news-inner
clock13:00 calendar-gray 05 Yanvar 2017 view-gray258 dəfə oxunub
view-gray258 dəfə oxunub

“Dünya ədəbiyyatı” dərgisinin yeni sayı işıq üzü görüb

“Dünya ədəbiyyatı” dərgisinin yeni işıq üzü görən, bütövlükdə Oman ədəbiyyatına həsr olunan sayı Azərbaycan Respublikası Mədəniyyət və Turizm Nazirliyinin dəstəyi, Oman Sultanlığı Mədəniyyət Klubu ilə AYB Bədii Tərcümə və Ədəbi Əlaqələr Mərkəzinin əməkdaşlığı nəticəsində ərsəyə gəlib.

Mədəniyyət və turizm naziri Əbülfəs Qarayevin dərginin giriş səhifəsində çap olunan məktubunda bu nəşrin əhəmiyyəti xüsusi vurğulanır: “Sevindirici haldır ki, “Dünya ədəbiyyatı” dərgisinin “Oman ədəbiyyatı” xüsusi sayı bizim üçün əlamətdar olan bir vaxtda işıq üzü görür. Biz Dövlət müstəqilliyimizin bərpa edilməsinin 25-ci ildönümünü yenicə qeyd etmişik. Həmçinin, 25 il bundan əvvəl dekabr ayının 30-da Oman Sultanlığı Azərbaycanın dövlət müstəqilliyini tanımış, bir müddət sonra isə ölkələrimiz arasında, diplomatik münasibətlər qurulmuşdur. Bu gün artıq ölkələrimiz arasında çoxşaxəli, o cümlədən, mədəni münasibətlər var. Ölkələrimiz bir çox sahələrdə ikitərəfli mübadilə və əməkdaşlıq edir, eyni zamanda İslam Konfransı Təşkilatı və İSESCO formatlarında da münasibətlərini dərinləşdirir... Qədim mədəniyyətə, köklərə malik Oman ədəbiyyatının ilk dəfə belə böyük həcmdə Azərbaycan oxucusuna təqdim edilməsi olduqca təqdirəlayiqdir”.

“Dünya ədəbiyyatı” dərgisinin baş redaktoru Seyfəddin Hüseynlinin sözlərinə görə, bu sayda təqdim olunan əsərləri İmamverdi Həmidov, Rəşad Həsənov, Aytəkin Qocayeva, Mahir Həmidov, İsmayıl Hüseynov orijinaldan tərcümə ediblər. İlqar Fəhmi və Məcid Əsri isə bir neçə şeiri sətri tərcümə əsasında çeviriblər.

Oman ədiblərindən Yaqub əl-Xənbəşinin “Gecə səfərləri” romanı, Abdullah ibn Mübarək əl-Battaşinin “Novruz”, Aminə ər-Rabinin “Yuxu” pyesləri, Əzhar Əhməd əl-Harisi, Rahmə əl-Muğeyzəvi, Əli əl-Maməri, Yəhya Salam əl-Munziri, Numeyr bin Salim əs-Səid,Talib əl-Maməri, Süleyman əl-Maməri, Məhəmməd ət-Tavil, Məhəmməd əl-Yəhyayi, İbrahim Səid, Məhəmməd Seyf əl-Rahbi, Xəlifə bin Sultan əl-Abri, Əbdüləziz əl-Farsi, Coxa əl-Harisi, Hamud Suud, Bədr əş-Şidi, Buşra Xəlfan, Əl-Xəttab əl-Məzrui, Hamud əş-Şukeyli, Huda Həmd, Hilal əl-Badi, Nasir Saleh, Seyf ər-Rahbi, Əhməd əl-Fəllahi, Adil əl-Kəlbani, Abdullah əl-Bəluşi, Məhəmməd əl-Harisinin hekayə və esseləri verilib. “Poeziya” bölümündə isə Əbu Sufi Səid əl-Omani, Əllamə Məhəmməd əl-Məuli, Raşid əl-Həbsi, Məhəmməd əl-Xədrami, Hilal əl-Busəidi, Yunis əl-Busəidi, Səidə əl-Farisi, Zahir əs-Salimi, Yəhya əl-Ləzami, İshaq əl-Xəncəri, Saleh əl-Amiri, Haşim əş-Şamsi, Hilal əl-Hicri, Xəmis Qələm, Abdullah əl-Areymi, Bədriyyə əl-Vəhibi, Mahmud Həmd, Abdullah Həbib, Aişə əs-Seyfi, Həsən əl-Mətruşinin şeirləri dərc olunub. Azizə əl-Tainin “Oman təhkiyə üslubunun inkişafı”, Humeyd bin Amir əl-Hicrinin “Müasir Oman şeirində siyasi düşüncənin ifadə üslubları” məqaləsi Oman ədəbiyyatı ilə bağlı nəzəri məsələlərə həsr edilib.

Dərgidə yer verilən rəngli şəkillər Oman rəssamlığı və foto sənəti barədə Azərbaycan oxucusunda ümumi təsəvvür yaradılmasına xidmət edir.

Oxşar xəbərlər

Xəbər lenti

“Çəkməli pişik” onlayn göstəriləcək
18:44 07 İyul 2020
Əfsanəvi musiqiçi vəfat etdi
18:09 07 İyul 2020
Bizim üçün qızılgül – Cavanşir Yusifli yazır...
17:30 07 İyul 2020
Bred Pitt yeni filmə çəkilir
16:48 07 İyul 2020
Filmdəki "Kəndimiz" mahnısının ifaçısı dünyasını dəyişdi
16:06 07 İyul 2020
Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək?
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020
Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020