writer1

Şərif Ağayar

Məqalə sayı

519
clock12:16 calendar-gray 01 Dekabr 2016 view-gray197 dəfə oxunub
view-gray197 dəfə oxunub

Ləzzəti yaxşılıqdan almaq

Dostum Alpay Azərin bir əlyazmasını oxuyuram. Orda qəribə bir cümləyə rast gəldim.

Yazıçı müalicəyə ehtiyacı olan Qarabağ əlilinə maddi yardım göstərən qəhrəmanın keçirdiyi hissləri təsvir edərək yazır: “Xeyirxahlıq hissi bir istilik kimi içinə doldu, ləzzət aldı bu hissdən...”

Mənə qəribə gələn nədi?

Zaman-zaman yaxşılıqdan zövq almaq haqqında düşünmüşəm.

Hər kəsdə varmı belə bir hiss?

Ümumiyyətlə, yaxşılıq etməkdən məmnunluq duymaq insanlığın hansı mərtəbəsidir?

Yaxşılıq eləməkdən həzz almaq!

Məncə, dinin də, ədəbiyyatın da yalan olduğu nöqtədir burası.

Çünki yaxşılıqdan həzz almaq varsa, arxasında heç bir məqsəd dayanmır.

Dində tanrı üçün, ədəbiyyatda söz üçün edilən canfəşanlıqlardan deyil bu...

Yaxşılıq edirsən və heç bir səbəb olmadan içinə istilik kimi dolan bu duyğudan ləzzət alırsan.

Məncə, belə bir insan kamilliyin astanasındadır.

***

Vaxtıyla kəndimizdə Qənimət adında yaşlı biri kişi vardı.

Uzun ağ bığ saxlayır, başına motal papaq qoyurdu.

Onun siqaret çəkməsinə, danışmasına, yerişinə, səliqə-sahmanına valeh idim.

İndi də yadıma düşəndə qəribə duyğular keçirirəm.

Səsi də, gülüşü də yaddaşıma əbədi həkk olunub.

Bir dəfə Qənimət kişini yayın istisində kəndin aralığında gördüm.

O, çəliyinin ucu ilə yolun ortasına düşən sərt qaratikan kolunu böyük əziyyətlə yoldan çıxardı, kənardakı çəpərin içinə yerləşdirdi.

Hətta əli yaralandı...

Düşündüm: bu kişi niyə adi bir kol qırığını yoldan götürmək üçün bu qədər zəhmət çəkdi?

Lap götürdü, niyə onu çəliyin ucu ilə çəpərin o üzünə atmadı?

Çəpərin içinə soxub, məftillə bağladı.

Üstəlik əlini də yaraladı...

Dəlidirmi bu kişi?

Axı nə çəpər onundur, nə yol onundur, nə də bu lazımsız qaratikan kolu.

Kəndin içində başqa heç kim də yoxdur ki, deyəsən, özünü göstərir.

Heç məni də görmür.

Yaşa dolduqca Qənimət kişinin bu işlə necə hüzur tapdığını, necə rahat olduğunu, necə zövq yaşadığını yavaş-yavaş anlamağa başaldım.

***

Bu gün tezdən binamızın həyətinə düşən bir oyuncaq maşın qırığını ayağımla yoldan çıxartdım ki, gəlib-gedən məktəbli uşaqlara mane olmasın.

Amma sizi əmin edirəm, o maşın qırığını mənim ayağımla Qənimət kişi yoldan çıxarırdı.

Ona görə mən işimi mexaniki görürdüm və heç bir həzz almırdım.

Elə-beləcə, Qənimət kişinin xatirəsinə ehtiramımı bildirirdim.

Hətta ola bilərdi ki, maşın qırığının yoldan çıxmadığını görüb, geri, əvvəlki yerinə təpikləyəydim...

Amma etmədim...

Avtobusa gecikə bilərdim, amma işimi axıracan gördüm.

Maşınlara, uşaqlara, qocalara zərər verə biləcək bu lazımsız qırıq-quruğu yoldan kənara apardım.

Avtobusa da çatdım, oturmağa yer də tapdım və açıb Alpay Azərin əlyazmasını oxuyanda məhz bu cümlə çıxdı qarşıma.

Utandım.

İçimdə o istini duymadığım üçün...

Xeyirxahlıqdan ləzzət almaq!

Bu nöqtəyəcən kamil olmaqdadır məsələ...

REKLAM

Yazarın digər yazıları

Xəbər lenti

Dünyaca məşhur roman Azərbaycanda nəşr edildi
10:09 02 İyul 2020
Tağıyev bulağında qətl söhbəti – Ayxan Ayvazın yeni reportajı...
09:00 02 İyul 2020
Dünyanın ən böyük aforizm ustasından əzbərlənəsi 15 nümunə
21:02 01 İyul 2020
Ermitaj muzeyi açılır
18:42 01 İyul 2020
Uşaq arabasına qoşulan fil – Yazıçı Şahmar haqda esse
18:04 01 İyul 2020
"Ulduz"un iyun sayı nəşr edildi
17:12 01 İyul 2020
Röya koronavirus testindən keçib
16:29 01 İyul 2020
ABŞ Film Akademiyası təmsilçilik böhranı yaşayır
16:00 01 İyul 2020
Kinematoqrafçılar İttifaqından Kann Festivalına etiraz məktubu
15:14 01 İyul 2020
Xəyanətə görə boşanan, həkim səhvindən xərçəngə tutulan, son nəfəsdə keçmiş ərini arzulayan aktrisamız – Maraqlı faktlar
14:36 01 İyul 2020
Məşhur amerikalı aktyor vəfat etdi
13:54 01 İyul 2020
Mədəniyyət Nazirliyində yoxlamalar aparılır? - Rəsmi
13:12 01 İyul 2020
Qəpik-quruşa satılan yeni dünya - Şəhla Nihanın hekayəsi
12:38 01 İyul 2020
Yaradıcı gəncliyimizi erməniyə uduzduranlar – Samirə yazır...
12:10 01 İyul 2020
Nazim Hikmətin yeni şeirləri tapıldı - Fotolar
11:34 01 İyul 2020
Əməkdar artist dünyasını dəyişdi
11:08 01 İyul 2020
Bakıya qarşı əyalət nankorluğu
10:51 01 İyul 2020
Bakıda İnstaqram-jurnal fəaliyyətə başladı – İlk dəfə
10:11 01 İyul 2020
Bəhram Bağırzadəni cihazdan ayırdılar
09:51 01 İyul 2020
Elza Seyidcahan: “Boşansam da, qapım hər zaman onun üzünə açıqdır” – Müsahibə
08:50 01 İyul 2020