writer1

Günel Mövlud

Məqalə sayı

26
clock18:11 calendar-gray 04 Aprel 2011 view-gray832 dəfə oxunub
view-gray832 dəfə oxunub

Nəhəng tısbağa

İnsan – bədbəxt olmağa borcludur. İfadəni düzəldək. Yaxşı insan bədbəxt olmağa borcludur. Və əgər «ilahi ədalət» deyilən bir şey varsa, bu dünyada hamı axırda mütləq bədbəxt olmalıdır.

Amma dirsəyini qotazlı, zərxara mütəkkəsinə yaslayıb, yağlı dodaqları ilə ədviyyatlı qəlyanını sümürə-sümürə xumarlanan qoca və arxayın Şərqin əhli kef ruhuna and olsun ki, biz dünyanın ən xoşbəxt xalqıyıq.

Cəmi cümlətanı on bir olan iqlim tipinin bizdə olan doqquzunu heç sizin üzünüzə tutmuram, hətta 200 milyonluq Rusiyanın, yetmiş milyonluq Turkiyə türklərinin püşkümüzə havayı düşmüş dillərini və bu dillərin müqabilində dünya ədəbiyyatı, dünya kinosuna babat bələdliyimizi mən heç qara quruşa saymıram.

Hətta planetin özü lə yetinməyib, görməmiş-görməmiş bütün qalaktikaya meydan oxuyan, nüvəsi, texnikası, beyin mərkəzləri ilə bəşəriyyəti hürküdüb, cütcünün hürkütdüyü qarğa kimi büzüşdürən nəhəng ölkələri saatlar içərisində muma döndərən təbii fəlakətlərin bizdən yan ötdüyünü belə nəzərdə tutmuram.

Dünya okeandakı dalğaların, küləyin, nə bilim daha hansı hərəkətli təbiət hadisələrinin enerjisini çoxbilmiş-çoxbilmiş cihazlarla istifadə etdiyi, ekologiyaya öz yardımını əsirgəmədiyi bu pis vaxtlarda özümüzün vəhşicəsinə, axırıncı günmüş kimi tükətdiyimiz elektrikdən, mavi yanacaqdan-zaddan da söz salmıram. Bu qlobal, bəşəri məsələlər bir yana, mən heç altı nəfərlik ailədə heç kimin işləmədiyi halda ev əhlinin sanki ruzi doğrudan da göydən, allahdan gəlirmiş kimi, özü üçün bala-bala dolandığını da demirəm.

Biz sadəcə xoşbəxtik. Səbəbsiz, boş-boşuna, eləcənə.

Son vaxtlar şou-biznesə gələn təzə-tər, çiçəyi burnunda, bizim hələ tanımadığımız müğənniləri görəndə içimdə nə vaxtsa eynək taxıb, kitab oxuyacağımıza, dünyada bəzi məsələlərdən hali olandan sonra, bəşəriyyətin taleyi barədə bir az qaramat-qaramat düşüncələrə dalacağımıza ümidim qırıldı.

Axırda hamımızın bədbəxt olacağımıza heç bir güman yerim qalmadı. Ümidim vardı ki, Aygün Kazımova, Rəqsanə, Xatirə, Röya alacaqlarını alıb, verəcəklərini verib, yorulacaq, yaşlanacaq, mikrafonu atıb, nəvə-nəticə oynadanaqlar. Biz də axır ki, «super ulduz», «şou ulduz», «yeni ulduz» eyforiyasından çıxıb, «adama bir yaponiyalını radiasiyadan xilas edək» kimi bəşəri problemlərlə məşğul olacaq, sonra da canımız cəhənnəmə, bədbəxt olub, çıxıb gedəciyik.

Amma, mən bütün dünyada köhnələrin yerinə təzə insanların gəldiyi faktını unutmuşdum. Aygün, Röya, Xatirə qocalmamış, onların yerinə Səfurələr, İlqarələr, Aynaşinlar gəldi və onlarla bir vaxtda dünyaya gələn cinsicırıq, saçı uzun, qulaqları səksən səkkiz sırğalı oğlanlar və hər yeri brekloklu qızları da onlar xoşbəxt eləyəcək.

Amerikan psixologiyasının atası Uilyams Ceyms bir qoca ledi ilə söhbətini danışır. Yaşlı ledi iddia edir ki, dünya nəhəng tısbağanın kürəyində qərar tutub.

Professor Ceyms mümkün qədər nəzakətlə soruşur:

- Hörmətli ledi, onda həmin tısbağa nəyin üzərində dayanıb?

- Bunu bilməyə nə var ki? – yaşlı ledi cavab verir – o da başqa bir nəhəng tısbağanın belində dayanır.

Professor Ceyms yenə də mümkün qədər nəzakətlə soruşur:

- Aydındır. Amma siz mənə deyə bilərsiniz, həmin ikinci tısbağa nəyin üzərində dayanıb?

Professorun onu məntiq tələsinə salmaq məqsədini başa düşən yaşlı ledi deyir:

- Özünüzü yormayın, professor. O tısbağaların sayı-hesabı yoxdur!
Qarıya gülməyə tələsməyin.
REKLAM

Yazarın digər yazıları

Xəbər lenti

Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021
Hər kəsin ürəyinə dağ çəkən həkim: Müəmmalı ölümündən iki saat əvvəl canlı yayımda idi...
12:01 20 Aprel 2021
İstərdim məni şillələsin...
11:20 20 Aprel 2021
Taksi sürücüsünün telefonunda mənə göstərdiyi şəkil – Günel yazır...
10:39 20 Aprel 2021
Sosial ağrıya çevrilən ölüm - İradə Musayeva yazır
10:01 20 Aprel 2021
Tanınmış musiqiçi vəfat etdi
09:35 20 Aprel 2021
Əli Əmirlidən yeni hekayə: Mələk əmi
09:00 20 Aprel 2021
Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur Baycan
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021