmaq

Bilirəm, istidi, çox istidi, nəfəsimiz tıncıxır istidən. Bu saat bizi heç bir söz sərinlətməz.

Anlayıram, təkcə hava isti deyil, həm də gündəm bürküdü, boğuluruq. Sosial şəbəkədə durumumuzu, yaşamımızı açıb qoymuşuq ortalığa, bir-birimizi tərifləyə-tərifləyə, lənət yağdıra-yağdıra bir-birimizdən utanırıq həm də. Bu çılpaq səhnənin üstünə heç nə tapıb ata, ayıbımızı gizlədə bilmirik, deyə.

Bir tərəfdən də yay çox axmaq fəsildi, adam həyatdan qopur elə bil, ya da qopmağı arzulayır, ruhunu götürüb harasa aparmaq istəyir, müvəqqəti olduğunu bilsə də.

O üzdən ruhumuzu götürüb gedirik, dənizlərdən-dənizlərə, şəhərlərdən-şəhərlərə, dağlardan-dağlara vururuq özümüzü. Gəmilərlə, qatarlarla, uçaqlarla uzaqlaşmaq istəyirik, uzaqlaşdıqca yaxınlaşacağımızı bilə-bilə. Çünki, Yer üzü sirk səhnəsi kimi dairəvidi, son əvvəldi həm də.

Və bir də görürük ki, yenidən getdiyimiz yerə dönmüşük və döndüyümüz yerdə hələ heç nə dəyişməyib, “yüzillik” müharibə davam edir.

Yol üstündəkilər sevincək, qayıdanlar donuq, getməyə yeri olmayanlar yorğun. Hərə bir yerdə, hər tükümüz bir dərədə, indi bizi heç bir mövzu birləşdirməz.

Anlayıram, təkcə hava isti deyil, həm də gündəm bürküdü, “tankın qabağında dayanan oğlanlar” Markın qabağında dayana bilmir, növbəti dəfə yenə bir neçə yerə parçalanıb: ev istəyib alanlar, istəməyib almayanlar, istəyib ala bilməyənlər, istəməyib almaya bilməyənlər. Alanları qınayanlar, təbrik edənlər, almayanları alqışlayanlar, ala bilməyənləri dəstəkləyənlər.

Bir sözlə, aləm dəyib bir-birinə, meyar itib, ədalət anlayışı iflasa uğrayıb, kimin haqlı, kimin haqsız olduğunu da anlamaq zor. Heç bir sırada durmaq mümkün deyil, sıxılır adam, çox sıxılır.

İnkarı inkar qanununun sonundayıq, sanki.

Bilirəm, fəlsəfə də yağlı yemək kimidi, isti havalarla heç getmir. Amma mən danışmaq istəyirəm (yazmaq, əslində, kiməsə nəsə danışmaq istəyidi).

Adam bu yayın, bu gündəmin, bu ölkənin, ən azından bu paytaxtın içindən çıxıb yenidən harasa - əhatə dairəsindən kənara, internet şəbəkəsinin mövcud olmadığı yerə sığınmaq istəyir. Ana xətdən ayrılmaq, bu zəncirin bir halqası olmaqdan qurtulmaq.

Ən azından soyuqlar düşüncə, gündəmin tozanağı yatınca, ədalət hissimiz yenidən bərpa olunca.

Bunu bizdən ən ibtidai instinktimiz tələb edir.

Paylaş

REKLAM

Yazarın digər yazıları

Xəbər lenti

Dörd ziyanlı vərdiş - Qismət yazır...
11:41 12 Dekabr 2019
"Instagram" şeirləri ilə məşhurlaşan bu qız 2.5 milyon kitab satdı - Fotolar
11:05 12 Dekabr 2019
Heydər Əliyev Xalq şairinə eyhamla nə dedi? – Maraqlı əhvalatlar
10:36 12 Dekabr 2019
“Ayna” filminin ssenarisi satıldı
10:20 12 Dekabr 2019
Aqşin Yeniseyin romanı satışda - Foto
10:01 12 Dekabr 2019
Hacıbaba Hüseynovun xatirəsi anılıb
09:36 12 Dekabr 2019
Sevgilisinin yerinə roman yazan qadının müəmmalı aqibəti
09:00 12 Dekabr 2019
100 min manat ödəyib Fransadan gəlin gətirən azərbaycanlı - Haqverdiyevin hekayəsi
21:02 11 Dekabr 2019
Anarın əsəri Özbəkistanda çap olundu
18:40 11 Dekabr 2019
Məşhur rejissorun Putinə verdiyi sual Kadırovu əsəbiləşdirdi
18:01 11 Dekabr 2019
Tarantino "Kill Bill-3"-ü çəkəcək
17:23 11 Dekabr 2019
Alber Kamyunu “KQB” öldürüb – Şok fakt
16:46 11 Dekabr 2019
"Joker"in "İrlandiyalı" rəqibi - "Oskar" uğrunda mübarizə gərginləşir
16:05 11 Dekabr 2019
Hüseyn Cavidin oğlunun kitabı çap olundu - Foto
15:28 11 Dekabr 2019
Payız tökülür saçından - Yeni şeirlər
14:47 11 Dekabr 2019
Beynəlxalq Festivalda Milli Qəhrəmanımız haqda film nümayiş olundu
14:20 11 Dekabr 2019
Mirzə Cəlilin tanımadığımız nəticəsi: "Azərbaycanlı qızla evlənmək istəyərəm" - Müsahibə
13:46 11 Dekabr 2019
Nəğməkar Xalq şairi
13:06 11 Dekabr 2019
Əjdər Olun “Lo” romanı təqdim olunacaq
12:37 11 Dekabr 2019
Mən zəmanənin Hüseyniyəm – Nəiminin ağrı-acı dolu vəsiyyətnaməsi – İlk dəfə
12:03 11 Dekabr 2019