news-inner
clock12:08 calendar-gray 08 Dekabr 2016 view-gray329 dəfə oxunub
view-gray329 dəfə oxunub

Bakı – Onu unutmaq – Bakı YENİ ŞEİRLƏR

Kulis.Az Könül Arifin yeni şeirlərini təqdim edir.

Şəhər adları

Səfər elanları yayıldı.
Enib uçuş qiymətləri ovuc içinə.

İndi bütün şəhərlərin adı
"Onu unutmaq"dı:

Bakı – Onu unutmaq – Bakı
Bakı – Onu unutmaq – Bakı
Qəbələ – Onu unutmaq – Qəbələ
Gəncə – Onu unutmaq – Gəncə



Repriz![i]

Sevgi ilə əllərin arasında – sözlər
inciklik
göz yaşları.
Bir duzlu damla dəyib dağıldı
əlin üstünə.
Sevgiyə dartınan əlləri
gözlər çəkib saldı
nəm çökəkliyinə.

Sevgi ilə əllərin arasında
bu uzanıb-qısalan yolda – əşyalar da var.
Əllərə
və sevgilərə görə dəyişir bu əşyalar;
mən
bir qutu şokolad,
iki kitab xatırlayıram
sənin o isti....
mehriban.... ağ əllərində,
mənsə....
............... iztirablı...............
................................ucsuz-bucaqsız..........
..............................................................“Tatar çölü”nü uzatmışdım sənə
barmaqları
aprelə dolaşan
bumbuz əllərimdə.

Sevgi ilə dodaqların arasında – əllər quruyar.
Dodağımla toxunsam sevgiyə
qupquru

izsiz torpaq gizildəyər çöllüklərdə.
Bircə mənnn.............
........................bircəəə............
.......................................bircə mən ölərəm o torpağın üstündə!

Kölgəm –
məndən öncə uzandı torpağın üstünə...
Qabırğa ilə torpağın arasında – kölgə.
Torpağın üstündə
Qabırğa şəklində kölgə.

Sən
“bütün bunları yaz” deyirsən.
Mənsə
bunları yaşamaq, səsləndirmək istəyirəm.
Yaşamaq,
səsləndirmək
və yazmaq arasında
qıvrılmaqdır ömür indi,
eynən yumub gözlərini
masanın bir ayağından o biri ayağına
qıvrılıb
quyruğunun ucunacan sürtünən o pişik kimi.

Bircə
səsləndirə bilmədiklərimi
rahatlıqla yaza bilirəm.
Məsələn:


“Mən səni.......
.......................hələ də.......
.........................................sevirəm”


[i] fr. reprise – Musiqidə notların təkrarlanması

Orange

Marina Svetayevaya

Radzeviç,

mən kölgələri sevirəm,

onların itaətkarca

məni izləyib sonra xəlvətcə

hətta inadla

məndən önə keçməsini

və bu ətaləti,

ətalətin vəhşi sevginin üstünə

örtük kimi sərilməsini

sevirəm.

Radzeviç,

mən

hələ susan –

hələ örtüyü üstündən çəkilməmiş sevgini

sevirəm.

Çəkildimi
bu müddət örtüyü sevginin üstündən,
duydummu sevgini –

sevimli tikə kimi
bircə söz düşər yerə dilimdən:
"Sevirəm!
Sevirəm.
Sevirəm..."

Radzeviç,

necə təsvir edim sənə sevgimin şəklini?

– cümlələr korlayar deyə

yazmağa qıymadığım roman kimi

sənin haqqında

ölənəcən düşünmək sevgisini...

– bu düşüncəni daş kimi

ayağıma bağlayıb susqunluğun içinə

səninlə batmağımın şəklini...

– sonra

su anbarına baxan eyvanımda

hələ səpilməyən buğda üstündə

bir-birini qovan göyərçinlərin vahiməli qanad səsinə

diksinib

susqunluğun çölünə atılmağımın şəklini...

– və uğrunda

savaşacaq bir dəni də

olmayan halıma yanmağımın şəklini...

Sən bu şəkilləri

get-gedə

rəngsiz təsvir elə.

Radzeviç,

dırnaqlarımsa bütün şəkillərdə

narıncı rəngdə idi.

2016 payız

Oxşar xəbərlər

Xəbər lenti

Fərid Hüseynin yeni kitabı çap olundu
16:09 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
“Səs Azərbaycan” başlayır: Münsiflər kim olacaq? - Foto
14:15 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:32 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021
Rusdilli olmaq başqa, rus dilini bilmək başqa: Özünə hörmət etməyən kimlərdir?
12:15 24 Sentyabr 2021
Ana dilini bilməyən nankorlara - Günün şeiri
11:38 24 Sentyabr 2021
Musa Yaqub xanımının məzarı üstündə şeir oxuyur - Video
11:01 24 Sentyabr 2021
Qızı ilə rusca danışan Elgiz
10:30 24 Sentyabr 2021
İbrahim Tatlısəs 12 il sonra konsert verdi - Video
10:02 24 Sentyabr 2021
Qərb ölkələrini fəth edən Azərbaycan mahnısı - Onu necə lağa qoydular?
09:01 24 Sentyabr 2021
Bir gəncin anormal istəkləri – Orxan Bahadırsoydan 18+ hekayə
21:00 23 Sentyabr 2021
Bakıda simfonik musiqi axşamı keçirilib
19:01 23 Sentyabr 2021
Rejissorumuzun filmi Batumidə nümayiş olunub
18:21 23 Sentyabr 2021
Kəramət Böyükçöl: "İstedadımla taksavatlıq edirəm" - Video
17:36 23 Sentyabr 2021
Falçı yetişdirən məktəblərimiz – Aqşin Yenisey yazır...
16:50 23 Sentyabr 2021
Saitlər əsasdır, yoxsa samitlər?
16:14 23 Sentyabr 2021
Yazıçı Səfər Alışarlı: “Azərbaycan sərvət aşiqlərinin ölkəsidir” - Müsahibə
15:33 23 Sentyabr 2021