writer1

Sevda Sultanova

Məqalə sayı

841
clock13:41 calendar-gray 18 İyul 2017 view-gray303 dəfə oxunub
view-gray303 dəfə oxunub

Cırtdan satılmır: Kukla Teatrında sürpriz

İsti iyul günündə Abdulla Şaiq adına Azərbaycan Dövlət Kukla Teatrına - mövsümün bağlanış tədbirinə dəvət alanda onun formal, cansıxıcı olacağını düşünürdüm.

Hərçənd, Kukla Teatrı ümumən kasıb, boz teatr aləmində intensiv kreativ ideyalarıyla canlanma yaratmağa çalışır. Hardasa may ayında nağıl personajlarının bulvarda karnavalı keçirildi, Oyuq Teatr studiyasında Səidə Haqverdiyevanın quruluşunda "Sarı gəlin” kompozisiyası Bolqarıstandakı festivalda birinci yeri tutdu və teatrın uğurlu menecer siyasəti nəticəsində tamaşaları adətən anşlaqla keçir, festivallardan mükafatlarla qayıdır və s.

...Gözlədiyimin əksi oldu. Bir saata yaxın davam edən bağlanış mərasimi elə dinamik, rəngli keçdi ki, mənim kimi tez darıxan, sıxılan adam vaxtın sürətlə axdığını duymadı.

Əvvəla, ənənəvi bağlanış tədbirində nə teatral akademizmə yer verildi, nə rəsmi, boğazdan yuxarı çıxışlara.

Tədbir rəngli, canlı rejissura (tədbirin rejissoru Qurban Məsimovuydu) ilə həm böyüklər, həm balacalar üçün maraqlı performans sərgilədi.

Teatrın direktoru Rəşad Əhmədzadə tədbiri tamamən incə yumora bürüdü, səmimi, rəsmilikdən kənar ortam yaratdı, məşhur nağıl personajları lakonik səhnəciklərlə sağollaşıb, tətilə getdiklərini bəyan elədi, mükafat alan qocaman sənətçilər kövrələndə, direktor dərhal onları qucaqlayıb, zarafatlarıyla sentimentallığı yenidən yumora çevirdi.

Üstəlik, mərasimdə iki ilə yaxın Kukla Teatrında məskən salmış Yuğla eyni səhnəni səxavətlə bölüşdülər. Daha doğrusu, iki fərqli yönü, dili, estetikası olan teatrın bir növ hibridsayağı bağlanışı oldu.

Yanımda oturan aktyor Hikmət Rəhimov “həyatımız o qədər monoton, kasıbdır ki, əsas odur, sənəti kasıblaşdırmayaq” pıçıldayır, sonra səhhnəyə işarəylə “onu belə canlı saxlamaq lazımdır” deyir.

Hikmətin sənət təəssübünün səmimiyyətinə inanıram.

Kulis az. üçün Aliyə və mənim ondan aldığımız müsahibədə cansız, ölü teatr haqda həqiqətləri birbaşa, açıq deməsi onunla Milli Dram Teatrının rəhbərliyi arasında konfliktə səbəb vermişdi. Düzdür, bu konfliktdən dolayı günah kompleksi keçirdiyimi ara-sıra Hikmətə deyirəm. O isə əksinə, rahatdır, dediklərindən peşman olmadığını deyir.

Maraqlı çıxışlardan biri rəngli şəxsiyyəti olan Elza Seydicahandan gəlir. Çıxışında az qala Kukla Teatrının bütün tarixini danışdı, sonra Mayakovskidən sitat gətirdi. Bu arada, deyim ki, onun şeirlərinin oxucusuyam. Məsələn, mənə Qismətin sadə gerçəklikləri fəlsəfiləşdirib, hansısa qatlarla qəlizləşdirən şeirlərindənsə, Elza xanımın elə o gərçəkliklər haqda sadə, birbaşa, sarkastik ruhda şeirləri daha energetik, səmimi gəlir.

Yadima Tarkovskinin danışdığı məşhur əhvalat düşür. Bir qrup intellektual gecəyədək “Ayna” filmini müzakirə edir. Xadimə qadın onlara acıqlanır: “Gecdir, gedin, hələ buraları yığışdırmalıyam, bir də ki, burda müzakirə olunası nəsə yoxdur, filmlə hər şey aydındır”. Onlar da heyrətlə soruşurlar: “Necə yəni?” Qadın da deyir: “Adam ömrü boyu sevdiklərinə qarşı bütün alçaqlıqları edib, indi ölümqabağı başa düşür ki, o, üzr istəməlidir, necəsə özünə haqq qazandırmalıdır və əzab çəkir, amma bilmir nə etsin, çıxış yolu görmür”.

Tarkovski deyir, filmlə bağlı xeyli tənqidi resenziya oxumuşam, amma filmin ideyasının belə sadə və dəqiq formulasını özüm belə təsəvvür etməzdim.

...Tədbir mənim üçün həm də o səbəbdən yadda qaldı ki, Kukla Teatrının dostları mükafatçıları arasında mən də vardım. Teatrın baş rəssamı İqbal Əliyevin hazırladığı nəfis, koloritli dörd Cırtdan kuklasından biri də mükafat kimi mənə qismət oldu.

Bu, yeri gəlmişkən APA Holidinqin həmin gün aldığı ikinci mükafat idi. Digərini APA TV nin əməkdaşı Nigar Həsənli aldı.

...Tədbir bitəndən sonra dostlarla bulvarda kafelərdən birində əyləşdik. Elə təzəcə oturmuşduq ki, yaraşıqlı xanım yaxınlaşıb, Cırtdanı əzizlədi, necə hazırlanmasıyla maraqlandı və onunla bir masada əyləşən avropalı turistlərin kukladan xoşlandığını dedi:

- Satarsız?

İstər-istəməz Cırtdanı möhkəm qucaqladım.

- Yox, satılmır.

REKLAM

Yazarın digər yazıları

Xəbər lenti

Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021