writer1

Şərif Ağayar

Məqalə sayı

550
clock12:07 calendar-gray 24 Noyabr 2016 view-gray260 dəfə oxunub
view-gray260 dəfə oxunub

Hardandır bu qəzəb?

Ədəbi mühitdə az-çox tanınmış yazıçılardan birinin romanı çap olunmuşdu və tanınmış tənqidçilərdən biri bu roman haqqında yazı yazmışdı.

Yazını oxudum və şoka düşdüm.

İlahi!

Bu nə qəzəb idi?!

Bu nə nifrət idi?!

Özümü saxlaya bilmədim.

Tənqidçiyə zəng vurdum.

Dedim, a kişi, adam aşağı-yuxarı bir roman yazıb, uzağı roman alınmayıb, sən onun üstünə niyə belə getmisən?

Elə bil cəmi bəlalarımızı baisi bu adamdır.

Tutub dar ağacından asmalıyıq.

Bu nə yanaşmadır?

İnsan niyə bu duyğularla yaşasın axı?

İlin-günün bu vaxtı işindən-gücündən, problemindən-qayğısından vaxt qırtıb nəsə yazan adam ehtirama layiqdir.

Əgər yazdığı alınmasa, zərəri özünün, alınsa, qazancı ədəbiyyatındır.

Sən də uzağı, yaza bilərsən ki, bu, bu, bu səbəblərdən roman alınmayıb.

Vəssəlam!

Burda qəliz nə var?

Adamı niyə söyürsən?

Niyə təhqir edirsən?

Niyə alçaldırsan?

Kim istəyər ki, yazdığı əsər zəif olsun?

Sitatın sonu...

Mən bu yazımda tənqidçinin də, yazıçının da adını yaza bilərdim.

Amma ehtiyac görmürəm.

Çünki bu hal bir nəfərlə, beş nəfərlə bitmir.

Ədəbi mühitimizdə yazan, pozan, çalışan, oxuyan adamlara nifrət edən bir dəstə adam var.

Və bu nifrətlərini gizləyə bilmirlər.

Biri var, mız qoymaq üzrə magistr təhsili alıb elə bil.

Guya bu dəhşət bilgilidir, bizim yazarların nə mal olduğun ovcunun içi kimi bilir, müdrikcəsinə gülümsünür-filan...

Amma sükutu uzun sürmür.

Bir də görürsən hardasa püskürdü.

Facebook belə adamların özünü ifşasına geniş imkanlar yaradıb.

Harda bir zəhmətkeş qələm əhli varsa onu hədəfə alacaq.

Oxumağına, yazmağına lağ edəcək.

Özündə də yanbıza sürtüləsi heç nə yoxdur.

Statuslarında belə zəlildir adam.

İki cümlədə iyirmi səhv buraxaraq Ginnesin kitabına iddialıdır.

Və nifrət edir!

Və qəzəb saçır!

Və əlində imkan ola, adamın dərisinə saman təpər.

İzlədikcə, vahimələnirsən.

Axı niyə?

Yazan-pozan, oxuyan-öyrənən insanlar buna neyləyirlər?

Utanırsan ki, tutub yaxasından silkələyəsən...

Deyəsən, ey insan, ayıl!

Dünya o qədər genişdir ki, Azərbaycan kimi dıqqılı ölkənin bu başından o başına beş yüz kilometrdir.

Yazmaq istəyirsən, yaz, oxumaq istəyirsən, oxu, bunun heç birini istəmirsən, çəkil öz dünyana, rahat ol, heç kimə kin və qəzəb bəsləmə...

Hərə öz yazısını yazır, hərə öz kitabını oxuyur, hərə öz dünyasını bəzəməyə çalışır.

Hər kəsi oxumaq, nifrət etmək, ona qəzəb bəsləmək kimi missiyan yoxdur axı.

Sən də rahat olduğun bir dünya yarat, ora sığın, orda hüzur bul.

Azərbaycan kimi dıqqılı bir ölkənin bu başından o başına beş yüz kilometr olsa da ömür qısadır.

Bir də görəcəksən ona-buna söz atıb lağ eləyə-eləyə, nifrət bəsləyib qəzəb püskürə-püskürə ortalıqda tumançaq qalmısan.

Bir həsirsən, bir məmmədnəsir.

Sığınmağa bir misran, daldalanmağa bir sətrin yoxdur...

Yazıqsan...

İnsan niyyətini həmişə xoş eləməlidir.

Sənin gülüşünün də, ağlayışının da, qəzəbinin də arxasında xoş niyyət dayanmırsa, insanlığın şübhə altındadır.

Özünü kənardan görməyi bacar, ey xaniman xərab!

REKLAM

Yazarın digər yazıları

Xəbər lenti

Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021