writer1

Sevinc Elsevər

Məqalə sayı

107
clock11:23 calendar-gray 02 İyun 2017 view-gray483 dəfə oxunub
view-gray483 dəfə oxunub

600 bal toplayan qızın bədbəxtliyi

Sevinc Elsevər yazır

Bu yaxınlarda bir topa qadının söhbətinə qulaq müsafiri oldum. Gördüm qadının biri deyir ki, qızım 600 bal toplayıb, hüququ istəyir, amma ödənişlisinə düşür. Ona görə təkrar imtahana girəcək. Bunu eşidən digər qadınlar da yerbəyerdən deyirlər: “Başına xeyir, qoy getsin müəllimlik oxusun da 600 balla. Qızdı, neyləyir hüququ? Sabah nə bilir əri onu işləməyə qoyacaq, ya yox? Amma müəllimliyə kimin sözü var?”, “Hüquqşünas üçün iş tapmaq çətindi bu zamanda” və s.

Mənsə ürəyimdə pıçıldadım: “Həssas qızdısa, insanların acıları əziyyət verəcək ona. Kömək də eləyə bilməyəcək”.

Sonra düşündüm ki, doğrudan da ixtisas seçimi ciddi həyati hadisədir. Bu mövzuda ziddiyyətli fikirlərim olub həmişə. Məsələn, anamın arzuladığı kimi həkim olmadım, ona görə ki, qandan və başqalarının əzablarına baxmaqdan üşənirdim. İndi də eləyəm. Hətta filmlərdə belə qanlı səhnələrə baxa bilməsəm də, getdim əjdaha öldürmək sənətinə yiyələndim. Kinoşünas oldum.

Bu yaxınlarda əlimə çin rəvayətlərindən ibarət kitab düşmüşdü. Balaca bir hekayə məni sarsıtdı. Deməli, varlı bir kişinin gənc oğlu sənət öyrənmək istəyir. Amma düşünür ki, adına yaraşan bir sənət seçməlidi, gurultulu bir adı olmalıdı. Qərara gəlir ki, əjdaha öldürmək sənətinin sirlərinə vaqif olsun. Oğlan araşdırır, ucqar bir meşədə bu sənətin sirlərini öyrədən yaşlı bir kişinin yaşadığından xəbər tutur. Onun yanına yollanır. Kişi oğlanı başa salır ki, əjdaha öldürmək sənətinə yiyələnmək üçün çoxlu pul tökməli, vaxt sərf eləməlidi. Oğlan razılaşır. Bütün var-dövlətini gətirib verir qocaya, on ildən çox vaxt sərf eləyir. Əjdahanı necə öldürürlər öyrənir, kəndinə qayıdır. Günlər keçir, amma heç kimin ona işi düşmür. Axırı özü bir-bir qapıları döyüb onlara əjdaha öldürənin lazım olub-olmadığını soruşur. Deyirlər, hələlik əjdaha öldürən onlara lazım deyil. Nə vaxt kəndə əjdaha gəlsə, onda onu çağırarlar.

İllər keçir, oğlan qocalır, saçı ağarır, dişi tökülür, yaşadığı kəndə bir dəfə də əjdaha gəlmir. Oğlan bütün ömrünü ehtiyac içində, tənhalıqla başa vurur. Hərdən düşünürəm ki, Azərbaycanda bir sıra peşələr var, onlara sahib olsan, kəndə əjdaha gəlməsini gözləməklə ömrünü başa vuran həmin kişinin gününə düşə bilərsən. O cümlədən yaradıcı işlə, ədəbiyyatla məşğul olmaq da əjdaha öldürmək sənətinə yiyələnmək kimidir.

“Bəyin oğurlanması” filmindən eşitdiyimiz məşhur dialoq yada düşür bu yerdə və sual edirsən: “Axı o əjdahadan bizdə niyə yoxdu?!”

REKLAM

Yazarın digər yazıları

Xəbər lenti

“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021