news-inner
clock17:55 calendar-gray 04 Aprel 2017 view-gray263 dəfə oxunub
view-gray263 dəfə oxunub

...ayrıldıq nə asan

Dilarə Zamanova

O mahnıda düz deyirdi. Vallah, düz deyirdi. Əvvəl bu işlər necə idi bilmirəm. Çünki cəmi-cümlətanı 22 ildir bu həyatda yaşayıram (yaşayıram da demək olmaz ey, nəfəs alıb, verirəm). Həqiqətən də indiki dövrdə tez qovuşub, tez də ayrılırıq. Tanış olursan, sevirsən, gecələr boyu onu düşünürsən, sonra, sonra prinsin başqa bir prensesə qoşulub gedər və ya sehrin vaxtı dolar.

Hə bax o gün ki, gəldi və sehrin vaxtı doldu, o zaman türklərin sözü olmasın, buyurun cənazə namazına. Durduğun yerdə ağlamaq, heç nədən əsəbiləşmək, sırf onunla dalaşa bilmirsən deyə evdə ailənlə, dostlarınla, iş yoldaşlarınla dalaşmaq, hər şeyin onu xatırlatması (Deyəsən ən ağırı da odur. Məndən sizə tövsiyə, sevəndə adı ölkədə nadir olan birini sevməyə çalışın, yoxsa mənim kimi gündə ən azdından 12 dəfə adını eşidəcəksiniz). Sonra ən dözülməzi olan mədə bulantılarıdır. Bulantılar hətta o həddə çatır ki, artıq sən yemək yeyə bilmirsən, bəlkə də anama hər şeyi izah edə bilərəm. Amma niyə yemək yeyə bilmədiyimi deyə bilmərəm. İnsanı bu dönəmdə ən çox əsəbiləşdirən şeylərdən biri də məsləhətlərdir. Hamımızın bildiyi o “Möhtəşəm” məsləhətlər: “O sənə yaraşmırdı”.

Guya deyirdim ki, yaraşır? Məncə də yaraşmırdı. Amma mən bir şeyi yaxşı bilirəm ki, (həqiqətən sevən bütün insanlar bilir) sən bəzən onun nə boyunu, nə qaşını, nə gözünü, nə çəkisini sevərən, sadəcə kirpiklərini sevərsən (bir də əyri dişlərini).

“Belə olması lazım imiş.”

Nəyə görə belə olması lazım olduğunu heç bir zaman anlaya bilməyəcəyəm.

“Daha yaxşı biri qabağına çıxacaq.”

Daha yaxşı birini istəmirəm ki, onu istəyirəm.

“Sizin axırınız yox idi.”

Burada da düşüncələrimə böyük filosof Polad Ələmdar sızır: “Sonunu düşünən qəhrəman ola bilməz”.

Yəni hər şeyə bir cavabın olar. Onun əlləri üçün darıxarsan, onu qucaqlamaq üçün darıxarsan, onunla səy-səy danışmaq üçün darıxarsan, onun sənin yazılarını bəyənməməsi üçün darıxarsan, ən çox da səsi üçün darıxarsan (Yadımdadır, bir dəfə telefonda danışıqlarımızı qeyd edəndə o bunu bilmişdi. Mən ona dedim ki, pis niyyətlə etmirəm. O, isə dedi ki, belə hərəkətin yaxşı niyyəti olmur. İndi mən ona Şəhriyarın misrası olmasın, necə izah edim ki, sən bilmirsən axı haradan biləsən, kiminsə səsi üçün it kimi darıxmaq nə təhər olur). Əslində onunla bağlı hər şey üçün darıxarsan, səsini çıxarmazsan sadəcə. İnsan xoşbəxt “miş” kimi görünə bilir, amma bədbəxtliyi “miş” kimi etmək olmurmuş. İnsan bədbəxtdirsə, bəxdbəxtir ey, başqa variantı yoxdur.

Əslində Erosa da (Sevgi tanrısı) əsəbi idim. Heç vaxt bizi “yaxşı oğlanlarla”, ”yaxşı qızlarla” qarşılaşdırmadığı üçün. İndi isə ətrafımda özünü xoşbəxt sanan (həqiqətən xoşbəxt rolunu elə oynayırlar ki), az qala buna özləri də inanan insanları gördükcə Erosa təşəkkür edirəm. Çünki gərçək sevginin 1 saatı həqiqətən də sevmədiyin biri ilə 50 il “Xoşbəxtlik” oynamaqdan yaxşıdır.

Mən qərarımı vermişəm. Kim nə istəyirsə eləsin, mən etməyəcəm, heç vaxt “xoşbəxtliyi” oyanmayacağam. Bədbəxt də olsaq qürurumuzla bədbəxt olaq. Həm kimə görə, nəyə görə? Bəzən kənardan sırf o klassik ailə dəyərlərindən fərqlidir deyə bədbəxt sandığımız o qədər xoşbəxt adam var ki... Bir dəfə xalq artisti Fəxrəddin Manafovun həyat yoldaşı Vahidə Sadıqovanın müsahibəsinə qulaq asırdım. O, həyat yoldaşına uşaqları olmadığı üçün istəsə başqa bir qadından uşaq sahibi ola biləcəyini deyib. Fəxrəddin Manafovun isə cavabı belə olub: ”Anası sən olmayan uşaq mənim uşağım ola bilməz”. İndi bu qadına sırf uşağı olmadığı üçün bəxbəxt deyə bilərsiniz? Məncə Vahidə xanım həyatımda gördüyüm ən xoşbəxt qadındır. Siz də oynamayın, gözləyin, bu ağrıların keçəcəyi günü gözləyin, əmin olun bütün bu ağrılar keçəcək. Heç vaxt onun yerini başqası ilə doldurmağa çalışmayın. Çünki olmayacaq. Tək qalın, ya həyat sizi yenidən kimsə aşiq edəcək, ya da 5 il sonra ona yazacaqsınız ki “Birlikdə ola bilməyəcəyimiz demək səni sevməyəcəyim anlamına gəlməz”.

O da oxuyub cavab yazmayacaq. Amma bir önəmi yoxdur. Əsas odur ki, istədiyiniz kimi yaşayın. İnanın, həyat “Xoşbəxtliyi” oynayanlara “Oskar” verməyəcək. Amma həyat səmiyyəti və gərçək sevgini həmişə mükafatlandırır.

news-inner-user
Kulis+

627 məqalə

Oxşar xəbərlər

Xəbər lenti

Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020